जकरिया 10:1 - नेवाः बाइबल

¹ बसन्‍त ऋतुया इलय् परमप्रभुयाके वा वय्‌का ब्‍यू धकाः फ्‍वँ। छाय्‌धाःसा वा वय्‌कीगु सुपाँय् दय्‌कादीम्‍ह परमप्रभु हे खः। वय्‌कलं मनूतय्‌गु निंतिं वा वय्‌कादी। अले फुक्‍कसिगु क्‍यबय् बुँ ह्वइ।

जकरिया 10:1 ပူးပေါင်းရင်းမြစ်များ

१ राजा 17:1

गिलादया तिश्‍बेयाम्‍ह तिश्‍बी एलियां आहाबयात धाल, “जिं सेवा याना वयाच्‍वनाम्‍ह परमप्रभु, इस्राएलया परमेश्‍वर म्‍वाःम्‍ह खः थें, जिं पाफयाः धाये जिं मधायेकं आः वइगु छुं दँ तक सुतिलः नं गाइ मखु, वा नं वइ मखु।”

अय्‍यूब 29:23

मनूतय्‌सं वा वइगु पियाच्‍वं थें जितः नं पियाच्‍वनीगु। बसन्‍तया इलय् वइगु वा थें इमिसं जिगु वचनयात त्‍वनीगु।

भजनसंग्रहया सफू 104:13

छिं आकाशं पहाडय् वा गाय्‌कादी, अले छिगु आशिषं पृथ्‍वी बिलिबिलि जाइ।

भजनसंग्रहया सफू 135:7

वय्‌कलं पृथ्‍वीया कुन्‍चां सुपाँय् थकयादी, वानापं हाबलासा छ्वयाहयादी, अले थःगु धुकुतिं फय् पिकयादी।

भजनसंग्रहया सफू 65:9

छिं पृथ्‍वीयागु च्‍यूताः कयादी, अले उकियात लः बियाः सय्‌कीगु यानादी। बुँइ अन्‍न सय्‌केत परमेश्‍वरया खुसि लखं जाः। छिं थथे थुकथं यानादी –

भजनसंग्रहया सफू 72:6

घाँय् लयातःगु ख्‍यलय् वा वये थें जुजुं राज्‍य यायेमा, झ्‍वार्र वा वयाः बँयात प्‍याकू थें जुजुं राज्‍य यायेमा।

हितोपदेश 16:15

जुजु लय्‌ताइगु धयागु जीवन दइगु खः, जुजुं यय्‌कीगु धयागु वा वयाः चकने थें खः।

यशैया 30:23

छिमिसं बुँइ ह्वलिगु पुसाया निंतिं वय्‌कलं आकाशं लः छ्वयाहयादी। अले बुं अन्‍न बांलाक सय्‌की अले यक्‍व दइ। व दिंखुन्‍हु सा-द्वहंत तःधंगु ख्‍यलय् ज्‍वइ।

यशैया 44:3

छाय्‌धाःसा जिं गंगु बँय् लः प्‍वंकाबी, व सुख्‍खा बुँइ खुसिचात न्‍ह्याकाबी। जिं छिमि सन्‍तानयाके जिगु आत्‍मा प्‍वंकाबी, अले जिं छिमि सन्‍तानतय्‌त आशिष बी।

यशैया 5:6

जिं व क्‍यबयात ज्‍याख्‍यलय् मदुगु यानाबी, उकियात न कचा न्‍हाय् न बुँ पाले, तर झाः व कँ बुया वइ। अन वा मवयेमा धकाः सुपाँय्‌यात नं उजं बी।”

यर्मिया 10:13

वय्‌कलं न्‍ववानादीबलय् आकाशय् लः थ्‍वय्‌क हाली। पृथ्‍वीया कुन्‍चां वय्‌कलं सुपाँय् हयादी। वा वइबलय् वय्‌कलं हाबलासा त्‍वय्‌कादी अले थःगु धुकुतिं फय् वय्‌कादी।

यर्मिया 14:22

जात जातिया द्यःत मध्‍ये सुनां वा वय्‌के फइ? अथवा आकाशं थःम्‍हं हे वा वय्‌के फइ ला? हे परमप्रभु, जिमि परमेश्‍वर, छिं हे वा वय्‌कादी। उकिं जिमित छिगु हे आशा दु, छाय्‌धाःसा थ्‍व फुक्‍क यानादीम्‍ह छि हे खः।

यर्मिया 5:24

तर इमिसं थःगु नुगलय् थथे धाइ मखु, ‘झीसं परमप्रभु झी परमेश्‍वरया भय कायेनु। वय्‌कलं हे वा वइगु इलय्‌या न्‍हापांगु व लिपांगु वा वय्‌कादी। दँय्‌दसं अन्‍न लइगु ई बियादी।’

यर्मिया 51:16

वय्‌कः थ्‍वय्‌क हालादीबलय् आकाशय् लः गड्याङ गुडयाङ याइगु, वय्‌कलं पृथ्‍वीया तापाःगु थासं सुपाँय् थकयादी। वय्‌कलं वानापं हाबलासा त्‍वय्‌कादी। थःगु धुकुतिं फय् वय्‌कादी।

इजकिएल 34:26

जिं इमित व जिगु डाँडाया प्‍यखेरं च्‍वंगु थाय्‌यात आशिष दय्‌काबी। जिं खःगु इलय् इमिगु निंतिं वा वय्‌काबी। जिं आकाशं वइगु वायात आशिष यानाबी।

इजकिएल 36:37

“परमप्रभु परमेश्‍वरं थथे धयादी – इस्राएलया घरानाया बिन्‍ति जिं स्‍वीकार याये, अले इमिगु निंतिं जिं थ्‍व ज्‍या यानाबी। जिं इमि मनूतय्‌त फैत थें अल्‍याख यानाबी।

होशे 10:12

थःगु निंतिं धार्मिकताया पुसात प्‍यु, न्‍ह्याबलें दयाच्‍वनीगु दयामायाया फल मुंकी। छिमिसं बाझः तयातःगु छाःगु बुँ पा, छाय्‌धाःसा परमप्रभुयात मालेगु ई थ्‍व हे खः, गुकिं यानाः वय्‌कः झायाः छिमित धार्मिकताया आशिष प्‍वंकादीमा।

होशे 6:3

वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

आमोस 4:7

“अन्‍न मुनीगु स्‍वला न्‍ह्यः हे जिं छिमिथाय् वा वयेगु दीकाबिया। जिं छगू शहरय् वा वय्‌काबिया, मेगु शहरय् वा मवय्‌का। छगू बुँइ वा वल अले मेगु बुँ वा मवयाः गना वन।

मीका 5:7

यक्‍व मनूतय्‌गु दथुइ याकूबया ल्‍यंदुपिं परमप्रभुं छ्वयाहयादीगु सुतिलः व घाँसय् द्यःने लाःगु लः थें जुइ। इमिसं सुयात नं पियाच्‍वनी मखु, वा न मनूतय्‌के भलसा तइ।

यूहन्‍ना 16:23

अबलय् छिमिसं जिके छुं हे न्‍यनी मखु। जिं छिमित खःगु खँ धाये – छिमिसं जिमि बाःयाके जिगु नामं न्‍ह्यागु फ्‍वंसां छिमित बियादी।

१ कोरिन्‍थी 3:6

जिं पुसा पिना, अले अपोल्‍लोसं लः बिल, थ्‍वयात तःमा यानादीम्‍ह ला परमेश्‍वर खः।

व्‍यवस्‍था 28:23

छिमिगु छेनय् च्‍वय् दुगु आकाश कँय् व छिमिगु बुँ नँ थें जुइ।

याकूब 5:7

दाजुकिजापिं, प्रभु मझातले मन तया च्‍वँ। बाली लये दइगु आशां मनूतय्‌सं बाली पिनाः वा मवतले मन तयाः पियाच्‍वनी।