जकरिया 14:12 - नेवाः बाइबल

¹² यरूशलेमलिसें लडाइँ याइपिं जातितय्‌थाय् परमप्रभुं छगू ग्‍यानापुगु ल्‍वय् हयाबी। इपिं दनाच्‍वंबलय् हे इमिगु म्‍हयागु ला ध्‍वग्‍गिनाः वनी। इमिगु मिखा इमिगु मिखा ग्‍वलय् हे ध्‍वग्‍गिनावनी अले इमिगु मे इमिगु म्‍हुतुइ ध्‍वग्‍गिनावनी।

जकरिया 14:12 ပူးပေါင်းရင်းမြစ်များ

२ इतिहास 21:15

छन्‍त आतापुति पिहांवइगु ग्‍यानापुगु ल्‍वचं काइ। ल्‍वय् न्‍हियान्‍हिथं तच्‍वयावनी।’”

अय्‍यूब 18:13

ल्‍वचं वयागु छेंगूयात नइ, ग्‍यानापुगु मृत्‍युं वयागु ल्‍हाःतुति नइ।

भजनसंग्रहया सफू 90:11

छिगु तंया शक्ति सुनां सीके फु? छिगु तं नं छिगु भय कायेगु ति हे तःधं धकाः सुनां स्‍यू?

लेवी 26:16

जिं नं छिमिथाय् आकाझाकां भय छ्वयाहये, अले म्‍ह सुकुगना वनीगु, मिखायात स्‍यंकीगु, ग्‍यानपुसे च्‍वंगु ल्‍वय् छ्वयाहये। छिमिसं ह्वलातःगु पुसा अथें सितिं वनी छाय्‌धाःसा छिमि शत्रुतय्‌सं बाली नयाबी।

लेवी 26:18

“‘थुलि जुइ धुंकाः नं छिमिसं जिगु खँ मन्‍यन धाःसा जिं छिमित पापया न्‍हय्‌दुगं अप्‍वः सजाँय बी।

लेवी 26:21

“‘छिपिं जिगु विरोधय् वना हे च्‍वन धाःसा अले जिं धा थें मयात धाःसा छिमिसं याःगु पापया हानं न्‍हय्‌दुगं अप्‍वः सास्‍ती छिमिथाय् छ्वया हये।

लेवी 26:24

जि नं छिमिगु विरोधय् वने, अले छिमिगु पापया लागिं जिं न्‍हय्‌दुगं अप्‍वः सजाँय बी।

लेवी 26:28

जि तंचायाः छिमिगु विरोधय् वने, अले छिमिगु पापया लागिं जिं छिमित हानं न्‍हय्‌दुगं अप्‍वः सजाँय बी।

जकरिया 1:15

अय्‌नं जि सुरक्षित जुयाः याउँक च्‍वनाच्‍वंपिं मेमेगु जातितलिसे तसकं तंम्‍वयागु दु। जि थः मनूतलिसें भचा जक तम्‍वयागु खः। अय्‌नं जिं सजाँय बीगु यानागु उपिं जातितय्‌सं इमित बांमलाःगु व्‍यवहार यात।’

जकरिया 12:9

उखुन्‍हु हे यरूशलेमयात हमला याइपिं फुक्‍क जातितय्‌त नाश यायेगु शुरु याये।

जकरिया 14:15

सलत, खच्‍चरत, ऊँटत, गधात व शत्रुतय्‌गु छाउनीइ दुपिं फुक्‍क पशुतय्‌त नं थज्‍याःगु हे ल्‍वचं स्‍याइ।

जकरिया 14:18

मिश्रयापिं मनूत च्‍वय् थाहां मवंसा इमिथाय् वा वइ मखु अले बल्‍चाबाय्‌या नखः हनेत च्‍वय् थाहां मवंपिन्‍थाय् छ्वयादीगु विपत्ति हे परमप्रभुं इमिथाय् नं छ्वयादी।

जकरिया 14:3

अनंलिपा लडाइँया इलय् थें परमप्रभु उपिं जातितलिसें लडाइँ यानादी।

जकरिया 2:4

वं धाल, “ब्‍वाँय् वनाः उम्‍ह ल्‍याय्‌म्‍हम्‍ह मनूयात धा, ‘मनूतय्‌गु व पशुतय्‌गु ल्‍याः यक्‍व अप्‍वः जूगुलिं यरूशलेम पःखाः मदुगु शहर जुइ।

प्रेरित 12:23

जुजुं परमेश्‍वरयात तःमधंकुसे थः हे तःधं जूगुलिं उघ्रिमय् छम्‍ह प्रभुयाम्‍ह स्‍वर्गदूतं वयात मफय्‌काबिल। अले व की दायाः सित।

व्‍यवस्‍था 28:21

अले परमप्रभुं छिमिसं अधिकार यायेत दुहां वनाच्‍वंगु देशय् छिपिं न्‍हना मवंतले पालंपाः ल्‍वय् छ्वयादी।

व्‍यवस्‍था 28:22

परमप्रभुं छिमित सुकूगनावनीगु ल्‍वचं काय्‌कादी अले छिपिं ज्‍वर व मनावइगु ल्‍वचं दने फइ मखु। छिमिगु अन्‍न बाली नाश यानाछ्वयेत वय्‌कलं वा मवइगु ई व तसकं क्‍वाःगु फय् छ्वयाहयादी। वय्‌कलं क्‍वःगु व फ्‍वसा वःगुलिं कय्‌कादी, अले म्‍वातले छिमिके थुपिं आपत विपत वया हे च्‍वनी।

व्‍यवस्‍था 28:59

परमप्रभुं छिमिके अले छिमि मचाखाचातय्‌के ग्‍यानपुसे च्‍वंगु महामारी अले तच्‍वःगु व तःन्‍हु तक दयाच्‍वनीगु ल्‍वय् छ्वयाहयादी।

प्रकाश 17:16

छं खंगु झिपु नेकुतिं व पशुं थ्‍व वेश्‍यायात हेला याइ। इमिसं व मिसायात नांगां याइ। अले वयागु ला नइ, अले वयात मिइ उनाछ्वइ।