जकरिया 3:3 - नेवाः बाइबल

³ अबलय् स्‍वर्गदूतया न्‍ह्यःने यहोशू फोहरगु लं फिनाः दनाच्‍वंगु दु।

जकरिया 3:3 ပူးပေါင်းရင်းမြစ်များ

एज्रा 5:2

इमिगु खँ न्‍यनाः शालतिएलया काय् यरूबाबेल व योसादाकया काय् येशूअं यरूशलेमय् परमेश्‍वरयागु देगः दय्‌केगु ज्‍या हाकनं शुरु यात। परमेश्‍वरया अगमवक्तातय्‌सं नं इपिंनापं च्‍वनाः इमित ग्‍वाहालि यात।

एज्रा 9:15

परमप्रभु इस्राएलयाम्‍ह परमेश्‍वर, छि धर्मीम्‍ह खः। छिं जिमित म्‍वाका तयादीगु दु। थन जिपिं थःगु दोषनापं छिगु न्‍ह्यःने दु, खःला थुकिं यानाः जिपिं मध्‍ये छम्‍ह नं छिगु न्‍ह्यःने दने मफये धुंकूगु खः।”

यशैया 4:4

परमप्रभुं निसाफया आत्‍मा व मिया आत्‍मापाखें सियोनया मिसातय्‌गु फोहर सिलादी धुंकाः अले यरूशलेमया हिया दाग शुद्ध यानादी धुंकाः थथे जुइ।

यशैया 64:5

सु पाय्‌छिगु ज्‍या यायेत लय्‌ताइ अले सुनां छिगु लँयात लुमंकी, इमिगु निंतिं ग्‍वाहालि यायेत छि झायादी। तर जिमिसं छिगु विरोधय् पाप यानाच्‍वनागुलिं छि तंम्‍वयादिल। जिपिं गुकथं बचय् जुइ फइ धकाः?

यशैया 64:6

जिपिं सकलें अशुद्ध मनूत थें जूगु दु, अले झीगु फुक्‍क धर्मया ज्‍या भ्‍वाथःगु कापः थें खः। जिपिं फुक्‍कं सिमाहः थें गनावनी अले जिमिगु पापं जिमित फसं थें पुइकायंकी।

दानिएल 9:18

“हे परमेश्‍वर, जिपिंपाखे थःगु न्‍हाय्‌पं बियादिसँ। थःगु मिखा चाय्‌काः जिमिगु झिजांमिजां दंगु हालत व छिगु नां दुगु शहरयात स्‍वयादिसँ। जिपिं धर्मीपिं खः धकाः जिमिसं थ्‍व इनाप यानाच्‍वनागु मखु तर छिगु तःधंगु दयाया कारणं खः।

याकूब 2:2

सुं छम्‍ह मनू लुँयागु अंगू न्‍ह्यानाः बांलाःगु वसतं पुनाः मण्‍डलीइ वल, अथे हे सुं छम्‍ह चीमिम्‍ह मनू नं भ्‍वाथःगु वसतं पुनाः वल धाय्‌का।

यहूदा 1:23

मिइ क्‍वब्‍वाय् त्‍यंपिन्‍त साला का। पाप याइपिन्‍त नं दया या। अथेसां बांलाक होश या, थथे यायेबलय् छिमित हे पापयागु च्‍याः मथायेमा।

प्रकाश 19:8

वयात तसकं प्‍वाला प्‍वाला थीगु, यचुसे च्‍वंगु, बांलाःगु सुति कापतं पुंका तःगु दु।” (बांलाःगु सूती कापः विश्‍वासीतय्‌गु बांलाःगु भिंगु ज्‍याखँ खः।)