जकरिया 12:8 - नेवाः बाइबल

⁸ उखुन्‍हु हे परमप्रभुं यरूशलेमय् च्‍वंपिन्‍त रक्षा यानादी अले इपिं मध्‍ये तसकं बमलाःपिं दाऊद थें जुइ। दाऊदया घराना धाःसा परमेश्‍वर थें इमिगु न्‍ह्यःने वनाच्‍वंम्‍ह परमप्रभुया दूत थें जुइ।

जकरिया 12:8 ပူးပေါင်းရင်းမြစ်များ

भजनसंग्रहया सफू 8:5

छिं वयात स्‍वर्गया दूतत स्‍वयाः भचा जक क्‍वय् तयादिल। नापं छिं वयात इज्‍जत व मान नं बियादिल।

भजनसंग्रहया सफू 82:6

“जिं धया, ‘छिपिं द्यः खः’, छिपिं सकलें दक्‍वसिबय् तःधंम्‍हय्‌सिया काय्‌पिं खः।

प्रस्‍थान 14:19

इस्राएलीतय्‌गु न्‍ह्यः न्‍ह्यः वनाच्‍वंम्‍ह परमेश्‍वरया दूत चिलाः इमिगु ल्‍युने वन। अले सुपाँय्‌या थां नं इमिगु न्‍ह्यःनं चिलावनाः इमिगु ल्‍युने दंवन।

प्रस्‍थान 33:2

जिं छम्‍ह दूतयात छिमिगु न्‍ह्यः न्‍ह्यः छ्वयाबी अले कनानी, एमोरी, हित्ती, परिज्‍जी, हिव्‍वी व यबूसीतय्‌त लिनाछ्वये।

यशैया 30:26

परमप्रभुं थः प्रजायात घाः चिनादी खुन्‍हु अले वय्‌कलं इमित यानादीगु घाः लाय्‌कादी खुन्‍हु तिमिला सूर्य थें च्‍वनी अले सूर्यया जः न्‍हय्‌न्‍हुया जः थें न्‍हय्‌दुगं अप्‍वः ज्‍वाल्‍ल थी।

यशैया 31:4

परमप्रभुं जितः थथे धयादी, “गथे सिंह वा तःधिकःम्‍ह सिंहं थःगु शिकारयात घुर्रघुर्र याइ, अले वयागु विरोधय् जवाःतय् फुक्‍क पुचः दनी अय्‌नं इमिगु सलं व ग्‍याइ मखु, न इमिगु हा सलं व थुखे उखे सनी। व थें तुं दक्‍व शक्ति दुम्‍ह परमप्रभु सियोन पर्वत व वया डाँडाय् लडाइँ यायेत क्‍वहां झायादी।

यशैया 33:24

सियोनय् च्‍वनीपिं सुनानं “जि म्‍हंमफु” धकाः धाइ मखु अले अन च्‍वनीपिं मनूतय्‌गु पाप क्षमा याइ।

यशैया 49:7

शासकतय् दासयात, सुयात जाति जातितय्‌सं तसकं घृणा याइ, परमप्रभु, उद्धार यानादीम्‍ह व इस्राएलया पवित्र परमेश्‍वरं थथे धयादी, “जुजुतय्‌सं छन्‍त खनी अले इपिं छन्‍थाय् न्‍ह्यःने दं वइ। छन्‍त शासकतय्‌सं नं खनी अले छंगु न्‍ह्यःने भ्‍वसू वइ। छाय्‌धाःसा परमप्रभु विश्‍वास याये बहःम्‍ह इस्राएलया पवित्र परमेश्‍वरं छन्‍त ल्‍ययादीगु दु।”

यशैया 53:3

वयात मनूतय्‌सं हेला यानाः मयय्‌कल, व दुःखय् लाःम्‍ह मनू खः, वं दुःख बांलाक स्‍यू। व खनाः मनूतय्‌सं थःगु ख्‍वाः फहीकीगु। वयात हेला यात, झीसं वयात छुं मू वंम्‍ह मतायेका।

यशैया 63:9

इमिगु फुक्‍क दुःखकष्‍टय् वय्‌कः नं दुःखी जुयादिल, अले वय्‌कःया दूत इमित बचय् यायेत इमिथाय् वल। वय्‌कःया दयामाया व कृपाय् वय्‌कलं मू पुलाः इमित छुत्‍कारा यानादिल। वय्‌कलं इमित दुःखकष्‍टपाखें थकयादिल, अले न्‍हापा न्‍हापायागु इलय्‌ वय्‌कलं इमित क्‍वबियादिल।

यर्मिया 27:10

इमिसं मखुगु अगमवाणी ल्‍हाइ गुकिं छिमित थःगु देशं तापाक यंकीगु ज्‍या जक जुइ। जिं छिमित देशं पितिनाछ्वये अले छिपिं नाश जुइ।

होशे 1:7

अय्‌नं जिं यहूदाया घरानायात माया याये। इमिगु उद्वार धनुष, तरवार, लडाइँ व सलगइपिंपाखें मखु, तर परमप्रभु इमि परमेश्‍वरपाखें याये।”

होशे 12:3

मांयागु कोखय् हे याकूब थः दाजु एसावनापं ल्‍वात। तःधिक जुइ धुंकाः व परमेश्‍वरनापं ल्‍वात।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

योएल 3:10

छिमिगु हलोया फालीतय्‌त दायाः तरवार दय्‌कि अले छिमिगु ईंचायात दायाः भाला दय्‌कि। बम्‍लाःपिन्‍सं थथे धायेमा, “जि बल्‍ला।”

लेवी 26:8

छिमि न्‍याम्‍हय्‌सिनं सच्‍छिम्‍हय्‌सित व सच्‍छिम्‍हय्‌सिनं झिद्वः मनूतय्‌त बुके फइ। छिमि शत्रुत छिमिगु तरवारं सिनावनी।

मीका 5:8

यक्‍व जात जाति व यक्‍व मनूतय् दथुइ याकूबया ल्‍यंदुपिं मनूत जंगलय् च्‍वंपिं पशुतय्‌गु दथुइ सिंह थें अले फैतय्‌गु दथुइ च्‍वंम्‍ह ल्‍याय्‌मम्‍ह सिंह थें जुइ। इमिसं थुखे उखे वनाः झाताझिति यानाः जुइ, अले इमित सुनानं बचय् याये फइ मखु।

मीका 7:16

जाति जातियापिं मनूत थ्‍व खनाः मछाला च्‍वनी। इमिगु फुक्‍क शक्ति लाका काइ। अले इमिसं थःगु ख्‍वाः ल्‍हातं त्‍वपुइ, उलि जक मखु इमिगु न्‍ह्याय्‌पं ख्‍वाँय् जुयावनी।

मीका 7:8

हे जिम्‍ह शत्रु, जितः हेस्‍यानाः लय्‌ताये मते। जि क्‍वःदसां हाकनं दनावये। जि खिउँथासय् दुसां परमप्रभु जिगु जः जुयादी।

जकरिया 10:7

एफ्राइमयापिं मनूत वीर सिपाइँत थें जुइ, दाखमद्य त्‍वनाः लय्‌ताःगु थें इमिगु मन जुइ। इमि मस्‍त थ्‍व खनाः लय्‌ताइ। परमप्रभुयाके इमिगु नुगः लय्‌ताइ।

जकरिया 2:5

जि थः हे शहरया प्‍यखेरं मिया पःखाः जुइ। जि हे उकी दुनेया महिमा जुइ,’” धकाः परमप्रभुं धयादी।

जकरिया 9:14

परमप्रभु शत्रुतय्‌थाय् खनेदः वइ अले वय्‌कःया वाण हाबलासा थें थी। दक्‍व शक्ति दुम्‍ह परमप्रभुं तुरही पुयादी, अले दच्‍छिनयागु ग्‍वःफसय् जुयाः वय्‌कः झायादी।

जकरिया 9:8

आवलिं जिं थःगु देगःयात हमला याइपिं सिपाइँतपाखें रक्षा याये। हाकनं सुं क्‍वत्‍यलेम्‍हय्‌सिनं गुबलें नं जि मनूतय्‌त हमला याइ मखु। छाय्‌धाःसा आः जिं थःम्‍हं हे इमिगु बिचाः यानाच्‍वनागु दु।

मलाकी 3:1

दक्‍व शक्ति दुम्‍ह परमप्रभुं थथे लिसः बियादी – “स्‍व! जिं जिम्‍ह दूतयात जिगु न्‍ह्यःने न्‍ह्यःने लँपु तयार यायेत छ्वयाहये। अले छिमिसं मालाच्‍वंम्‍ह प्रभु आकाझाकां थःगु देगलय् झायादी। छिमिसं यय्‌कूम्‍ह बाचाया दूत धात्‍थें झायादी।”

मत्ती 1:23

“ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।” इम्‍मानुएल धाःगु “परमेश्‍वर झीनाप दु” धइगु खः।

रोमी 9:5

ख्रीष्‍टया तापाःबाज्‍यापिं इमि नं तापाःबाज्‍यापिं खः। ख्रीष्‍ट थः नं इपिं थें थ्‍व हे जातय् बूगु खः। वय्‌कः दक्‍वसित राज्‍य यानादीम्‍ह परमेश्‍वर खः, वय्‌कः सदां तःधनेमा। आमेन।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

हिब्रू 11:34

ह्वाना ह्वाना च्‍यानाच्‍वंगु मिं नं इमित छुं याये मफुत। तरवारं पालाः स्‍यायेत्‍यंबलय् नं इपिं बचय् जुल। बमलाःपिं इपिं, आः तसकं बल्‍लाना वल। भचा मग्‍यासे ल्‍वानाः इमिसं पिनें वःपिं शत्रुतय्‌त बिसिका छ्वत।

यहोशू 23:10

छिमि छम्‍हय्‌सिनं द्वःछिम्‍हय्‌सित लिनाछ्वये फइ, छाय्‌धाःसा परमप्रभुं थःगु बचंकथं छिमिगु निंतिं ल्‍वानादी।

प्रकाश 22:13

अल्‍फा व ओमेगा जि हे खः। न्‍हापायाम्‍ह व लिपायाम्‍ह, अले शुरु व अन्‍त जि हे खः।”

प्रकाश 22:16

“मण्‍डलीतय्‌त थ्‍व खँ धाय्‌केत जि येशूं छन्‍थाय् जिम्‍ह स्‍वर्गदूत छ्वयाहयागु खः। जि दाऊदया कुल व सन्‍तान खः। सुथय् थीगु नगु नं जि हे खः।”