जकरिया 1:8 - नेवाः बाइबल

⁸ चान्‍हय् दर्शनय् जिं छम्‍ह मनूयात ह्याउँम्‍ह सल गयाच्‍वंगु खना। व यरूशलेमया छगू न्‍हसिकापय्‌ दुगु मेहदीया सिमातय् दथुइ दनाच्‍वन। वयागु ल्‍युने ह्याउँपिं, भुयुपिं व तुयुपिं सल दु।

जकरिया 1:8 ပူးပေါင်းရင်းမြစ်များ

उत्‍पत्ति 20:3

छन्‍हु चान्‍हय् म्‍हगसय् वयाः परमेश्‍वरं अबीमेलेकयात धयादिल, “छ आः याकनं सी, छाय्‌धाःसा छं हःम्‍ह मिसा ब्‍याहा जुइ धुंकूम्‍ह खः।”

उत्‍पत्ति 46:2

चान्‍हय् परमेश्‍वरं वयात दर्शन बियाः धयादिल, “याकूब, याकूब।” अले वं धाल, “जि थन दु।”

१ राजा 3:5

गिबोनय् परमप्रभु परमेश्‍वर चान्‍हय् म्‍हगसय् खनेदय्‌क झायाः वयात धयादिल, “छन्‍त छु माल? फ्‍वँ, व जिं बी। छन्‍त छु यः?”

नहेम्‍याह 8:15

अले इमिसं थथःगु शहरय् व यरूशलेमय् थज्‍याःगु बुखँ छ्वल, “व्‍यवस्‍थाय् च्‍वया तः थें पहाडय् हुँ, जैतून, थकुराः, मेहदी, ताय्‌गः सिमा व मेमेगु यक्‍व हः दुगु सिमाया कचामचा कयाहयाः बल्‍चा दय्‌कि।”

अय्‍यूब 4:13

चान्‍हय्‌सियागु चितासू मब्‍यूगु म्‍हगसय् मनूत स्‍याक्‍क न्‍ह्यः वय्‌काच्‍वंबलय्,

श्रेष्‍ठगीत 2:16

जिमि यःम्‍ह प्रिय जिम्‍ह हे खः, जि वय्‌कःयाम्‍ह खः। व लिली स्‍वांया दथुइ चाचाःहिला जुइ।

श्रेष्‍ठगीत 6:2

जिमि यःम्‍ह प्रिय नस्‍वाःगु मसलामा पिनातःगु क्‍यबय् वंगु दु, थःगु मन लय्‌ताय्‌केत अले लिली स्‍वां खायेत वनाच्‍वंगु दु।

यशैया 41:19

मरुभूमिइ जिं ताय्‌गः सिमा, खयः सिमा, मेहदीया सिमात व जैतूनया सिमात बुयाः वय्‌काबी। जिं गंगु बँय् स्‍वसिमा, धूपी व सिसौया सिमातनापं हे बुयाः वय्‌काबी।

यशैया 55:13

अनंलि कंमाया पलेसा सल्‍लाया सिमा, व न्‍हाय्‌कंमाया पलेसा मेहदीया सिमात बुया वइ। थथे परमप्रभुया हनाबनाया निंतिं जुइ। थ्‍व गुबलें नाश मजुइगु सदां सदांया निंतिं चिं जुइ।”

यशैया 57:15

छाय्‌धाःसा सदां म्‍वानाच्‍वनादीम्‍ह, तच्‍वकं मानय् याये बहःम्‍ह, गुम्‍हय्‌सिगु नां पवित्र खः, वय्‌कलं धयादी, “जि दक्‍वसिबय् च्‍वय् पवित्रगु थासय् च्‍वनीम्‍ह खः, तर जि पश्‍चातापी व क्‍वमिलुपिंनापं नं च्‍वनीम्‍ह खः, अले जिं क्‍वमिलुया आत्‍मां छिमित बल्‍लाकाबी, अले पश्‍चातापयागु नुगःयात नं बल्‍लाकाबी।

दानिएल 2:19

व हे चान्‍हय् दर्शनय् दानिएलयात व सुलाच्‍वंगु खँयागु अर्थ उलाक्‍यन। अले दानिएलं स्‍वर्गयाम्‍ह परमेश्‍वरयात च्‍वछायाः थथे धाल,

दानिएल 7:13

“चान्‍हय्‌यागु जिगु दर्शनय् जिं मनूया काय् थें च्‍वंम्‍ह सुं छम्‍ह आकाशया सुपाँय्‌नापं झायाच्‍वंगु खना। अले वय्‌कः न्‍ह्याबलें म्‍वानाच्‍वनादीम्‍हय्‌सिया थ्‍यन अले इमिसं वय्‌कःयात वय्‌कःया न्‍ह्यःने हल।

दानिएल 7:2

दानिएलं धाल, “उखुन्‍हु चान्‍हय् जिं खनागु दर्शन थथे दु – प्‍यखेरं वःगु फसं समुद्रया लःयात संकाच्‍वन।

जकरिया 1:10

“थ्‍व सलतय्‌त परमप्रभुं पृथ्‍वीया फुक्‍क थासय् वनाः छु छु जुयाच्‍वंगु दु स्‍वयेत छ्वयाहःगु खः” धकाः मेहदीया सिमातय् दथुइ दनाच्‍वंम्‍ह मनुखं धाल।

जकरिया 1:11

इमिसं मेहदीया सिमातय् दथुइ दनाच्‍वंम्‍ह परमप्रभुया स्‍वर्गदूतयात थथे धाल, “जिपिं पृथ्‍वीया फुक्‍क थासय् वना। फुक्‍कं आरामं याउँक च्‍वनाच्‍वंगु दु।”

जकरिया 1:7

दारा जुजुं राज्‍य यानाच्‍वंगु निगूगु दँया शेबात धाःगु झिंछगूगु लाया निइप्‍यन्‍हु दुखुन्‍हु इद्दोया छय्, बेरेक्‍याहया काय् जकरिया अगमवक्तायाथाय् परमप्रभुया वचन वल।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

गन्‍ती 12:6

वय्‌कलं धयादिल, “जिगु खँ न्‍यँ! “छिमिगु दथुइ सुं अगमवक्ता दुसा अले जिं थःत वयात दर्शनय् क्‍यनेगु जिं व नाप म्‍हगसय् खँ ल्‍हायेगु।

यहोशू 5:13

यहोशू यरीहोया न्‍ह्यःने दुबलय् वं थःगु न्‍ह्यःने छम्‍ह मनू ल्‍हातय् तरवार ज्‍वनाः दनाच्‍वंगु खन। यहोशूं वयागु न्‍ह्यःने वनाः न्‍यन, “छि जिमि पाखेयाम्‍ह खः कि शत्रु पाखेयाम्‍ह?”

प्रकाश 2:1

“एफिससय् च्‍वंगु मण्‍डलीयाम्‍ह दूतयात थथे धकाः च्‍वया छ्व – जव ल्‍हातय् न्‍हय्‌गः नगु ज्‍वना जूम्‍हय्‌सिगु व न्‍हय्‌गू लुँयागु त्‍वाःदेवायागु दथुइ जुया च्‍वंम्‍हय्‌सिनं थथे धयादीगु दु –

प्रकाश 6:2

अले जिं छम्‍ह तुयुम्‍ह सल खना। थ्‍व सल गया च्‍वंम्‍हय्‌सिके छगू धनु दु। वयात श्रीपेच बिल। अले व त्‍याकुकुं अझ त्‍याकेत वन।

प्रकाश 6:4

अले हानं प्‍वालाप्‍वाला थीक ह्याउँसे च्‍वंम्‍ह छम्‍ह सल पिहां वल। थ्‍व सल गया वःम्‍हय्‌सिनं पृथ्‍वीइ शान्‍ति मदयेका बिल। अले मनूतय्‌सं मनूतय्‌त स्‍याकेत वयात छपु ताहाकःगु तरवार नं बिल।