जकरिया 12:4 - नेवाः बाइबल

⁴ परमप्रभुं थथे धयादी, उखुन्‍हु हे जिं छम्‍ह छम्‍ह सलयात भ्‍वय्‌भ्‍वय् कंकाबी।” सल गया वःम्‍हय्‌सित वें यानाबी। अय्‌नं जिं यहूदाया मनूतय्‌त बिचाःसंचाः याये, अय्‌नं जिं मेगु जातियापिं दक्‍व सलतय्‌गु मिखा कां यानाबी।

जकरिया 12:4 ပူးပေါင်းရင်းမြစ်များ

१ राजा 8:29

छिं थ्‍व देगलय् चान्‍हि मिखा ब्‍वयादिसँ। छिं थ्‍व थासय् थःगु नां न्‍ह्याबलें दयाच्‍वनी धकाः धयादीगु खः। छिकपिनि दासं थ्‍व थाय्‌यात स्‍वयाः प्रार्थना याइबलय् छिं न्‍यनादिसँ।

२ राजा 6:14

वं सल व रथतनापं छगू तःधंगु सेना अन छ्वल। इमिसं चान्‍हय् वनाः शहरयात घेरय् यात।

२ राजा 6:18

शत्रुत इपिंपाखे क्‍वहां वःबलय् एलीशां प्रार्थना यात, “हे परमेश्‍वर, थुपिं मनूतय्‌त कां यानादिसँ।” एलीशां प्रार्थना याःथें हे परमप्रभुं अरामी सिपाइँतय्‌त कां यानादिल।

२ इतिहास 6:20

छिं थ्‍व देगलय् चान्‍हि मिखा ब्‍वयाच्‍वनादीमा। छिं थ्‍व थासय् थःगु नां तये धकाः धयादीगु खः। उकिं छिकपिनि दासं थ्‍व थाय्‌यात स्‍वयाः प्रार्थना याइबलय् छिं न्‍यनादिसँ।

२ इतिहास 6:40

“हे जिमि परमेश्‍वर, थःगु मिखा चाय्‌कादिसँ। अले थ्‍व थासय् जिमिसं यानाच्‍वनागु प्रार्थना ध्‍यान बियादिसँ।

२ इतिहास 7:15

जिं थ्‍व देगलय् मिखा ब्‍वयाच्‍वने। अन याःगु फुक्‍क प्रार्थना न्‍यनेत जिं थःगु न्‍हाय्‌पं बियाच्‍वने।

नहेम्‍याह 1:6

छिकपिनि दास इस्राएलीतय्‌गु निंतिं चान्‍हि छितः यानागु प्रार्थना न्‍यनेत छिं न्‍हाय्‌पं बियादिसँ, अले मिखा चाय्‌कादिसँ। जिपिं इस्राएलीतय्‌सं छिगु विरोधय् यानागु पाप जिं मानय् याये। जिमि पुर्खातय्‌सं पापयात जिं नं पाप यानागु दु।

यशैया 24:21

व दिंखुन्‍हु, परमप्रभुं आकाशया शक्तियात व पृथ्‍वीया जुजुतय्‌त सजाँय बियादी।

यशैया 37:17

हे परमप्रभु न्‍यनादिसँ! हे परमप्रभु, थःगु मिखा चाय्‌काः स्‍वयादिसँ। सनहेरीबं म्‍वाःम्‍ह परमेश्‍वरयात हेपे यानाः धाःगु फुक्‍क खँ ध्‍यान बियाः न्‍यनादिसँ।

यर्मिया 24:6

जिं इमित दया याये अले इमित हाकनं थ्‍व देशय् लित हये, जिं इमित नाश याये मखु तर जिं इमित दय्‌के, जिं इमित लिनाकाये मखु तर तयातये।

इजकिएल 38:4

जिं छन्‍त फनक्‍क चाःहिकाः साला हये। छंगु म्‍हुतुइ जिं बल्‍छी तयाबी। जिं छन्‍त व छिमि फुक्‍क सेनायात अर्थात छिमि सलत व सलगइपिं, लडाइँया हतियार, तःधंगु चिधंगु ढाल व तरवार घानातःपिं छगू तःधंगु सेनायात जिं पित हये।

इजकिएल 39:20

जिगु टेबिलय् सलत व सलगइपिं, बल्‍लाःपिं मनूत व सिपाइँत फुक्‍क कथंयापिं मनूत नयाः छिमिगु प्‍वाः जाइ, परमप्रभु परमेश्‍वरं धयादी।’

दानिएल 9:18

“हे परमेश्‍वर, जिपिंपाखे थःगु न्‍हाय्‌पं बियादिसँ। थःगु मिखा चाय्‌काः जिमिगु झिजांमिजां दंगु हालत व छिगु नां दुगु शहरयात स्‍वयादिसँ। जिपिं धर्मीपिं खः धकाः जिमिसं थ्‍व इनाप यानाच्‍वनागु मखु तर छिगु तःधंगु दयाया कारणं खः।

जकरिया 10:5

इपिं लडाइँलय् थः शत्रुतय्‌त लँया धुलय् न्‍हुत्तु न्‍हुइपिं बल्‍लाःपिं सिपाइँत थें जुइ। परमप्रभु इपिं लिसे दीगुलिं इमिसं सल गयाः वइपिं सिपाइँतय्‌त नं बुकी।

जकरिया 12:11

उखुन्‍हु हे यरूशलेमय् मगिद्दोया फाँट हदद-रिम्‍मोनय् ख्‍वःगु थें हे मनूत ह्वाँय्‌ह्वाँय् ख्‍वइ।

जकरिया 12:3

उखुन्‍हु हे पृथ्‍वीया फुक्‍क जातित यरूशलेमलिसे ल्‍वायेत मुनी। सकल मनूतय्‌त ल्‍ह्वनेत जिं यरूशलेमयात छगः ल्‍वहं दय्‌काबी। सुनां थुकियात ल्‍ह्वनी वं थःत घाःपा याइ।

जकरिया 12:5

अबलय् यहूदाया नायःतय्‌सं दक्‍व शक्ति दुम्‍ह परमप्रभु इमि परमेश्‍वर जूगुलिं यरूशलेमयापिं मनूत बल्‍लाः धकाः बिचाः याइ।

जकरिया 12:6

“उखुन्‍हु हे जिं यहूदाया नायःतय्‌त च्‍यानाच्‍वंगु सिँया दथुइ मकः वा थूतय्‌गु दथुइ च्‍यानाच्‍वंगु मिप्‍वाः थें दय्‌काबी। इमिसं जःखः च्‍वंपिं सकल मनूतय्‌त भस्‍म याइ। यरूशलेम धाःसा थःगु हे थासय् दयाच्‍वनी।

जकरिया 14:15

सलत, खच्‍चरत, ऊँटत, गधात व शत्रुतय्‌गु छाउनीइ दुपिं फुक्‍क पशुतय्‌त नं थज्‍याःगु हे ल्‍वचं स्‍याइ।

जकरिया 9:8

आवलिं जिं थःगु देगःयात हमला याइपिं सिपाइँतपाखें रक्षा याये। हाकनं सुं क्‍वत्‍यलेम्‍हय्‌सिनं गुबलें नं जि मनूतय्‌त हमला याइ मखु। छाय्‌धाःसा आः जिं थःम्‍हं हे इमिगु बिचाः यानाच्‍वनागु दु।

प्रेरित 17:30

“अय्‌जूगुलिं वय्‌कःयात म्‍हमस्‍यूनीबलय् याःगु ज्‍याखँयात परमेश्‍वरं च्‍यूताः तयामदी। आः धाःसा परमेश्‍वरं झीत थज्‍याःगु बांमलाःगु ज्‍यां लिचिलाः पश्‍चाताप यायेत उजं बियादीगु दु।

व्‍यवस्‍था 28:28

परमप्रभुं छिमित कां व वँय् यानादी अले न्‍हेपुइ भ्‍वेभ्‍वे कंकाबी।