जकरिया 10:8 - नेवाः बाइबल

⁸ जिं इमित सुलि पुयाः सःते, अले इमित छथाय् मुंके। जिं इमित लिफ्‍यानाः न्‍हापा गुलि दुगु खः उलि हे दय्‌काबी।

जकरिया 10:8 ပူးပေါင်းရင်းမြစ်များ

१ राजा 4:20

यहूदा व इस्राएलयापिं मनूत समुद्र सिथय् च्‍वंगु फि थें हे यक्‍व दु। इपिं सकसिके नयेत्‍वनेत माक्‍व दु, अले इपिं लय्‌ताः।

प्रस्‍थान 1:7

इस्राएलया सन्‍तान धाःसा ब्‍वलनाः ल्‍याखय् अप्‍वः दयावन। गुकिं यानाः फुक्‍क देश इमिसं जाल।

यशैया 44:22

जिं छंगु अपराधत सुपाँय् थें अले छंगु पाप सुथय्‌या खसु थें चीकाछ्वयागु दु। जिथाय् लिहां वा, छाय्‌धाःसा जिं छन्‍त उद्धार यानागु दु।”

यशैया 48:20

बेबिलोनं पिहां वा! बेबिलोनीतय्‌गु दथुं बिस्‍युं वा! लय्‌तातां तसलं थ्‍व खँ घोषणा या! पृथ्‍वीया कुन्‍चाय् थ्‍यंक च्‍वंपिन्‍त थ्‍व खँ न्‍यंकि! छिमिसं थथे धा, “परमप्रभुं थः दास याकूबयात त्‍वःतकादीगु दु।”

यशैया 5:26

परमप्रभुं तापाक्‍क च्‍वंपिं देशतय्‌त चिंया झण्‍डा ब्‍वय्‌काः आज्ञा बियाच्‍वनी। अले इमित पृथ्‍वीया कुंकुलामय् थ्‍यंक सुलुपुयाः सःतादी। अले इपिं यरूशलेमपाखे ब्‍वाँय् वइ।

यशैया 51:11

परमप्रभुं मू पुलाः छुत्‍कारा यानादीपिं हाकनं लिहां वइतिनि। इपिं सियोनय् म्‍ये हा हां दुहां वइ, अले इमिगु छ्यंया श्रीपेच न्‍ह्याबलेंया निंतिं लसता जुइ। इमिसं खुसि व लसता कायेखनी। अले दुखं व झसुका इपिंपाखें तापाक हे जुइ।

यशैया 7:18

व दिं वइबलय् परमप्रभुं सुलुपुयाः मिश्रीतय्‌त नील खुसिं भुजिंयात थें अश्‍शूरीतय्‌त हा थें सःतादी।

यशैया 7:19

उपिं वयाः चिब्‍यागु काप्‍चाय्, ल्‍वहं कापिचाय्‌, कंझालय् व फुक्‍क लः प्‍वालय् च्‍वंवइ।

यर्मिया 33:22

आकाशया नगु ल्‍याः खाये मफइगु व समुद्र सिथय्‌या फि लने मफइगु थें अथे हे जिं जिम्‍ह दास दाऊदया सन्‍तान व जिगु सेवा याइपिं लेवीतय्‌गु ल्‍याः अप्‍वय्‌काबी।’”

होशे 1:10

“अथे जूसां इस्राएलीतय्‌गु ल्‍याः समुद्रया सिथय् च्‍वंगु फि थें जुइ, सुयात न नापय् याये फइ, न ल्‍याः खाये फइ। गन इमित थथे धाःगु खः, ‘छिपिं जिमि प्रजा मखु,’ अन इमित थथे धकाः धाइ, ‘छिपिं म्‍वाःम्‍ह परमेश्‍वरया सन्‍तान खः।’

मीका 2:12

“हे याकूब, धात्‍थें हे जिं छिपिं फुक्‍कसित मुंके। इस्राएलयापिं ल्‍यंदुपिन्‍त जिं धात्‍थें हे मुंके। जिं इमित फैगालय् फैतय्‌त थें छथाय् हे मुंके। व थासय् ग्‍वाः ग्‍वाः मनूत दइ।

जकरिया 9:11

छिपिंलिसे चिनागु हिया जिगु बाचाया कारणं जिं छिमि कैदीतय्‌त लः मदुगु गालं मुक्त यानाबी।

मत्ती 11:28

“कु क्‍वबिया त्‍यानुचाःपिं फुक्‍कं जिथाय् झासु लंकः वा, जिं छिमित आराम बी।

प्रकाश 22:17

आत्‍मा व भम्‍चां धयादी – “झासँ।” अथे हे न्‍यनीपिन्‍सं नं “झासँ” धकाः धा। प्‍याचाःपिन्‍सं व इच्‍छादुपिन्‍सं वयाः जीवनयागु लः सितिकं त्‍वँ।

प्रकाश 7:9

थुलि जुइ धुंकाः जिं स्‍वयाबलय् जात जातियापिं मनूत, कुल कुलयापिं मनूत व फुक्‍क देश देशयापिं मनूत, थीथी भाषां नवाइपिं मनूत तुयुगु वसतं पुनाः ल्‍हातिइ ताय्‌गः सिमायागु कचा ज्‍वनाः सिंहासन व चीधिकःम्‍ह भ्‍याःचाया न्‍ह्यःने दनाच्‍वंगु जिं खना।