जकरिया 4:2 - नेवाः बाइबल

² वं जितः न्‍यन, “छं छु खना?” जिं लिसः बिया, “जिं छगू सेल्‍लाःगु लुँयागु त्‍वाःदेवा खना। उकिया च्‍वकाय् चिकं तइगु छगू तग्‍वःगु ख्‍वला दु। व ख्‍वलाया क्‍वय् चाकःछिं न्‍हय्‌गः पाल्‍चात दु। पाल्‍चातय् च्‍वय् मतया निंतिं न्‍हय्‌पु चिकं वइगु नली तयातःगु दु।

जकरिया 4:2 ပူးပေါင်းရင်းမြစ်များ

१ इतिहास 28:15

वं लुँया त्‍वाःदेवा व उकिया मत थलयागु निंतिं व वहःयागु त्‍वाःदेवा व उकिया मत थलयागु निंतिं माःगु तौल क्‍वःछिनाबिल।

२ इतिहास 13:11

न्‍हियान्‍हिथं सुथय् व बहनि इमिसं परमप्रभुया निंतिं होमबलि छाइ, गुँगू थनी, शुद्धगु तेबिलय् देछाःगु मरि तइ, अले सन्‍ध्‍या ई पतिकं लुँया त्‍वादेवातय् दुगु मत च्‍याकी। थुकथं परमप्रभु झी परमेश्‍वरं आज्ञा बियादीगु खँ जिमिसं पालन याना। छिमिसं धाःसा वय्‌कःयात त्‍वःतूगु दु।

२ इतिहास 4:7

वं इमिगु नमूनाकथं झिपु लुँया त्‍वाःदेवा दय्‌काः देगलय् न्‍यापु दच्‍छिनपाखे व न्‍यापु उत्तरपाखे तयाबिल।

उपदेशक 12:6

वहःया तार चबुये न्‍ह्यः अले लुँया ख्‍वलाचा तज्‍याये न्‍ह्यः, चायागु घः बुंगाःचाय् कुचा कुचा दले न्‍ह्यः अले बुंगाःचाय् खिपः चबुये न्‍ह्यः, परमेश्‍वरयात लुमंकी!

यर्मिया 24:3

परमप्रभुं जितः न्‍यनादिल, “अय् यर्मिया, छं छु खना?” जिं लिसः बिया, “जिं यःमरि खना, बांलाःगु यःमरि ला तसकं बांलाः, बांमलाःगु यःमरि धाःसा थुलि बांमलाः कि नये तक नं मज्‍यू थें च्‍वं।”

यर्मिया 52:19

जुजुया अङ्गरक्षकतय् सेनापतिं भिंगु लुँ वा वहःयागु बातात, गुँगू मकःत, छ्वाकेगु बातात, थलबलत, त्‍वाःदेवात, त्‍वँसाबलि छाइगु ख्‍वला व बातात नं यंकल।

आमोस 7:8

परमप्रभुं जितः धयादिल, “आमोस, छं छु खनाच्‍वना?” जिं लिसः बिया, “छगू का दुगु गँचा।” अले परमप्रभुं धयादिल, “स्‍व, जिं थः मनू इस्राएलीतय्‌गु दथुइ छगू का दुगु गँचा तयाबी। आः जिं इमित बाकि तये मखुत।

जकरिया 5:2

स्‍वर्गदूतं जितः न्‍यन, “छं छु खना?” जिं लिसः बिया, “जिं छगू थूतुलातःगु भ्‍वं खना। उकियागु हाकः ९ मिटर व ब्‍या ४.५ मिटर ति दु।”

प्रकाश 1:12

थुकथं जि नाप खँ ल्‍हाना च्‍वंम्‍ह सु धकाः लिफः स्‍वयाबलय् न्‍हय्‌गू लुँयागु त्‍वाःदेवा जिं खना।

प्रकाश 1:20

छं खंगु जिगु जव ल्‍हातय् दुगु न्‍हय्‌गः नगुयागु व न्‍हय्‌गू लुँयागु त्‍वाःदेवाया गुप्‍ति खँ थ्‍व हे खः। न्‍हय्‌गः नगुयागु अर्थ न्‍हय्‌गू मण्‍डलीयापिं दूतत खः। अथे हे न्‍हय्‌गू लुँयागु त्‍वाःदेवायागु अर्थ न्‍हय्‌गू मण्‍डली खः।”

प्रकाश 4:5

सिंहासनं प्‍वालाक्‍क प्‍वालाक्‍क मि च्‍यानाच्‍वंगु, न न्‍याः थें सः वयाच्‍वंगु दु। सिंहासनया न्‍ह्यःने न्‍हय्‌प्‍वाः मिप्‍वाः च्‍यानाच्‍वंगु दु। थ्‍व परमेश्‍वरया न्‍हय्‌म्‍ह आत्‍मा खः।