जकरिया 1:21 - नेवाः बाइबल

²¹ जिं न्‍यना, “थुपिं छु यायेत वयाच्‍वंगु खः?” वय्‌कलं लिसः बियादिल, “नेकूतय्‌सं ला छम्‍ह हे मनुखं छ्यं धस्‍वाके मफय्‌क यहूदाया मनूतय्‌त छ्यालब्‍याल यात। थुपिं कारिगरत धाःसा इमित ख्‍यायेत व यहूदा देशया विरोधय् वयाः मनूतय्‌त छ्यालब्‍याल याःगु जातितय् नेकूतय्‌त वांछ्वयेत वःगु खः।”

जकरिया 1:21 ပူးပေါင်းရင်းမြစ်များ

भजनसंग्रहया सफू 75:10

परमेश्‍वरं धयादी, “दुष्‍टतय्‌गु शक्ति जिं न्‍हंकाबी। अले धर्मीतय्‌गु शक्ति अप्‍वय्‌काबी।”

भजनसंग्रहया सफू 83:2

छाय्‌धाःसा छिकपिनि शत्रुत हाःहू यानाच्‍वंगु दु, छितः मयय्‌कीपिन्‍सं थःगु छ्यं धस्‍वाकूगु दु।

विलाप 2:17

परमप्रभुं छु योजना यानादीगु खः। यक्‍व दँ न्‍हापा वय्‌कलं छु घोषणा यानादीगु खः, व हे वचन वय्‌कलं पूवंकादिल। छुं हे दयामाया मदय्‌क वय्‌कलं छन्‍त नाश यानादिल। वय्‌कलं शत्रुयात छंगुपाखें लय्‌ताय्‌कादिल, अले छंगु शत्रुतय्‌गु शक्ति अप्‍वय्‌कादीगु दु।

दानिएल 12:7

सुति वसः फिनातःम्‍ह खुसिया लःया च्‍वय् दुम्‍ह मनुखं थःगु जव खव निपुं ल्‍हाः स्‍वर्गपाखे ल्‍ह्वनाः न्‍ह्याबलेंयाम्‍ह परमेश्‍वरया नामय् थथे धकाः पाफःगु जिं ताल, “थ्‍व छगू ई, निगू ई व बच्‍छि ई तकया लागि जुइ। परमेश्‍वरया मनूतय्‌गु बल कम जुयेवं थ्‍व खँ पूवनी।”

जकरिया 1:19

जि लिसे खँ ल्‍हाःम्‍ह स्‍वर्गदूतयात जिं न्‍यना, “थ्‍व नेकूया अर्थ छु खः?” वं लिसः बिल, “थ्‍व नेकू यहूदा, इस्राएल व यरूशलेमयात छ्यालब्‍याल यानाब्‍यूपिं जातित खः।”