जकरिया 12:1 - नेवाः बाइबल

¹ छगू अगमवाणी– इस्राएलया बारे परमप्रभुया वचन थ्‍व हे खः। आकाशयात चकंकादीम्‍ह, पृथ्‍वीया जग तयादीम्‍ह अले मनूया आकार दय्‌कादीम्‍ह परमप्रभुं थथे धयादीगु दु,

जकरिया 12:1 ပူးပေါင်းရင်းမြစ်များ

उत्‍पत्ति 1:8

परमेश्‍वरं च्‍वय्‌यागु ब्‍वयात “आकाश” धकाः नां तयादिल। चा फुनाः सुथ जुल। थुकथं – निन्‍हु जुल।

उत्‍पत्ति 2:7

अले परमप्रभु परमेश्‍वरं बँय् च्‍वंगु चा कयाः मनू दय्‌कादिल, अले वयागु न्‍हासय् जीवनया सासः थनादिल। थुकथं मनू जीवन दुम्‍ह जुल।

अय्‍यूब 26:7

वय्‌कलं खालि थासय् उत्तरयागु आकाशयात चक्‍कंकादी, अले खालिगु थासय् पृथ्‍वीयात यख्‍खानादी।

अय्‍यूब 37:18

छु छिं आकाशयात वय्‌कलं थें न्‍यंकाः दय्‌कूगु धातुया न्‍हाय्‌कं थें छाके फु ला?

भजनसंग्रहया सफू 104:2

छिं थःत जलं त्‍वपुयादीगु दु। अले आकाशयात पाल थें चक्‍कंकादीगु दु।

भजनसंग्रहया सफू 134:3

स्‍वर्ग व पृथ्‍वी सृष्‍टि यानादीम्‍ह परमप्रभुं छन्‍त सियोनं सुवाः बियादीमा।

उपदेशक 12:7

जमिनं वःगु धू बँय् हे लिहां वने न्‍ह्यः, वा आत्‍मा बियादीम्‍ह परमेश्‍वरयाथाय् आत्‍मा लिहां वने न्‍ह्यः वय्‌कःयात लुमंकी!

यशैया 40:12

सुनां समुद्रयात थःगु ल्‍हातं ज्‍वनाः तये फइ? सुनां आकाशयात ल्‍हातं नापय् याये फइ? सुनां पृथ्‍वीया चा दालाय् तःगु दु वा डाँडा व पर्वतयात पाय्‌छिकथं ताल्‍जुइ लने फु?

यशैया 40:22

वय्‌कः पृथ्‍वी च्‍वय् आकाश स्‍वयाः नं च्‍वय् थःगु सिंहासनय् च्‍वनादीम्‍हय्‌सिनं व दय्‌कादीगु खः, क्‍वय् पृथ्‍वीइ मनूत बुइँचा थें जक खः। वय्‌कलं आकाशयात इलां थें चक्‍कंकादीगु दु, अले अन बाय् च्‍वनेत पाल थें चक्‍कंकादीगु दु।

यशैया 42:5

परमप्रभु परमेश्‍वरं आकाश दय्‌काः उकियात चकंकादिल, अले पृथ्‍वी व उकी दुगु फुक्‍कयात न्‍यनावंकादिल, अले वय्‌कलं अन दुपिं मनूतय्‌त सासः व थुखे उखे जुइपिन्‍त जीवन बियादी। परमप्रभु परमेश्‍वरं थथे धयादी –

यशैया 44:24

“परमप्रभुं थथे धयादी, छन्‍त उद्धार यानादीम्‍ह अले छन्‍त गर्भय् दय्‌कादीम्‍ह, “जि हे परमप्रभु खः, गुम्‍हय्‌सिनं फुक्‍कं दय्‌कादिल, गुम्‍हय्‌सिनं याकःचां हे आकाशयात चकंकादिल, गुम्‍हय्‌सिनं थम्‍हं हे पृथ्‍वीयात न्‍यनावंकादिल,

यशैया 45:12

पृथ्‍वी जिं हे दय्‌काःगु खः, अले उकी दुपिं मनूत नं जिं हे सृष्‍टि यानागु खः। जिगु हे ल्‍हाःया ज्‍यां आकाशयात चक्‍कंकागु खः। अले उकी दुगु नक्षत्र व नगुत पाय्‌छिकथं मिलय् यानातयागु दु।

यशैया 45:18

परमप्रभुं स्‍वर्ग सृष्‍टि यानादिल। वय्‌कः हे परमेश्‍वर खः। वय्‌कलं पृथ्‍वीयात बां लुइकादिल, वय्‌कलं उकियात थापं यानादिल। वय्‌कलं पृथ्‍वीयात झिजांमिजां जुइत सृष्‍टि यानादीगु मखु, तर मनूत च्‍वनेत दय्‌कादीगु खः। वय्‌कलं थथे धयादी, “जि हे परमप्रभु खः, जि बाहेक मेपिं सुं नं द्यः मदु।

यशैया 48:13

जिं थःगु हे ल्‍हातं पृथ्‍वीया जग स्‍वनागु दु, जिगु जव ल्‍हातं आकाशयात चक्‍कंकागु दु। गुबलय् जिं इमित सःते अले इपिं फुक्‍क छथाय् मुं वइ।

यशैया 51:13

आकाशयात चकंकादीम्‍ह पृथ्‍वीया जग तयादीम्‍ह थः सृष्‍टिकर्तायात छाय् ल्‍वःमंकागु? छन्‍त नाश यायेत सनीपिं खनाः अले मभिंगु ज्‍या याइपिनिगु तंया कारणं छाय् छ थःगु जीवनय् भय कयाः म्‍वानाच्‍वनागु? अत्‍याचारीया तं गन वन?

यशैया 57:16

जिं न्‍ह्याबलें दोष बियाच्‍वने मखु, जि न्‍ह्याबलें तंम्‍वयाच्‍वने मखु, गुकिं यानाः जिं थम्‍हं दय्‌कागु मनूतय्‌गु नुगः जिं यानाः क्‍वतुं मवनेमा।

यर्मिया 10:12

तर परमेश्‍वरं हे थःगु शक्तिं पृथ्‍वीयात दय्‌कादिल। वय्‌कलं हे संसारयात थःगु बुद्धिं थापं यानादिल। अले आकाशयात थःगु दुग्‍यानं चक्‍कंकादिल।

यर्मिया 30:10

“‘उकिं परमप्रभुं धयादी, हे जिम्‍ह दास, याकूबया सन्‍तान, ग्‍याये मते। हे इस्राएलयापिं मनूत, नुगः क्‍वतुंके मते। जिं थम्‍हं हे छिमित तापाःगु देशं व छिमि सन्‍तानयात ज्‍वनायंकातःगु देशं बचय् यानाः हये। याकूबयात हाकनं शान्‍ति व सुरक्षा दइ। सुनानं वयात ख्‍याये फइ मखु।’

यर्मिया 30:16

“‘छन्‍त नःपिं सकसितं नइ। छिमि फुक्‍क शत्रुतय्‌त देशं पितिनाछ्वइ। छंगु धन-सम्‍पत्ति लाकाकाइपिनिगु धन-सम्‍पत्ति लाका काइ। छन्‍त स्‍यंकीपिन्‍त जिं स्‍यंके।’

यर्मिया 38:16

तर जुजु सिदकियाहं मेपिन्‍सं मसीक यर्मियालिसें थथे धकाः पाफल, “झीत सासः बियादीम्‍ह परमप्रभु गथे धात्‍थें म्‍वाःम्‍ह खः, जिं छन्‍त स्‍याये मखु, न त छन्‍त स्‍यायेत स्‍वःपिं मनूतय्‌गु ल्‍हातय् छन्‍त बिइगु जुइ।”

यर्मिया 50:34

अय्‌नं इमित उद्धार याइम्‍ह बल्‍लाः, वय्‌कःया नां दक्‍व शक्ति दुम्‍ह परमप्रभु खः। वय्‌कलं इमिगु मुद्दा म्‍हितादी अले देशय् शान्‍ति हयादी, तर बेबिलोनय् च्‍वंपिन्‍के धाःसा अशान्‍ति हयादी।

यर्मिया 51:15

“परमप्रभुं पृथ्‍वीयात थःगु बलं दय्‌कादिल। वय्‌कलं थःगु बुद्धिं संसारयात थापं यानादिल। थःगु दुग्‍यानं वय्‌कलं आकाशयात चक्‍कंकादिल।

विलाप 2:14

छंगु अगमवक्तातय्‌सं खंगु दर्शनत सत्‍य मखुगु व छुं हे मूं मवंगु खः। इमिसं छंगु अधर्म क्‍यना मब्‍यू, मखुसा छन्‍त ज्‍वनाः बेबिलोनय् मयंकीगु। इमिसं छंगु निंतिं खंगु दर्शन सत्‍य मखुगु व अलमल यायेत जक खः।

इजकिएल 18:4

छाय्‌धाःसा फुक्‍क प्राण जिगु हे खः। गथे बौया प्राण अथे हे काय्‌या प्राण नं जिगु खः। सुनां पाप याइ, व हे सी।

योएल 3:19

तर यहूदाय् च्‍वंपिं मनूतय्‌त अत्‍याचार याःगुलिं व द्वंमदुपिनिगु हि बाः वय्‌कूगुलिं, मिश्र देश उजाड जुइ व एदोम छुं बुया मवइगु मरुभूमि जुयावनी।

योएल 3:21

जिं क्षमा मयानानीगु इमिगु हिया दोष, जिं क्षमा यानाबी।” परमप्रभु सियोनय् च्‍वनादी।

जकरिया 9:1

छगू अगमवाणी, हद्राक देशया विरोधय् परमप्रभुयागु वचन अले थ्‍व दमस्‍कसय् नं लाइ, छाय्‌धाःसा फुक्‍क मनूतय् व इस्राएलया कुलया मिखा परमप्रभुपाखे दु–

मलाकी 1:1

छगू ईश्‍वरवाणी – मलाकीपाखें इस्राएलयात परमप्रभुया वचन –

गन्‍ती 16:22

अले मोशा व हारूनं बँय् भ्‍वपुयाः धाल, “हे परमेश्‍वर, फुक्‍क प्राणीतय्‌त सासः बियादीम्‍ह परमेश्‍वर, छम्‍ह मनुखं पाप याःगुलिं छु छि फुक्‍क खलःलिसें तं चायादियागु ला?”

हिब्रू 12:9

झीत बुइका तःम्‍ह अबुं न्‍वाःथें झीपिं च्‍वना, उकिं झीसं वय्‌कःयात मानय् याना। छु झीसं झीत आत्‍माय् बुइकादीम्‍ह बाःयागु खँ झन अप्‍वः न्‍यने म्‍वाः ला?