जकरिया 3:8 - नेवाः बाइबल

⁸ “‘हे यहोशू, दकलय् तःधंम्‍ह पुजाहारी व छंगु न्‍ह्यःने च्‍वनीपिं मेपिं पुजाहारी, गुपिं वइतिनिगु खँया चिं खः, सकसिनं थ्‍व खँ न्‍यँ– जिं जिमि दास, कचायात हये।

जकरिया 3:8 ပူးပေါင်းရင်းမြစ်များ

भजनसंग्रहया सफू 71:7

यक्‍व मनूतय्‌गु निंतिं जि छम्‍ह नमूना जुयाब्‍यूगु दु। छाय्‌धाःसा छि जिम्‍ह बल्‍लाःम्‍ह रक्षक खः।

यशैया 11:1

यिशैया परिवारया थुथां छपु चुलि ह्वइ, अले उकिया हां पिहां वःगु न्‍हूगु कचां फल सय्‌की।

यशैया 20:3

अनंलि परमप्रभुं धयादिल, “गुकथं जिमि दास यशैया मिश्र देश व कूश देशया ग्‍यानापुगु दुःखया चिं जुइमाः धकाः स्‍वदँ तक पचिंनांगा व लाकां मदय्‌क न्‍यासि जुल,

यशैया 4:2

व दिनय्, परमप्रभुया कचाय् बांलाक फल सइ अले झःझः धाइ अले इस्राएलय् बचय् जुयाच्‍वंपिं फुक्‍कसिगु निंतिं जमिनया फल छगू लसता व गौरवयागु जुइ।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

यशैया 49:3

वय्‌कलं धयादिल, “छ जिमि दास इस्राएल खः। जिं छंके जिगु गौरव क्‍यनाबी।”

यशैया 49:5

परमप्रभुं जितः वय्‌कःया दास जुयाः याकूबयात हाकनं वय्‌कःयाथाय् हयेत अले इस्राएलयात वय्‌कःयाथाय् मुंकेत दय्‌कादिल। जि बुइ न्‍ह्यः हे मांया प्‍वाथय् दय्‌कादिल, छाय्‌धाःसा परमप्रभुया मिखाय् जि हनाबना दुम्‍ह खः, अले परमेश्‍वर हे जिगु बल खः।

यशैया 52:13

स्‍व, जिमि दास ताःलाइतिनि। वयात च्‍वछाइ, थकाइ अले वयात तसकं तःधंकी।

यशैया 53:11

वं थःगु प्राणं तसकं सास्‍ती नये धुंकाः वं जीवनया जः खनी अले थः लुधनी। थःगु ज्ञानं यानाः जिमि धर्मीम्‍ह दासं यक्‍वसित धर्मी यानाबी, वं हे इमिगु अधर्म क्‍वबिइ।

यशैया 53:2

व ला वय्‌कःया न्‍ह्यःने क्‍यातूगु मा थें व गंगु बं पिहां वःगु हा थें तःमा जुयावल। वयात स्‍वयेत झःझः मधाः अले बांलाः नं मजू। वयागु ख्‍वालय् झीत यःगु छुं नं मदु।

यशैया 8:18

जि व परमप्रभुं जितः बियादीपिं काय्‌म्‍ह्याय्‌पिं थन हे दु। सियोन पर्वतय् च्‍वनादीम्‍ह दक्‍व शक्ति दुम्‍ह परमप्रभुयापाखें जिपिं इस्राएलय् चिं व छुमा खः।

यर्मिया 23:5

“स्‍व, थज्‍याःगु दिं वयाच्‍वंगु दु, गबले जिं दाऊदया वंशपाखें छगू धर्मी कचायात पिकाय्। वं जुजु जुयाः बुद्धिं शासन याइ। वं देशय् न्‍याय व पाय्‌छिगु ज्‍या याइ।

यर्मिया 33:15

“‘व दिंखुन्‍हु, जिं दाऊदया वंशपाखें छगू धर्मी कचायात पिकाय्। उम्‍ह जुजुं देशन्‍यंक भिंगु व न्‍याययागु ज्‍या याइ।

इजकिएल 12:11

इमित धा, ‘जि छिमिगु निंतिं छगू चिं खः।’ “जिं गथे याना, अथे हे इमित याइ। इमित देशं कैदीतय्‌त थें ज्‍वना यंकी।

इजकिएल 12:6

इमिसं स्‍वयाच्‍वंबलय् हे व सामान छंगु ब्‍वहलय् ति, अले सन्‍ध्‍याकाः इलय् व क्‍वबिया यंकि। छं त्‍वःताच्‍वंगु देश मखनेमा धकाः छं थःगु ख्‍वाः त्‍वःपु। छाय्‌धाःसा जिं छन्‍त इस्राएलया घरानाया निंतिं छगू चिं यानागु दु।”

इजकिएल 24:24

थुकथं इजकिएल छिमिगु निंतिं छगू चिं जुइ। वं याःथें छिमिसं नं याइ। थथे जुइ धुंकाः छिमिसं जि हे परमप्रभु परमेश्‍वर खः धकाः सी।’

इजकिएल 34:29

जिं इमित अन्‍नया निंतिं नां जाइगु देश बी। उगु देशय् इपिं हाकनं गुबलें नये मखना सी मखु। इमित हाकनं जाति जातितय्‌सं हेस्‍याइ मखु।

इजकिएल 37:24

“‘जिम्‍ह दास दाऊद इमि जुजु जुइ, इमि छम्‍ह हे फैजवाः जुइ। इमिसं जिगु नियम पालन याइ, अले जिगु विधित पालन यानाः वकथं जुइ।

जकरिया 6:12

दक्‍व शक्ति दुम्‍ह परमप्रभुं वयात थ्‍व धयादिल, ‘स्‍व, कचा धाःम्‍ह थ्‍व मनू थःगु थासय् हे च्‍वन्‍ह्याया वइ अले वं परमप्रभुयागु देगः दय्‌की।

लूका 1:78

झी परमेश्‍वर तसकं भिंम्‍ह व दया माया दुम्‍ह खः। अय्‌जूगुलिं वय्‌कलं तसकं थीगु मुक्तियागु निभाः जः झीत खय्‌कादी।