जकरिया 12:12 - नेवाः बाइबल

¹² देशया फुक्‍क कुल दुखं च्‍वनी। छगू छगू वंशयापिं मनूत थथःगु पुचलय् च्‍वनाः दुखं च्‍वनी। दाऊदया घराना थःगु पुचलय् च्‍वनाः दुखं च्‍वनी। इमि कलाःपिं थःगु पुचलय् च्‍वनाः दुखं च्‍वनी। नातानया घरानायापिं मिजंत थःगु पुचलय् दुखं च्‍वनी अले इमि कलाःपिं थःगु पुचलय् दुखं च्‍वनी।

जकरिया 12:12 ပူးပေါင်းရင်းမြစ်များ

२ शमूएल 12:1

परमप्रभुं नातान अगमवक्तायात दाऊदयाथाय् छ्वयादिल, अले व दाऊदया न्‍ह्यःने वनाः थथे धाल, “छगू शहरय् निम्‍ह मनूत दु, छम्‍ह तःमिम्‍ह मेम्‍ह चीमिम्‍ह।

२ शमूएल 5:14

यरूशलेमय् बूपिं वया सन्‍तानतय्‌गु नां थथे दु – शम्‍मूअ, शोबाब, नातान, सोलोमन,

प्रस्‍थान 12:30

मिश्र न्‍यंक तसकं हाहाकार जुल। फारो, वया भारदारत व मिश्रीत सकलें चान्‍हय् दन, छाय्‌धाःसा अन मनू मसी धयागु छखा छेँ हे मदु।

यर्मिया 13:18

जुजु व राजमातायात धा, “सिंहासनं कुहां वा, छाय्‌धाःसा छिमिगु छेनं गौरवं जाःगु मुकुट कुतुं वनी।”

यर्मिया 3:21

नांगा डाँडा डाँडाय् इस्राएलीतय्‌गु ख्‍वःसः व इनाप यानाच्‍वंगु सः ताये दयाच्‍वंगु दु। छाय्‌धाःसा इपिं मखुगु लँय् वंगु दु, अले इमिसं थः परमप्रभु परमेश्‍वरयात ल्‍वःमंकूगु दु।

यर्मिया 31:18

“जिं धात्‍थें एफ्राइम ख्‍वःगु सः न्‍यना, ‘छम्‍ह हारांम्‍ह द्वहंचायात थें छिं जितः आज्ञा पालन यायेगु स्‍यनादिल। जितः लितहयादिसँ, जि लिहां वये, छाय्‌धाःसा छि परमप्रभु जिम्‍ह परमेश्‍वर खः।

यर्मिया 4:28

अथे जुयाः पृथ्‍वी ह्वाँय्‌ह्वाँय् ख्‍वइ। आकाश खिउँसे च्‍वनी। जिं धायेधुन अले जिं थःगु मन हीके मखु। जिं क्‍वःछीधुन, जिं थःगु बिचाः हिले मखु।”

योएल 2:16

मनूतय्‌त मुंकि, मुँज्‍यायात अर्पण या, थकालितय्‌त मुंकि, चीधिकःपिं मस्‍त व दुरु मछ्युनिपिं मस्‍तय्‌त नं मुंकि! ब्‍याहा याइम्‍ह मिजं थःगु क्‍वथां अले ब्‍याहा याइम्‍ह मिसा थःगु दुनेया क्‍वथां पिहां वयेमाः।

जकरिया 12:11

उखुन्‍हु हे यरूशलेमय् मगिद्दोया फाँट हदद-रिम्‍मोनय् ख्‍वःगु थें हे मनूत ह्वाँय्‌ह्वाँय् ख्‍वइ।

जकरिया 12:13

लेवीया घरानायापिं मिजंत थःगु पुचलय् च्‍वनाः दुखं च्‍वनी, अले इमि कलाःपिं थःगु पुचलय् च्‍वनाः दुखं च्‍वनी। शिमीया वंश थःगु पुचलय् च्‍वनाः दुखं च्‍वनी अले इमि कलाःपिं थःगु पुचलय् दुखं च्‍वनी।

जकरिया 7:3

व दक्‍व शक्ति दुम्‍ह परमप्रभुया देगःयापिं पुजाहारीत व अगमवक्तातय्‌के थ्‍व खँ न्‍यनेत छ्वल, “झीसं आः तक न्‍हापांनिसें दँय्‌दसं यानाः थें न्‍यागूगु लाय् अपसं च्‍वनाः शोक यायेमाः ला?”

मत्ती 24:30

“थुलि जुइ धुंकाः आकाशय् मनूया काय् वइगु चिं खने दइ। अले मनूया काय्‌यात तःधंगु शक्ति ज्‍वनाः झःझः धाय्‌क सुपाँचय् वयाच्‍वंगु खनी। थ्‍व खनाः संसारय् च्‍वंपिं फुक्‍क कुलयापिं मनूत ह्वाँय्‌ह्वाँय् ख्‍वइ।

लूका 3:31

मलेआ, मिन्‍ना, मत्ताथा, नातान, दाऊद,

१ कोरिन्‍थी 7:5

छम्‍हं मेम्‍हय्‌सित मयः धकाः धाये मते। सल्‍लाह यानाः छुं ईया लागि अलग च्‍वनाः प्रार्थना यायेमाःसां मेबलय् नापं हे जु। छिमिसं थःत कःघाये मफुसा शैतानं छिमित स्‍यंकेत स्‍वइ।

प्रकाश 1:7

“स्‍व, वय्‌कः सुपाँचय् झायादी तिनि, फुक्‍कसिगु मिखां खनीतिनि, वय्‌कःयात भालां सूपिन्‍सं नं खनी। अले संसारय् च्‍वंपिं फुक्‍क जातियापिं मनूत वय्‌कःयात खनाः नुगः दादां ख्‍वये मालीतिनि। थथे ला जु हे जुइ। आमेन!”