जकरिया 2:4 - नेवाः बाइबल

⁴ वं धाल, “ब्‍वाँय् वनाः उम्‍ह ल्‍याय्‌म्‍हम्‍ह मनूयात धा, ‘मनूतय्‌गु व पशुतय्‌गु ल्‍याः यक्‍व अप्‍वः जूगुलिं यरूशलेम पःखाः मदुगु शहर जुइ।

जकरिया 2:4 ပူးပေါင်းရင်းမြစ်များ

एस्‍तर 9:19

अथे जुयाः तापाक गामय् च्‍वनिपिं यहूदीतय्‌सं अदार लाया झिंप्‍यन्‍हुया दिंखुन्‍हु लसता व नखः हन। अले उखुन्‍हु इमिसं छम्‍हय्‌सिनं मेम्‍हय्‌सित कोसेलि बीगु यात।

यशैया 33:20

झीगु निंतिं क्‍वःछिनातःगु नखःतय्‌गु शहर सियोनयात स्‍व, छिमिगु मिखां यरूशलेमयात खनीतिनि, छगू शान्‍ति जूगु थाय्, छगू पाल, गुबलें नं चीकाछ्वइ मखु, सुयागु कीत गुबलें नं लेहेंथना छ्वइ मखु, न त उकिया खिपः हे चफुनाछ्वइ।

यशैया 44:26

गुम्‍हय्‌सिनं थः अगमवक्तायागु वचनयात पूवंकादी, अले जूवइतिनिगु खँ धाइम्‍ह थः दूततय्‌गु खँ पूवंकी, “गुम्‍हय्‌सिनं यरूशलेमया बारे धाइ, ‘व शहरय् हाकनं मनूत च्‍वनी’, गुम्‍हय्‌सिनं यहूदाया शहरया बारे धाइ, ‘उपिं हाकनं दय्‌कीगु जुइ’ गुम्‍हय्‌सिनं भज्‍यंक स्‍यंकूगु थाय्‌या बारे धाइ, ‘उपिं हाकनं दय्‌कीगु जुइ’

यशैया 49:20

ज्‍वना यंके धुंकाः बिदेशय् बूपिं छिमि मस्‍तय्‌सं छं तायेदय्‌क थथे धाइ, ‘थ्‍व थाय् झीगु निंतिं तसकं चिधंगु जुल। जिमित च्‍वनेत थन तःकूगु थाय् बियादिसँ।’

यशैया 54:16

“स्‍व, मिया ह्यंग्‍वालय् स्‍वांपुइपिं, थःगु निंतिं ल्‍वाभः दय्‌कीपिं नकःमितय्‌त जिं हे सृष्‍टि यानागु खः। अले उपिं ल्‍वाभःत छ्यलीपिं सिपाइँतय्‌त नं जिं हे सृष्‍टि यानागु खः।

यर्मिया 1:6

जिं धया, “स्‍वयादिसँ परमप्रभु परमेश्‍वर, जि ला नवाये नं मसः, जि ला मचा हे तिनि।”

यर्मिया 31:24

यहूदा व उकिया शहरय् बुँज्‍या याइपिं व फैच्‍वलय्‌या बथां ज्‍वनाजुइपिंनापं च्‍वनी।

यर्मिया 31:27

परमप्रभुं धयादी, “जिं इस्राएलया घराना व यहूदाया घरानाया मनूतय्‌गु ल्‍याः व पशुतय्‌गु ल्‍याः यक्‍व अप्‍वय्‌काबीगु दिं वयेत्‍यंगु दु।

यर्मिया 33:22

आकाशया नगु ल्‍याः खाये मफइगु व समुद्र सिथय्‌या फि लने मफइगु थें अथे हे जिं जिम्‍ह दास दाऊदया सन्‍तान व जिगु सेवा याइपिं लेवीतय्‌गु ल्‍याः अप्‍वय्‌काबी।’”

इजकिएल 38:11

छं थथे धाइ, “पःखाः मदुगु गांत दुगु देशयात जिं हमला याये। पःखाःत, मू ध्‍वाखा व गजबार मदय्‌क शहरय् याउँक च्‍वनाच्‍वंपिं व शंका मयाइपिं जातियात जिं हमला याये।

दानिएल 1:17

परमेश्‍वरं थुपिं प्‍यम्‍ह ल्‍याय्‌म्‍हतय्‌त फुक्‍क कथंया साहित्‍य थुइके फुपिं व बुद्धिया खँ सीके फुपिं यानादिल। दानिएलयात वय्‌कलं फुक्‍क कथंया दर्शन व म्‍हगसयागु खँ बांलाक थुइकेगु ज्ञान नं बियादिल।

दानिएल 1:4

जुजु नबूकदनेसरं वयात धाल, “इपिं ल्‍याय्‌म्‍हपिं ख्‍वं मदुपिं, बांलाःपिं, फुक्‍क कथंया ज्ञान काये मास्‍तिवय्‌किपिं, फुक्‍क ज्ञान दुपिं, याकनं सय्‌के फुपिं व लाय्‌कुलिइ सेवा यायेबहःपिं जुइमाः। इमित बेबिलोनीतय् भाषा व साहित्‍य स्‍यँ।

मीका 7:11

हे इस्राएल, छिमिगु पःखाःत दय्‌कीगु दिं वइ, छिमिगु सिमाना तापाक तक अप्‍वय्‌केगु दिं वइ।

जकरिया 1:16

“उकिं जिगु दया क्‍यनेत जि यरूशलेमय् लिहां वयागु दु। जिगु देगः हाकनं दय्‌की, यरूशलेमय् नापय् यायेगु खिपः तंके याइ, अले शहरयात हाकनं दय्‌की” दक्‍व शक्ति दुम्‍ह परमप्रभुं धयादी।

जकरिया 1:17

“अज्‍ज नं न्‍यंकि– दक्‍व शक्ति दुम्‍ह परमप्रभुं धयादी, ‘जिगु शहरत हाकनं च्‍वन्‍ह्याइ, अले परमप्रभुं सियोनयात हाकनं शान्‍ति बियादी अले यरूशलेमयात हाकनं ल्‍ययादी।’”

जकरिया 12:6

“उखुन्‍हु हे जिं यहूदाया नायःतय्‌त च्‍यानाच्‍वंगु सिँया दथुइ मकः वा थूतय्‌गु दथुइ च्‍यानाच्‍वंगु मिप्‍वाः थें दय्‌काबी। इमिसं जःखः च्‍वंपिं सकल मनूतय्‌त भस्‍म याइ। यरूशलेम धाःसा थःगु हे थासय् दयाच्‍वनी।

जकरिया 14:12

यरूशलेमलिसें लडाइँ याइपिं जातितय्‌थाय् परमप्रभुं छगू ग्‍यानापुगु ल्‍वय् हयाबी। इपिं दनाच्‍वंबलय् हे इमिगु म्‍हयागु ला ध्‍वग्‍गिनाः वनी। इमिगु मिखा इमिगु मिखा ग्‍वलय् हे ध्‍वग्‍गिनावनी अले इमिगु मे इमिगु म्‍हुतुइ ध्‍वग्‍गिनावनी।

१ तिमोथी 4:12

सुनानं छंगु ल्‍याय्‌म्‍हसूयात हेबाय्‌चबाय् याये मफयेमा, बरु छं खं, चालचलनं, मायां, विश्‍वासं व शुद्ध जुयाः इमि न्‍ह्यःने नमूना जुयाः क्‍यँ।