जकरिया 2:12 - नेवाः बाइबल

¹² परमप्रभुं पवित्र देशय् यहूदायात थःगु हे भाग दय्‌कादी अले हाकनं यरूशलेमयात ल्‍ययादी।

जकरिया 2:12 ပူးပေါင်းရင်းမြစ်များ

२ इतिहास 6:6

तर आः जिं यरूशलेमयात जिगु आराधना यायेगुथाय् व दाऊदयात जिमि मनूतय्‌त शासन यायेत ल्‍ययागु दु।’

एस्‍तर 6:13

अले वं थः कलाः जेरेश व थः फुक्‍क पासापिन्‍त अनं मोर्दकैयात छु छु जूगु खः व फुक्‍क खँ न्‍यंकल। वयात सल्‍लाहबीपिं व वया कलातं थथे धाल, “मोर्दकैया न्‍ह्यःने छिगु शक्ति कम जुयावंगु दु। व यहूदी जाति खः, वया विरोधय् छिसं छुं याये फइ मखु, धात्‍थें छि बरबाद जुइन।”

भजनसंग्रहया सफू 105:15

“जिं ल्‍ययापिं मनूतय्‌त थी मते, जिमि अगमवक्तातय्‌गु छुं स्‍यंके मते।”

भजनसंग्रहया सफू 132:13

परमप्रभुं सियोनयात ल्‍ययादीगु दु। वय्‌कलं उकियात थः च्‍वनेगु थाय्‌या निंतिं यय्‌कादीगु दु।

भजनसंग्रहया सफू 132:14

वय्‌कलं धयादिल, “थ्‍व ला न्‍ह्याबलेंया लागि झासु लनेगु थाय् खः, जि थन सिंहासनय् च्‍वने, छाय्‌धाःसा जितः थ्‍व हे यः।

भजनसंग्रहया सफू 135:4

परमप्रभुं याकूबयात थःगु निंतिं, इस्राएलयात मू वंगु थः प्रजा जुइत ल्‍ययादीगु दु।

भजनसंग्रहया सफू 33:12

धन्‍य खः व जातिया मनूत, गुगु जातिया परमेश्‍वर परमप्रभु खः। इपिं धन्‍यपिं खः, सुयात परमप्रभुं थः सर्बय जुइत ल्‍ययादिल।

भजनसंग्रहया सफू 82:8

हे परमेश्‍वर दनादिसँ, पृथ्‍वीया न्‍याय यानादिसँ छाय्‌धाःसा छिं फुक्‍क जातितय्‌त अधिकार यानादी।

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।

यशैया 17:14

सन्‍ध्‍याकाः इलय् छक्‍वलं भय वइ। सुथय् जुइ न्‍ह्यः तक उपिं दयाच्‍वनी मखु। जिमिगु देय् लुतय् याइपिनिगु गतिपति नं अथे हे जुइ।

यशैया 41:9

छन्‍त जिं पृथ्‍वीयागु ताताःपाःगु थासं हया, अले पृथ्‍वीया कुन्‍चां जिं छन्‍त सःता। अले जिं धया, ‘छ जिम्‍ह दास खः।’ जिं छन्‍त ल्‍ययागु दु, त्‍वःतागु मदु।

यर्मिया 10:16

याकूबया भाग उपिं थें मखु, वय्‌कः ला फुक्‍क दय्‌कादीम्‍ह खः। अले वय्‌कलं इस्राएलयात थः प्रजा दय्‌केत ल्‍ययादीगु दु। दक्‍व शक्ति दुम्‍ह परमप्रभु वय्‌कःया नां खः।

यर्मिया 30:16

“‘छन्‍त नःपिं सकसितं नइ। छिमि फुक्‍क शत्रुतय्‌त देशं पितिनाछ्वइ। छंगु धन-सम्‍पत्ति लाकाकाइपिनिगु धन-सम्‍पत्ति लाका काइ। छन्‍त स्‍यंकीपिन्‍त जिं स्‍यंके।’

यर्मिया 51:19

याकूबया भाग इपिं थें मखु। वय्‌कलं हे फुक्‍क दय्‌कादिल। अले वय्‌कलं इस्राएलयात थः प्रजा दय्‌केत ल्‍ययादीगु दु। दक्‍व शक्ति दुम्‍ह परमप्रभु वय्‌कःया नां खः।

जकरिया 1:17

“अज्‍ज नं न्‍यंकि– दक्‍व शक्ति दुम्‍ह परमप्रभुं धयादी, ‘जिगु शहरत हाकनं च्‍वन्‍ह्याइ, अले परमप्रभुं सियोनयात हाकनं शान्‍ति बियादी अले यरूशलेमयात हाकनं ल्‍ययादी।’”

जकरिया 3:2

परमप्रभुं शैतानयात धयादिल, “अय् शैतान, परमप्रभुं छन्‍त ब्‍वःबियादीमाः। यरूशलेमयात ल्‍ययादीम्‍ह परमप्रभुं छन्‍त ब्‍वःबियादीमाः। छु थ्‍व मनू मिं लिकाःगु सिँ थें मखु ला?”

व्‍यवस्‍था 32:10

वय्‌कलं इमित फय्‌या ग्‍यानापुगु सलं जाःगु झिजांमिजां दंगु मरुभूमिइ लुइकादिल। वय्‌कलं इमित बचय् यानादिल, अले थःगु मिखाया नानिचायात थें सुसाःकुसाः यानादिल।

व्‍यवस्‍था 32:9

परमप्रभुया थःगु ब्‍व वय्‌कःया मनूत खः, याकूब वय्‌कःया सर्बयया ब्‍व खः।