जकरिया 11:16 - नेवाः बाइबल

¹⁶ जिं थःगु बथां स्‍वयेत मेम्‍ह छम्‍ह फैजवाः तये। वं तंपिं फैतय्‌त वास्‍ता याइ मखु, थुखेलाः उखेलाः जूपिन्‍त मुंकी नं मखु, घाःपा जूपिन्‍त लंकी नं मखु, छुं मजूपिन्‍त ज्‍वइ नं मखु। वं बांबालाःपिं फैतय्‌गु ला नइ अले इमिगु ख्‍वःयात सालाः लिकाइ।”

जकरिया 11:16 ပူးပေါင်းရင်းမြစ်များ

उत्‍पत्ति 31:38

“जि निइदँ तक छिलिसे च्‍वना। छिकपिनि छम्‍ह फै व च्‍वलय्‌चिया नं मत्‍यवं मचा कुहां वः धयागु मजू! न त जिं छिम्‍ह छम्‍ह हे फै-च्‍वलय् हे नया।

उत्‍पत्ति 33:13

याकूबं धाल, “छिं सि हे स्‍यू, थ्‍व मस्‍त क्‍यातुसे हे च्‍वं नि। अले हानं जि थ्‍व दुरु त्‍वंपिं पशुया बथां नं बिचाः यायेमाः। थुमित न्‍हिच्‍छि न्‍यासिकल धाःसा थुपिं सी।

यशैया 40:11

वय्‌कलं थःगु फैच्‍वलय्‌या बथांयात फैजवालं थें ज्‍वयादी। वय्‌कलं चिचीधिकःपिं भ्‍याःचातय्‌त थःगु मुलय् कयादी अले इमित थःगु हे नुगःया लिक्‍क पाछायादी। वय्‌कलं तसकं चिचीधिकःपिं फैचा दुपिन्‍त बुलुहुं ज्‍वयादी।

यर्मिया 23:2

अथे जूगुलिं थः मनूतय्‌त ज्‍वइपिं फैजवाःतय्‌त परमप्रभु इस्राएलयाम्‍ह परमेश्‍वरं थथे धयादी, “छिमिसं जिगु बथांयात छ्यालब्‍याल यानाबिल, छिमिसं इमित लिनाछ्वत, इमित मस्‍वः। उकिं छिमिसं याःगु मभिंगु ज्‍याया निंतिं जिं थःम्‍हं हे छिमित सजाँय बी,” परमप्रभुं धयादी।

यर्मिया 23:22

तर इपिं जिगु सभाय् च्‍वंगु जूसा इमिसं जि प्रजायात जिगु वचन न्‍यंकीगु जुइ। अले इमित मभिंगु लँपाखें व इमिसं यानाच्‍वंगु मभिंगु ज्‍यापाखें लित हइगु जुइ।

इजकिएल 34:10

जि, परमप्रभु परमेश्‍वर थथे न्‍ववानागु दु – जि फैजवाःतय्‌गु विरोधय् दु। जिं इमिके थःगु बथांया ल्‍याःचाः काये। जिं उपिं फैजवाःतय्‌त बथांयात नकेगु ज्‍यापाखें लिकयाबी, इमिसं हाकनं थथःगु प्‍वाः जाय्‌के खनी मखु। जिं छिमिगु म्‍हुतुं जिगु बथांयात बचय् याये, अले जिम्‍ह फैत इमिगु निंतिं आहारा जुइ मखु।’”

इजकिएल 34:16

तंपिन्‍त जिं माले, लँ द्वंकुपिन्‍त जिं लुइकाः हये। घाःपाः जूपिन्‍त मलम तयाः पट्टी चिनाबी, बमलाःपिन्‍त बल्‍लाकाबी। तर ल्‍ह्वंपिं व बल्‍लाःपिन्‍त जिं नाश यानाबी। खःकथं बथां स्‍वइम्‍ह फैजवाः जि जुइ।

इजकिएल 34:21

छाय्‌धाःसा छिमिसं ला गंसिपिं फैतय्‌त ब्‍वहलं घ्‍वाघ्‍वां, नेकुलिं च्‍वच्‍वं, इमित लिनाच्‍वंगु दु, छ्यालब्‍याल यानाच्‍वंगु दु।

दानिएल 11:36

“व जुजुं थः यःथें यानाः थःत फुक्‍क द्यःत स्‍वयाः तःधंकी अले द्यःतय् नं परमेश्‍वरयात म्‍हुतु वाइ। परमेश्‍वरया तं क्‍वमलाःतले व ताःलाइ, छाय्‌धाःसा छु क्‍वःछ्यूगु खः व पूवने हे माः।

यूहन्‍ना 10:1

“जिं छिकपिन्‍त खःगु खँ धाये – फैगलय् लुखां दुहां मवसे मेथासं वइम्‍ह मनू खुँ व दाखुँ खः।