जकरिया 14:4 - नेवाः बाइबल

⁴ उखुन्‍हु हे वय्‌कः यरूशलेमयागु पुर्बपाखे जैतून डाँडाय् दनादी। अबलय् जैतून डाँडा पुर्बंनिसें पच्‍छिम तक दथु दथुं चिरिबायाः तःधंगु गाः जुइ। बच्‍छि डाँडा उत्तरपाखे व बच्‍छि डाँडा दच्‍छिनपाखे चिलावनी।

जकरिया 14:4 ပူးပေါင်းရင်းမြစ်များ

२ शमूएल 15:30

तर दाऊद थःगु छ्यं त्‍वपुयाः खालि तुतिं ख्‍वख्‍वं जैतून डाँडाय् थहां वन। वनापं दुपिं फुक्‍क मनूत नं थथःगु छ्यं त्‍वपुयाः ख्‍वख्‍वं च्‍वय् थहां वन।

इजकिएल 11:23

शहरया दथुं परमप्रभुया महिमा च्‍वय् थाहां वन, अले शहरया पुर्बपाखे दुगु पर्वतया च्‍वय् व दित।

इजकिएल 38:20

समुद्रयापिं न्‍यात, आकाशयापिं झंगःत, मैदानयापिं पशुत, जमिनय् थुखे उखे जुइपिं फुक्‍क प्राणी अले पृथ्‍वीइ दुपिं फुक्‍कं मनूत जिगु न्‍ह्यःने थुरथुर खाइ। पहाडत फातापुली, भीरत कुचा कुचा जुइ, फुक्‍क पःखाः दुनी।

इजकिएल 43:2

अले जिं इस्राएलया परमेश्‍वरया महिमा पुर्बपाखें वयाच्‍वंगु खना। वय्‌कःया सः यक्‍व लःयागु थें च्‍वं, वय्‌कःया महिमां जमिन प्‍वालप्‍वाल थित।

हबकूक 3:6

वय्‌कः जुइगु दिनाः पृथ्‍वीयात संकादिल। वय्‌कलं स्‍वयादिल, अले जात जातित थुरथुर खात। न्‍हापांनिसें दुगु पहाड पर्वतत कुचा कुचा जुल, उपिं पुलांगु डाँडात क्‍वदल। वय्‌कः सदां झाया हे च्‍वनादी।

जकरिया 14:10

उत्तरय् गेबांनिसें दच्‍छिन यरूशलेमय् रिम्‍मोन तक फुक्‍क जमिन माथं वनी। यरूशलेम शहर धाःसा तःजाः जुयाः बेन्‍यामीनया ध्‍वाखांनिसें न्‍हापांगु ध्‍वाखाया थाय् तक, कुन्‍चाया ध्‍वाखा तक, अले हननेलया धरहरांनिसें जुजुयागु दाख तिसीगु थाय् तक थःगु हे थासय् च्‍वनी।

जकरिया 14:7

थ्‍व अजू चाइपुगु दिं जुइ। चा नं जुइ मखु, न्‍हि नं जुइ मखु। अले सन्‍ध्‍या ई जुइबलय् नं तुयुजः दया हे च्‍वनी। परमप्रभुं जक थ्‍व फुक्‍क स्‍यू।

जकरिया 14:8

उखुन्‍हु हे यरूशलेमं जीवन बीगु लः पिहां वइ। उकियागु बच्‍छि पुर्बय् मृत सागर अले बच्‍छि पच्‍छिमय् भूमध्‍यसागर पाखे न्‍ह्याइ। अले तांन्‍वलाबलय् व चिकुलाबलय् नं मदिक्‍क न्‍ह्याना च्‍वनी।

जकरिया 4:7

“हे तःधंगु पर्वत, छ छु खः? यरूबाबेलया न्‍ह्यःने छ मैदान जुइतिनि। वं देगःया च्‍वय् फुसय् तइगु ल्‍वहंयात लिकयाः उकिया थासय् तइ, अले मनूत थथे धकाः ततःसलं हाली, ‘परमेश्‍वरं आशिष बियादीमा! थुकियात परमेश्‍वरं आशिष बियादीमा!’”

मर्कूस 11:23

जिं छिमित धात्‍थें धाये – छिमिसं नं छुं हे संका मयासें थःम्‍हं मतिइ तःगु खँ पूवनी धकाः विश्‍वास यानाः थ्‍व पहाडयात ‘ल्‍यहेँ दनाः समुद्रय् कुतुं हुँ’ धकाः धाल धाःसा अथे हे जुइ।