जकरिया 13:7 - नेवाः बाइबल

⁷ “दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

जकरिया 13:7 ပူးပေါင်းရင်းမြစ်များ

भजनसंग्रहया सफू 2:2

पृथ्‍वीया जुजुत व शासकत परमप्रभुया विरोधय् व वय्‌कलं अभिषेक याःम्‍ह मनूयागु विरोधय् दं वइ, अले शासकत जानाः जाः ग्‍वयाजुइ।

यशैया 1:25

जिगु ल्‍हाः छिमिगुपाखे ल्‍ह्वने, अले वहःयात नाय्‌काः यचूकु थें जिं छिमिगु फुक्‍क अशुद्धपाखें शुद्ध याये।

यशैया 27:1

व दिंखुन्‍हु, परमप्रभुं थःगु ग्‍यानापुगु, तच्‍वःगु शक्तिं व तच्‍वकं ज्‍वःगु तरवारं सुल्‍ल न्‍ह्याइम्‍ह व हितु हीम्‍ह सर्प लिव्‍यातन्‌यात सजाँय बियादी, अले व समुद्रया तःधिकःम्‍ह अजिङ्‌गरयात स्‍यानादी।

यशैया 40:11

वय्‌कलं थःगु फैच्‍वलय्‌या बथांयात फैजवालं थें ज्‍वयादी। वय्‌कलं चिचीधिकःपिं भ्‍याःचातय्‌त थःगु मुलय् कयादी अले इमित थःगु हे नुगःया लिक्‍क पाछायादी। वय्‌कलं तसकं चिचीधिकःपिं फैचा दुपिन्‍त बुलुहुं ज्‍वयादी।

यशैया 9:6

छाय्‌धाःसा झीगु निंतिं छम्‍ह मचा बूगु दु। झीगु निंतिं छम्‍ह काय् ब्‍यूगु दु। वं हे झीत राज्‍य याइ। वय्‌कःया नां “तसकं अजू चाइपुसे च्‍वंम्‍ह सल्‍लाहकार,” “शक्ति दुम्‍ह परमेश्‍वर,” “सदांयाम्‍ह अबु,” “शान्‍तिया राजकुमार” जुइ।

यर्मिया 47:6

“छिमिसं ख्‍वख्‍वं धाइ, ‘हे परमप्रभुया तरवार, छं गुबलय् आराम कायेगु? छ थःगु दापय् लिहां हुँ, छ सुम्‍क च्‍वँ।’

इजकिएल 21:28

“अय् सीमानिम्‍ह मनू, छं अगमवाणी यानाः धा, ‘अम्‍मोनीत व इमिगु अपमानया बारे परमप्रभु परमेश्‍वरं थथे धयादी, “‘छपु तरवार, छपु तरवार, दापं स्‍याये पालेत लिकाःगु दु। हाबलासा थें प्‍वालाक्‍क च्‍यायेत व थीकातःगु दु।

इजकिएल 21:3

वयात थथे धा, ‘परमप्रभुं थथे धयादी, स्‍व! जि छंगु विरोधय् दु। जिं दापं थःगु तरवार लिकयाः छिपिं मध्‍ये धर्मी व दुष्‍ट निखलःसितं स्‍यानाबी।

इजकिएल 37:24

“‘जिम्‍ह दास दाऊद इमि जुजु जुइ, इमि छम्‍ह हे फैजवाः जुइ। इमिसं जिगु नियम पालन याइ, अले जिगु विधित पालन यानाः वकथं जुइ।

इजकिएल 7:6

अन्‍त वःगु दु! अन्‍त वये नं धुंकल! व छिमिगु विरोधय् दंगु दु। स्‍व, व वये धुंकल।

मीका 5:2

“तर, हे बेथलेहेम एप्राता, छ यहूदाया कुलत मध्‍ये दकलय् चिधंगु जूसां जिगु लागिं छंकेनं छम्‍ह मिजं पिहां वइ गुम्‍हय्‌सिनं इस्राएलयात शासन याइ, गुम्‍हय्‌सिगु शुरु पुलांगु इलंनिसें हे, अर्थात दकलय् न्‍हापाया इलंनिसें हे दु।”

मीका 5:4

वय्‌कलं परमप्रभुयागु शक्तिं थः परमप्रभु परमेश्‍वरया नांया गौरवय् दनाः थः बथांयात ज्‍वयादी। अले इपिं सुरक्षित जुयाच्‍वनी, छाय्‌धाःसा पृथ्‍वीया तातापाःगु थासय् तक वय्‌कःयात इज्‍जत याइ।

जकरिया 11:11

थुकथं उखुन्‍हु हे बाचा क्‍वःदल। सुसाःकुसाः मगाःपिं फैतय्‌गु बथानं जिगु ज्‍याखँ स्‍वयाच्‍वन। इमिसं स्‍यू, जिगु ज्‍याखँपाखें परमप्रभुं नवानाच्‍वंगु दु।

जकरिया 11:4

परमप्रभु जिमि परमेश्‍वरं थथे धयादीगु दु, “स्‍यायेत चिं तःपिं फैच्‍वलय्‌तय्‌त ज्‍व।

जकरिया 11:7

उकिं जिं स्‍यायेत चिं तयातःपिं फैतय्‌गु पुचलं सुसाःकुसाः मगाःपिं फैतय्‌त ज्‍वया। अले निपु कथि कयाः जिं बथांयात ज्‍वयाः छपु कथियागु नां “दया” तया, अले जिं बथांयात ज्‍वयाः मेगु कथियागु नां “छप्‍पँ” तया।

मत्ती 1:23

“ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।” इम्‍मानुएल धाःगु “परमेश्‍वर झीनाप दु” धइगु खः।

मत्ती 10:42

जिं छिमित खःगु खँ धाये – सुनानं जिमि चेला खः धकाः दकलय् चिधंम्‍ह मनूयात तकं छगू गिलास जक लः त्‍वंकूसां वं सिरपाः कायेखनी।”

मत्ती 11:27

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू, बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका ब्‍यूपिन्‍सं जक बाःयात म्‍हसी।”

मत्ती 18:10

“उकिं जिमि मस्‍त सुं छम्‍हय्‌सित नं क्‍वह्यंके मते, छाय्‌धाःसा जिं छिमित धयाच्‍वना – मस्‍तय्‌त सुसाःकुसाः याइपिं स्‍वर्गदूतत स्‍वर्गय् च्‍वनादीम्‍ह जिमि बाःयागु न्‍ह्यःने हे दु।

मत्ती 18:14

अथे हे स्‍वर्गय् च्‍वनादीम्‍ह छिमि बाःयात नं थ्‍व मस्‍त सुं छम्‍ह हे नं तनिगु मयः।

मत्ती 26:31

अले येशूं इमित धयादिल – “थौं चान्‍हय् छिपिं फुक्‍कं जितः त्‍वःताः बिस्‍युं वनी। धर्मशास्‍त्रय् नं थथे च्‍वयातःगु दु – “‘जिं फैजवाःयात स्‍यानाबी, अले फैचात उखेलाः थुखेलाः जुइ।’

मत्ती 26:56

अगमवक्तातय्‌सं धर्मशास्‍त्रय् च्‍वया थकूगु पूवनेमा धकाः हे थथे जूगु खः।” अले चेलात फुक्‍कं वय्‌कःयात त्‍वःताः उखेलाः थुखेलाः मदय्‌क बिस्‍युं वन।

मर्कूस 14:27

येशूं इमित धयादिल – “छिपिं फुक्‍कं जितः त्‍वःताः बिस्‍युं वनी। धर्मशास्‍त्रय् नं थथे च्‍वयातःगु दु – “‘जिगु ज्‍या याइम्‍ह फैजवाःयात हमला या, वयात स्‍या। अले फैत उखेलाः थुखेलाः जुइ।’

मर्कूस 14:50

अले चेलात फुक्‍क उखेलाः थुखेलाः मदय्‌क बिस्‍युं वन।

लूका 12:32

“परमेश्‍वर लय्‌तायादीगुलिं छिमित वय्‌कलं थःगु राज्‍य बियादी। उकिं छिमिगु पुचः चिधं धकाः छिपिं ग्‍याये माःगु मदु।

लूका 17:2

सुनां थथे चिधंम्‍ह छम्‍ह मनूयात जक नं पापय् लाकी, वयात गःपतय् ल्‍वहंघः घाकाः समुद्रय् वांछ्वयेगु हे बांलाइ।

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

यूहन्‍ना 10:30

जि व जिम्‍ह बाः छम्‍ह हे खः।”

यूहन्‍ना 10:38

जिं परमेश्‍वरयागु ज्‍या यानाच्‍वनागु दुसा जितः विश्‍वास मयाःसां जिं यानागु ज्‍या यात विश्‍वास यानादिसँ। उकिं जिके बाः दी, अले जि बाःयाके दु धकाः छिकपिन्‍सं सीकादिसँ, थुइकादिसँ।”

यूहन्‍ना 14:1

“छिमिसं नुगः मछिंके मते, परमेश्‍वरयात विश्‍वास याःथें जितः नं विश्‍वास या।

यूहन्‍ना 14:23

वय्‌कलं लिसः बियादिल – “जितः माया याइम्‍हय्‌सिनं जिगु वचन नं मानय् याइ। अले बाःनं नं वयात माया यानादी। अले जिपिं वयाथाय् वये अले व नाप हे च्‍वने।

यूहन्‍ना 16:15

बाःयाके दुगु फुक्‍कं जिगु हे खः। अय्‌जूगुलिं जिं जिगु खँयात कयाः सत्‍य आत्‍मां छिमित कनादी धकाः धयागु खः।”

यूहन्‍ना 16:32

ई वइ, अले वये नं धुंकल, आः छिपिं फुक्‍कं जितः त्‍वःताः छ्यालब्‍याल जुयाः थथःगु थासय् वनी। थुकथं जि याकःचा जुइ, अय्‌नं जि याकःचा जुइ मखु, छाय्‌धाःसा जि नाप बाः दी।

यूहन्‍ना 5:23

अय्‌जूगुलिं गथे बाःयात फुक्‍कसिनं मानय् याः अथे हे काय्‌यात नं फुक्‍कसिनं मानय् यायेमाः। काय्‌यात मानय् मयाःम्‍हय्‌सिनं काय्‌यात छ्वयाहःम्‍ह बाःयात नं मानय् मयाःगु जुइ।

यूहन्‍ना 8:58

वय्‌कलं इमित लिसः बियादिल – “जिं छिकपिन्‍त खःगु खँ धाये – अब्राहाम स्‍वयाः न्‍हापांनिसें हे जि दु।”

प्रेरित 2:23

परमेश्‍वरं थःगु ग्‍वसाः व ज्ञानकथं येशूयात छिकपिनि ल्‍हातय् बियादिल। अले छिकपिन्‍सं वय्‌कःयात अधर्मीतय्‌गु ल्‍हातय् क्रूसय् स्‍याकेत लःल्‍हाना बिल।

रोमी 4:25

झीत पापं छुतय् यायेत येशूयात स्‍याकेत लःल्‍हानादिल, अले झीत धर्मी ठहरय् यायेत हानं म्‍वाकादिल।

रोमी 8:32

सुनां थःकाय्‌यात हे ल्‍यंका मतसे झी सकसिगु निंतिं स्‍याकेत बियादीम्‍ह परमेश्‍वरं वय्‌कःया काय्‌पाखें झीत माःगु फुक्‍कं गथे बियामदी?

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

गलाती 3:13

येशू ख्रीष्‍टं व्‍यवस्‍थाया सरापं झीत मू पुलाः त्‍वःतकादिल। वय्‌कलं क्रूसय् यग्‍गानाः झीगु सराः थःम्‍हं फयादीगु दु। व्‍यवस्‍थाय् धयातःगु दु “सिँयागु थामय् यख्‍खाइम्‍हय्‌सित सराः लाइ।”

फिलिप्‍पी 2:6

ख्रीष्‍ट येशू परमेश्‍वर हे जुयाः नं वय्‌कलं थःत परमेश्‍वर भाःपिया मदी।

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।

१ पत्रुस 5:4

अले लिपा मूलम्‍ह फैजवाः येशू ख्रीष्‍ट झाइबलय् छिमिसं गुबलें नाश जुइ मखुगु श्रीपेच कायेखनी।

१ यूहन्‍ना 2:2

झीगु पापयागु निंतिं जक मखु, संसारय् च्‍वंपिं फुक्‍क मनूतय्‌गु पापया निंतिं वय्‌कः बलिदान जुयादीगु खः।

प्रकाश 1:11

“छं खंगु फुक्‍कं सफुलिइ च्‍वयाः न्‍हय्‌गू मण्‍डलीतय्‌त छ्व – एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया व लाउडिकिया।”

प्रकाश 1:17

वय्‌कःयात खनेवं जि सीम्‍ह थें जुयाः वय्‌कःयागु तुतिइ भ्‍वपू वना। अले वय्‌कलं जिगु छेनय् जव ल्‍हाः तयाः धयादिल – “ग्‍याये मते। जि शुरु व अन्‍त खः।

प्रकाश 1:8

दक्‍वसिबय् तःधंम्‍ह व शक्ति दुम्‍ह, आः नं दीम्‍ह व न्‍हापा नं दीम्‍ह, अले झायादीम्‍ह परमप्रभु परमेश्‍वरं धयादिल – “अल्‍फा व ओमेगा जि हे खः।”

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।

प्रकाश 21:6

वय्‌कलं जितः धयादिल – “आः सिधल। अल्‍फा व ओमेगा जि हे खः। शुरु व अन्‍त जि हे खः। प्‍याचाःपिन्‍त जिं जीवनया बुंगाःयागु लः सितिकं त्‍वंके।