जकरिया 10:6 - नेवाः बाइबल

⁶ “जिं यहूदाया घरानायात बल्‍लाकाबी अले योसेफया घरानायात बचय् याये। जिं इमित हाकनं लित ब्‍वनाहय्। छाय्‌धाःसा जितः इपिं प्रति दया दु। जिं इमित गुबलें नं मत्‍वःतागु थें च्‍वंक इपिं न्‍हापा गथे खः अथे हे यानाबी। छाय्‌धाःसा जि इमि परमप्रभु परमेश्‍वर खः, अले जिं इमिगु प्रार्थनाया लिसः बी।

जकरिया 10:6 ပူးပေါင်းရင်းမြစ်များ

भजनसंग्रहया सफू 89:21

जिगु बल न्‍ह्याबलें वयाके दयाच्‍वनी। जिगु शक्तिं वयात बल्‍लाकाबी।

यशैया 11:12

वय्‌कलं जाति-जातितय्‌गु निंतिं छगू चिंया झण्‍डा धस्‍वाकादी अले त्‍वःतकाहःपिं इस्राएलया मनूत व छ्यालब्‍याल जुयाच्‍वंपिं यहूदाया मनूतय्‌त पृथ्‍वीया कूंकुलामं मुंकाः छथाय् हयादी।

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

यशैया 54:4

“ग्‍याये मते, छ लाजय् लाइ मखु। मेपिन्‍सं बेइज्‍जत याइ धकाः ग्‍याये मते। छन्‍त क्‍वह्यंके फइ मखु। छं थःगु ल्‍याय्‌म्‍हबलय्‌या लज्‍या ल्‍वःमंकी, अले छन्‍त भाःत मदुबलय्‌या याःगु हेला गुबलें लुमंकी मखु।

यशैया 54:8

तमं जिं छन्‍त छुं ईया निंतिं जक जिगु ख्‍वाः छपाखें सुचुकागु खः। जिगु सदां दइगु दया मायां जिं छन्‍त दया याये,” छन्‍त उद्धार यानादीम्‍ह परमप्रभु परमेश्‍वरं थथे धयादी।

यर्मिया 23:6

वयागु इलय् यहूदाया मनूतय्‌त बचय् याइ। अले इस्राएल सुरक्षित जुयाच्‍वनी। परमप्रभुं वयागु नां ‘परमप्रभु जिमिगु धार्मिकता’ तयादी।”

यर्मिया 3:18

अबलय् इस्राएलया मनूत यहूदाया मनूतलिसें मिलय् जुइ, इपिं छकलं उत्तरय् च्‍वंगु देशं लिहां वयाः जिं इमि पुर्खातय्‌त न्‍ह्याबलेंया निंतिं बियागु देशय् वइ।

यर्मिया 30:18

“परमप्रभुं थथे धयादी, “‘जिं थःम्‍हं हे थः प्रजायात इमिगु देशय् लित हये अले फुक्‍क परिवारयात दयामाया याये। शहरयात व नाश जूगु थासय् हे हाकनं दय्‌की। जुजुया दरबार नं हाकनं थःगु थासय् दय्‌की।

यर्मिया 30:20

इमि मस्‍त न्‍हापायापिं थें हे जुइ। इमिगु खलः जिगु न्‍ह्यःने पलिस्‍था जुइ। इमित क्‍वत्‍यलीपिन्‍त जिं सजाँय बी।

यर्मिया 31:1

परमप्रभुं धयादी, “उबलय् जि इस्राएलया फुक्‍क कुलया परमेश्‍वर जुइ, अले इपिं जि प्रजा जुइ।”

यर्मिया 31:20

छु! एफ्राइम जिम्‍ह यःम्‍ह काय्, मखु ला? छु व जितः लय्‌तायेकीम्‍ह मचा, मखु ला? वयागु विरोधय् जिं न्‍ह्याक्‍व हे खँ ल्‍हाना सां जिं धात्‍थें वयात आः तक नं लुमंका च्‍वना। उकिं वयात जिं यय्‌का। जिं धात्‍थें वयात तसकं माया याना,” परमप्रभुं धयादी।

यर्मिया 31:31

परमप्रभुं धयादी, “इस्राएलयापिं व यहूदायापिंलिसे जिं न्‍हूगु बाचा चीत्‍यनागु ई वयाच्‍वंगु दु।

इजकिएल 36:11

जिं छिमि मनूतय्‌गु व पशुतय्‌गु ल्‍याः अप्‍वय्‌काबी। इमिगु ल्‍याः न्‍हापा स्‍वयाः यक्‍व दइ। यक्‍व काय्‌म्‍ह्याय्‌पिं बुइकी। हे इस्राएलया पहाडत, न्‍हापा थें छिमिके जिं मनूत तये, न्‍हापा स्‍वयाः अप्‍वः जिं छिमित च्‍वन्‍ह्याके। अले छिमिसं जि हे परमप्रभु खः धकाः सी।

इजकिएल 36:37

“परमप्रभु परमेश्‍वरं थथे धयादी – इस्राएलया घरानाया बिन्‍ति जिं स्‍वीकार याये, अले इमिगु निंतिं जिं थ्‍व ज्‍या यानाबी। जिं इमि मनूतय्‌त फैत थें अल्‍याख यानाबी।

इजकिएल 37:16

“अय् सीमानिम्‍ह मनू, सिँयागु छपु कथि कयाः उकी ‘यहूदायागु व वलिसें मिलय् जूपिं इस्राएलीतय्‌गु धकाः च्‍व।’ अले मेगु सिँयागु कथि कयाः उकी ‘योसेफयागु अर्थात एफ्राइम व वलिसें मिलय् जूपिं इस्राएलीतय्‌गु कथि’ धकाः च्‍व।

इजकिएल 39:25

“उकिं परमप्रभु परमेश्‍वरं थथे धयादी – जिं याकूबया सुख व शान्‍ति हाकनं लित हयाबी, जिं इस्राएलयापिं फुक्‍कं मनूतय्‌त माया याये। जिं जिगु पवित्र नांया इज्‍जतयात रक्षा याये।

होशे 1:11

यहूदा व इस्राएलया मनूत मिले जुइ। अले इमिसं थःगु निंतिं छम्‍ह नायः ल्‍यइ, अले इपिं कैदी जुयाच्‍वंगु थासं लिहां वइ। धात्‍थें हे यिजरेलया व दिं छगू तःधंगु दिं जुइ।

होशे 1:7

अय्‌नं जिं यहूदाया घरानायात माया याये। इमिगु उद्वार धनुष, तरवार, लडाइँ व सलगइपिंपाखें मखु, तर परमप्रभु इमि परमेश्‍वरपाखें याये।”

होशे 14:9

सु बुद्धिमान खः? वं थुपिं खँत थुइकेमाः, थुइकाकाये फुम्‍ह सु दु? वं थुपिं खँत सीकेमाः। परमप्रभुया लँपु थिक जू, धर्मीपिं मनूत व हे लँपुइ जुइ। तर पापीपिं मनूत उकी लुफिं हानाः क्‍वदइ।

होशे 2:23

जिं जिमि मनूतय्‌त पलिस्‍था याये अले इमित च्‍वन्‍ह्याके। जिं ‘गुबलें दया याये मखु’ धयाम्‍हय्‌सित हे जिं दयामाया क्‍यने। जिं ‘छिपिं जिमि प्रजा मखु’ धयापिन्‍त हे जिं ‘थः मनू’ धाये। अले इमिसं धाइ, ‘छि जिमि परमेश्‍वर खः।’”

ओबदिया 1:18

याकूबया घराना व योसेफया घरानात दनदन च्‍याःगु मि थें जुइ, एसावया घराना छ्वख्‍वः जुइ, अले इमिसं उकियात मि तयाः भस्‍म याइ। एसावया घराना छम्‍ह नं म्‍वाइ मखु।” परमप्रभुं हे थथे धयादीगु दु।

मीका 4:13

“हे सियोनया म्‍ह्याय्, दनाः अन्‍नयात दा, छाय्‌धाःसा जिं छन्‍त नँयागु नेकूत बी, जिं छन्‍त कँय्‌यागु ख्‍वः बी, अले छं यक्‍व हे जातितय्‌त कुचा कुचा याये फइ।” इमिगु अधर्मयागु कमाइ अले इमिगु सम्‍पत्ति सारा पृथ्‍वीयाम्‍ह परमप्रभुयात देछाइ।

मीका 4:6

परमप्रभुं घोषणा यानादी, “उगु दिनय् जिं लँगडातय्‌त मुंके, अले ज्‍वनाः मेगु देशय् यंकूपिन्‍त व जिं दुःखय् लाकाबियापिं मनूतय्‌त मुंके।

मीका 5:3

अथे जुयाः मचाबू ब्‍यथा जूम्‍ह मिसां मचा मबुइकूतले इस्राएलयात शत्रुया ल्‍हातय् त्‍वःता तइ। अले वया दाजुकिजापिं लिहां वयाः इस्राएलीतलिसें मिलय् जुइ।

मीका 5:8

यक्‍व जात जाति व यक्‍व मनूतय् दथुइ याकूबया ल्‍यंदुपिं मनूत जंगलय् च्‍वंपिं पशुतय्‌गु दथुइ सिंह थें अले फैतय्‌गु दथुइ च्‍वंम्‍ह ल्‍याय्‌मम्‍ह सिंह थें जुइ। इमिसं थुखे उखे वनाः झाताझिति यानाः जुइ, अले इमित सुनानं बचय् याये फइ मखु।

मीका 7:16

जाति जातियापिं मनूत थ्‍व खनाः मछाला च्‍वनी। इमिगु फुक्‍क शक्ति लाका काइ। अले इमिसं थःगु ख्‍वाः ल्‍हातं त्‍वपुइ, उलि जक मखु इमिगु न्‍ह्याय्‌पं ख्‍वाँय् जुयावनी।

जकरिया 1:16

“उकिं जिगु दया क्‍यनेत जि यरूशलेमय् लिहां वयागु दु। जिगु देगः हाकनं दय्‌की, यरूशलेमय् नापय् यायेगु खिपः तंके याइ, अले शहरयात हाकनं दय्‌की” दक्‍व शक्ति दुम्‍ह परमप्रभुं धयादी।

जकरिया 10:12

जिं थःम्‍हं हे थः मनूतय्‌त बल्‍लाके, अले इपिं जिगु नामं जिगु लँपुइ जुइ।” जि परमप्रभुं थ्‍व खँ धयाच्‍वना।

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”

जकरिया 8:11

अय्‌नं आः थ्‍व ल्‍यंदुपिं मनूतय्‌त न्‍हापा यानागु थें याये मखु” दक्‍व शक्ति दुम्‍ह परमप्रभुं धयादी।

जकरिया 9:16

उखुन्‍हु परमप्रभु इमि परमेश्‍वरं थः मनूतय्‌त फैजवाःतय्‌सं फैच्‍वलय्‌या बथांयात बचय् याःथें बचय् यानादी, श्रीपेचया मणि थें इपिं वय्‌कःया देशय् थी।