जकरिया 14:7 - नेवाः बाइबल

⁷ थ्‍व अजू चाइपुगु दिं जुइ। चा नं जुइ मखु, न्‍हि नं जुइ मखु। अले सन्‍ध्‍या ई जुइबलय् नं तुयुजः दया हे च्‍वनी। परमप्रभुं जक थ्‍व फुक्‍क स्‍यू।

जकरिया 14:7 ပူးပေါင်းရင်းမြစ်များ

भजनसंग्रहया सफू 37:18

परमप्रभुं भिंपिं मनूतय्‌त न्‍हियान्‍हिथं बिचाः यानातयादीगु दु, इपिं परमप्रभुं बियादीगु सर्बय सदां च्‍वने खनि।

यशैया 11:9

इमिसं जिगु फुक्‍क पवित्र पर्वतय् छुं नं स्‍यंके फइ मखु, अले छुं मभिंगु खँ नं अन दइ मखु, छाय्‌धाःसा समुद्र लखं जाः थें पृथ्‍वी परमप्रभुया ज्ञानं जाइ।

यशैया 24:23

तिमिला खिउँसे च्‍वनी अले सूर्यया जः तनावनी छाय्‌धाःसा दक्‍व शक्ति दुम्‍ह परमप्रभुं सियोन पर्वत च्‍वं यरूशलेमय् शासन यानादी अले मनूतय् नायःतय्‌सं वय्‌कःया महिमा खनी।

यशैया 30:26

परमप्रभुं थः प्रजायात घाः चिनादी खुन्‍हु अले वय्‌कलं इमित यानादीगु घाः लाय्‌कादी खुन्‍हु तिमिला सूर्य थें च्‍वनी अले सूर्यया जः न्‍हय्‌न्‍हुया जः थें न्‍हय्‌दुगं अप्‍वः ज्‍वाल्‍ल थी।

यशैया 45:21

आः जूवइतिनिगु खँया बारे धा। छिपिं थःथवय् सल्‍लाह या। थ्‍व खँ यक्‍व दँ न्‍ह्यः सुनां धयाबिल? न्‍हापांनिसें सुनां धयाबिल? छु जि परमप्रभुं हे मखु ला? जि बाहेक मेपिं सुं परमेश्‍वर मदु। छम्‍ह धर्मी व मुक्ति बीम्‍ह परमेश्‍वर, जि बाहेक मेपिं सुं नं मदु।

यशैया 58:10

अले दुनुगलंनिसें छिमिसं थःत नयेमखंपिनिगु निंतिं बिल धाःसा अले अन्‍याय जुयाच्‍वंपिनिगु निंतिं मगाःमचाः पूवंकल धाःसा छिमिगु जः खिउँथाय् तुयुजः थें जुइ, अले बाचाया ई नं न्‍हिनय् थें जुइ।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

यर्मिया 30:7

हाय! व दिं गुलि ग्‍यानापुसे च्‍वंगु दिं जुइ। व थें ज्‍याःगु मेगु दिं दइ मखु। जिमि मनूत याकूबया सन्‍तानया निंतिं व दुःखया दिं जुइ तर व वपाखें बचय् जुयाः वइ।’”

दानिएल 12:4

हे दानिएल, छं थ्‍व सफू बन्‍द यानाः झौ छाप ति। अले अन्‍तया ई तक थुपिं वचन सुयातं सीके मते। उगु इलय् यक्‍व मनूत थःगु ज्ञान थकायेत थुखे उखे ब्‍वाँय् जुइ।”

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

आमोस 8:9

परमप्रभु परमेश्‍वरं धयादी, “व दिं” जिं सूर्य न्‍हिनय् बिनावंका बी, न्‍हिनय् हे पृथ्‍वीयात खिउँकाबी।

मत्ती 24:36

“थथे गुबलय्, अले गुखुन्‍हु जुइ धकाः सुनानं मस्‍यू। स्‍वर्गय् च्‍वंपिं स्‍वर्गदूततय्‌सं व परमेश्‍वरया काय्‌नं नं थ्‍व खँ मस्‍यू। परमेश्‍वर बाःनं जक स्‍यू।

मर्कूस 13:32

“थथे गुबलय् व गुखुन्‍हु जुइ धकाः सुनानं मस्‍यू। स्‍वर्गय् च्‍वंपिं स्‍वर्गदूततय्‌सं, अले परमेश्‍वरया काय्‌नं हे नं थ्‍व खँ मस्‍यू। परमेश्‍वर बाःनं जक स्‍यू।

प्रेरित 1:7

अले वय्‌कलं धयादिल – “बाःनं यानादीगु ज्‍या छिमिसं छु इलय्, गुबलय् जुइ धकाः न्‍यना च्‍वनेमाःगु मदु।

प्रेरित 15:18

परमप्रभुं धयादीगु थ्‍व खँ, न्‍हापांनिसें हे धयावयाच्‍वंगु खः।’”

प्रेरित 17:26

वय्‌कलं छम्‍ह हे मनूयापाखें फुक्‍क मनूतय्‌त दय्‌कादिल। अले न्‍हापांनिसें हे इमित गन गन तयेगु, अले गुबलय् तक म्‍वाका तयेगु धयागु खँ क्‍वःछिना तयादी धुंकल।

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

१ थेसलोनिकी 5:2

छाय्‌धाःसा प्रभु झाइगु ई चान्‍हय् खुँ वये थें थ्‍यंकः वइ धकाः ला छिमिसं सि हे स्‍यू।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 14:6

अले छम्‍ह स्‍वर्गदूत आकाशं आकाशं ब्‍वया जूगु जिं खना। वं पृथ्‍वीइ च्‍वंपिं फुक्‍क जातियापिं मनूतय्‌त, कुलयापिं मनूतय्‌त, थीथी भाषां नवाइपिं मनूतय्‌त, व देश देशयापिं मनूतय्‌त न्‍यंकेत न्‍ह्याबलें दयाच्‍वनीगु भिंगु खँ ज्‍वना वयाच्‍वंगु दु।

प्रकाश 21:23

उकिं अन शहरय् झल्‍लल थीकेत सूर्य नं म्‍वाः तिमिला नं म्‍वाः। परमेश्‍वरया महिमां हे व शहर झल्‍लल थ्‍यू। अनयागु मत चीधिकःम्‍ह भ्‍याःचा थः हे खः।

प्रकाश 21:25

अनयागु ध्‍वाखा गुबलें हे ति मखु। अन चा धयागु द हे मदु।

प्रकाश 21:3

सिंहासनं तःसलं थथे धकाः धयाहःगु सः जिं ताल – “स्‍व, आः परमेश्‍वर मनूतलिसे दी। वय्‌कः इपिं नाप हे च्‍वनादी। इपिं वय्‌कःया मनूत जुइ। परमेश्‍वर थः हे इमि परमेश्‍वर जुयाः इपिं लिसे च्‍वनादी।

प्रकाश 22:5

अन चा धयागु हे दइ मखु। इमित मतयागु जः व सूर्ययागु जः माःगु मखुत। परमप्रभु परमेश्‍वरं हे इमित जः बियादी। इमिसं न्‍ह्याबलें राज्‍य यानाच्‍वनी।