जकरिया 10:7 - नेवाः बाइबल

⁷ एफ्राइमयापिं मनूत वीर सिपाइँत थें जुइ, दाखमद्य त्‍वनाः लय्‌ताःगु थें इमिगु मन जुइ। इमि मस्‍त थ्‍व खनाः लय्‌ताइ। परमप्रभुयाके इमिगु नुगः लय्‌ताइ।

जकरिया 10:7 ပူးပေါင်းရင်းမြစ်များ

उत्‍पत्ति 18:19

जिं वयात ल्‍ययागुलिं वं थः मस्‍तय्‌त व सन्‍तानयात खःगु व भिंगु ज्‍या यानाः परमप्रभुया लँय् जुइत उजं बिइ। थुकिं हे परमप्रभुं अब्राहामलिसे चिनादीगु बाचा पूवंके फइ।”

उत्‍पत्ति 43:34

इमिगु ब्‍व योसेफयागु हे टेबिलं लिकया यंकूगु खः। बेन्‍यामीनयागु ब्‍व इमिगु स्‍वयाः न्‍यादुगं अप्‍वः तब्‍व। थुकथं इमिसं योसेफलिसे लय्‌तातां नयेत्‍वने यात।

भजनसंग्रहया सफू 102:28

छिकपिनि दासतय् मचाखाचा पुस्‍तां पुस्‍ता तक छिगु न्‍ह्यःने सुरक्षित जुयाच्‍वनी।

भजनसंग्रहया सफू 104:15

मनूतय्‌त लय्‌ताय्‌केत दाखमद्य, ख्‍वाः चक्‍कंकेत जैतूनया चिकं व ताकत बीत मरि बियादीगु दु।

भजनसंग्रहया सफू 13:5

जितः छिगु सदां दइगु दया मायाय् विश्‍वास दु, अले जि छिं बचय् यानादीगुलिइ लय्‌तायाच्‍वने।

भजनसंग्रहया सफू 28:7

परमप्रभु जिगु बल खः, अले जिगु ढाल नं। जिं दुनुगलंनिसें वय्‌कःयागु भलसा कयागु दु। वय्‌कलं जितः ग्‍वाहालि यानादी, अले जिगु नुगः लसतां जाः। जिं वय्‌कःयात तःधंकाः म्‍ये हाले।

भजनसंग्रहया सफू 33:21

वय्‌कःलिसे झीगु नुगः लय्‌ताइ छाय्‌धाःसा झीसं वय्‌कःया पवित्र नांयागु भलसा कयागु दु।

भजनसंग्रहया सफू 90:16

छिगु ज्‍या छि दासतय्‌सं खनेमा, छिगु महिमा इमि सन्‍तानतय्‌सं खनेमा।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

यशैया 38:19

म्‍वाःपिं व म्‍वानाच्‍वंपिन्‍सं जक छिगु प्रशंसा याइ, गथे थौं जिं यानाच्‍वना। बौनं थः काय्‌पिन्‍त छिगु विश्‍वास याये बहःगु खँया बारे कनी।

यशैया 54:13

छिमि सकलें काय्‌पिन्‍त परमप्रभुं हे स्‍यनेगु याइ, अले छिमि काय् म्‍ह्याय्‌पिन्‍त सुख शान्‍ति दइ।

यशैया 66:14

छिमिसं थ्‍व खनी अले छिमिगु नुगः तसकं लय्‌ताइ अले छिपिं घाँय् थें च्‍वन्‍ह्याइ। परमप्रभुया ल्‍हाः थः दासतपाखे न्‍ह्यज्‍याकूगु, वय्‌कःया तं धाःसा शत्रुतपाखे न्‍ह्यानाच्‍वंगु खंके बियादी।

यर्मिया 32:39

जिं इमिगु जीवनय् छगू हे मन व छगू हे बिचाः बी। अले इमिसं न्‍ह्याबलें थःगु भिं व थः सन्‍तानतय्‌गु भिंया निंतिं जिगु भय काइ।

इजकिएल 37:25

जिं जिम्‍ह दास याकूबयात बियागु देशय् इपिं च्‍वनी, अन इमि पुर्खात च्‍वनाच्‍वंगु खः। इपिं व इमि सन्‍तानत न्‍ह्याबलें अन च्‍वनी। जिम्‍ह दास दाऊद न्‍ह्याबलेंया निंतिं इमि शासक जुइ।

योएल 2:23

हे सियोनयापिं मनूत, लय्‌ता, परमप्रभु थः परमेश्‍वरयाके लय् लय्‌ताता न्‍ह्यइपुइकाच्‍वँ! छाय्‌धाःसा वय्‌कलं दकलय् न्‍हापां वइगु वा छिमित बियादीगु दु, छाय्‌धाःसा वय्‌कः विश्‍वास याये बहःम्‍ह खः। अले छिमिगु निंतिं माक्‍व वा वय्‌कादी न्‍हापागु वा व लिपायागु वा न्‍हापा थें हे वय्‌कादी।

हबकूक 3:18

जि परमप्रभुयाके लय् लय्‌ताय्, जिं जितः उद्धार यानादीम्‍ह परमेश्‍वरयाके लय् लय्‌ताय्।

सपन्‍याह 3:14

हे जिमि म्‍ह्याय् सियोन, म्‍ये हा! हे इस्राएल, तस्‍सलं हा! हे जिमि म्‍ह्याय् यरूशलेम, थःगु पूरा मनं छ लय्‌ता अले न्‍ह्यइपुकि!

जकरिया 12:8

उखुन्‍हु हे परमप्रभुं यरूशलेमय् च्‍वंपिन्‍त रक्षा यानादी अले इपिं मध्‍ये तसकं बमलाःपिं दाऊद थें जुइ। दाऊदया घराना धाःसा परमेश्‍वर थें इमिगु न्‍ह्यःने वनाच्‍वंम्‍ह परमप्रभुया दूत थें जुइ।

जकरिया 9:15

दक्‍व शक्ति दुम्‍ह परमप्रभुं थः मनूतय्‌त रक्षा यानादी। इमिसं थः शत्रुतय्‌त नाश यानाबी, इमिसं शत्रुतय्‌त ल्‍वहँतं कय्‌काः बुकी। अले इपिं दाखमद्य त्‍वंपिं थें लडाइँलय् ततःसलं हाली। इपिं वेदीया कुन्‍चाय् कुन्‍चाय् हि छ्वाकीगु तःग्‍वःगु ख्‍वला थें हिं जाःगु जुइ।

जकरिया 9:17

इपिं गुलि यइपुस्‍से च्‍वनी अले गुलि बांलाइ। देशयागु अन्‍न नयाः दाखया ति त्‍वनाः ल्‍याय्‌म्‍ह ल्‍यासेत बल्‍लानावइ।

लूका 1:47

मुक्ति बीम्‍ह परमेश्‍वर खनाः जिगु मन तसकं लय्‌ताः,

यूहन्‍ना 16:22

छिमित नं आः थथे हे दुःख ला जुइ। तर जि छिमित हानं नापलाः वये, अले छिपिं हानं लय्‌लय्‌ताइ। अले सुनानं छिमिगु आनन्‍द लाकाकाये फइ मखु।

प्रेरित 13:33

थ्‍व हे खँ वय्‌कलं सीम्‍ह येशूयात म्‍वाकाः झी इमि सन्‍तानयागु निंतिं पूवंकादिल। निगूगु भजनय् येशूया खँय् थथे च्‍वयातःगु दु – “‘छ जिमि काय् खः। थनिंनिसें जि छं बाः जुल।’

प्रेरित 2:26

अय्‌जूगुलिं जि दुनुगलंनिसें लय्‌ता, अले जिं लसतां म्‍ये हाले। आवंलि जि आशा यायेगु मत्‍वतुसे म्‍वानाच्‍वने,

प्रेरित 2:39

झी प्रभु परमेश्‍वरं थःम्‍हं सःता दिक्‍वसित थ्‍व हे खँ बी धकाः बचं बियादीगु खः। उकिं थ्‍व बचं छिकपिं, छिकपिनि मस्‍त व आः तकं तापाक च्‍वनाच्‍वंपिं फुक्‍कसिगु निंतिं बियादीगु खः।”

फिलिप्‍पी 4:4

प्रभुयाके न्‍ह्याबलें लय्‌ताया च्‍वँ। जिं हानं धाये – “लय्‌ताया च्‍वँ।”

१ पत्रुस 1:8

वय्‌कःयात छिमिसं मखंनिसां माया यानाच्‍वंगु दु। आः नं वय्‌कःयात छिमिसं मखंनि, अय्‌नं छिमिसं विश्‍वास यानाच्‍वंगु दु। अले धयां मब्‍याक छिपिं लय्‌तायाच्‍वंगु दु।

१ शमूएल 2:1

हन्‍नाहं थथे धकाः प्रार्थना यात, “परमप्रभुं जिगु मन तसकं लय्‌ताय्‌कादीगु दु, वय्‌कलं यानादीगु ज्‍या खनाः जि तसकं खुसी जुयागु दु। जि जिमि शत्रुतय् न्‍ह्यःने न्‍हिले, अले परमप्रभुं जितः ग्‍वाहालि यानादीगुलिं जि तसकं लय्‌तायागु दु।