जकरिया 14:18 - नेवाः बाइबल

¹⁸ मिश्रयापिं मनूत च्‍वय् थाहां मवंसा इमिथाय् वा वइ मखु अले बल्‍चाबाय्‌या नखः हनेत च्‍वय् थाहां मवंपिन्‍थाय् छ्वयादीगु विपत्ति हे परमप्रभुं इमिथाय् नं छ्वयादी।

जकरिया 14:18 ပူးပေါင်းရင်းမြစ်များ

यशैया 60:12

छाय्‌धाःसा छंगु सेवा मयाइगु जाति व राज्‍य नाश जुइ। इपिं धात्‍थें हे भज्‍यंक नाश जुइ।

यशैया 66:23

छगू अमाइ निसें मेगु अमाइ व छगू विश्रामबारंनिसें मेगु विश्रामबार तक फुक्‍क मनूत, जातित वयाः जिगु न्‍ह्यःने भ्‍वपू वइ।” परमप्रभुं धयादी।

लेवी 23:34

“इस्राएलीतय्‌त धा, ‘न्‍हय्‌गूगु लाया झिंन्‍यान्‍हु खुन्‍हुनिसें न्‍हय्‌न्‍हु तक परमप्रभुया बल्‍चाबाय्‌या नखः जुइ।

मीका 5:8

यक्‍व जात जाति व यक्‍व मनूतय् दथुइ याकूबया ल्‍यंदुपिं मनूत जंगलय् च्‍वंपिं पशुतय्‌गु दथुइ सिंह थें अले फैतय्‌गु दथुइ च्‍वंम्‍ह ल्‍याय्‌मम्‍ह सिंह थें जुइ। इमिसं थुखे उखे वनाः झाताझिति यानाः जुइ, अले इमित सुनानं बचय् याये फइ मखु।

जकरिया 14:12

यरूशलेमलिसें लडाइँ याइपिं जातितय्‌थाय् परमप्रभुं छगू ग्‍यानापुगु ल्‍वय् हयाबी। इपिं दनाच्‍वंबलय् हे इमिगु म्‍हयागु ला ध्‍वग्‍गिनाः वनी। इमिगु मिखा इमिगु मिखा ग्‍वलय् हे ध्‍वग्‍गिनावनी अले इमिगु मे इमिगु म्‍हुतुइ ध्‍वग्‍गिनावनी।

जकरिया 14:15

सलत, खच्‍चरत, ऊँटत, गधात व शत्रुतय्‌गु छाउनीइ दुपिं फुक्‍क पशुतय्‌त नं थज्‍याःगु हे ल्‍वचं स्‍याइ।

जकरिया 14:19

बल्‍चाबाय्‌या नखः हनेत यरूशलेमय् मवनीपिं मिश्र व फुक्‍क जातितय्‌गु निंतिं थ्‍व हे सजाँय जुइ।