जकरिया 1:19 - नेवाः बाइबल

¹⁹ जि लिसे खँ ल्‍हाःम्‍ह स्‍वर्गदूतयात जिं न्‍यना, “थ्‍व नेकूया अर्थ छु खः?” वं लिसः बिल, “थ्‍व नेकू यहूदा, इस्राएल व यरूशलेमयात छ्यालब्‍याल यानाब्‍यूपिं जातित खः।”

जकरिया 1:19 ပူးပေါင်းရင်းမြစ်များ

१ राजा 22:11

केनानाया काय् सिदकियाहं नयागु नेकूत दय्‌काः थथे धाल, “परमप्रभुं थथे धयादी, ‘थुपिं नेकुलिं छिमिसं अरामीतय्‌त इपिं नाश मजुतले च्‍वयाच्‍वनी।’”

एज्रा 4:1

ज्‍वनायंकूपिं लिहां वयाः परमप्रभु इस्राएलया परमेश्‍वरया देगः दय्‌काच्‍वंगु दु धयागु खँ यहूदा व बेन्‍यामीन कुलया शत्रुतय्‌सं न्‍यन।

एज्रा 4:4

अनंलि व थासय् च्‍वनाच्‍वंपिं मनूतय्‌सं यहूदीतय्‌गु नुगः क्‍वतुंकाबीत व देगः दय्‌केगु ज्‍या पनेत ख्‍यायेगु याना हल।

एज्रा 4:7

हाकनं फारसयाम्‍ह जुजु अर्तासास्‍तया पालय् विश्‍लाम, मित्रेता, ताबेल व इपिंनापं ज्‍या याइपिन्‍सं जुजुयात छगू पौ च्‍वल। पौ आरमेइक भाषाय् व आरमेइक आखलं च्‍वःगु खः।

एज्रा 5:3

उगु हे इलय् पच्‍छिम यूफ्रेटिसया प्रदेशयाम्‍ह राज्‍यपाल तत्तनै, शत्तर-बोज्‍नै व इपिंनापं ज्‍या याइपिं इमिथाय् वयाः थथे धाल, “सुनां छिमित थ्‍व देगः दय्‌केगु व थुकियात माःगु सामान ज्‍वरय् यायेगु अधिकार बिल?”

भजनसंग्रहया सफू 75:4

घमण्‍डीतय्‌त जिं धाये, “घमण्‍ड याये मते।” दुष्‍टतय्‌त जिं धाये, “फुर्ति याये मते।

भजनसंग्रहया सफू 75:5

स्‍वर्गया विरोधय् ल्‍हाः ल्‍ह्वने मते। अले विरोधी खँ ल्‍हाना जुइ मते।”

यर्मिया 48:25

मोआबया नेकूध्‍यनाब्‍यूगु दु अले वयागु ल्‍हाः त्‍वथुलाब्‍यूगु दु,” परमप्रभुं धयादी।

दानिएल 12:7

सुति वसः फिनातःम्‍ह खुसिया लःया च्‍वय् दुम्‍ह मनुखं थःगु जव खव निपुं ल्‍हाः स्‍वर्गपाखे ल्‍ह्वनाः न्‍ह्याबलेंयाम्‍ह परमेश्‍वरया नामय् थथे धकाः पाफःगु जिं ताल, “थ्‍व छगू ई, निगू ई व बच्‍छि ई तकया लागि जुइ। परमेश्‍वरया मनूतय्‌गु बल कम जुयेवं थ्‍व खँ पूवनी।”

दानिएल 7:16

अन दनाच्‍वंपिं मध्‍ये जि छम्‍हय्‌सिथाय् वनाः थुपिं फुक्‍क खँया अर्थ न्‍यना। वं थथे धयाः जितः अर्थ कन।

आमोस 6:13

छिमिसं लो-देबार शहरयात त्‍याकाः काःगुलिं घमण्‍डयात, अले फुँइ यानाः धाल, “जिमिसं कार्नेम शहरयात थःगु हे बलं त्‍याकाकया।”

हबकूक 3:14

मगाःमचाःपिं व दुखं जाःपिन्‍त गुप्‍तं नुनाछ्वय्‌गु इच्‍छां वःपिं वया सिपाइँत वाफय् वः थें जिमित लछारपछार यायेत वल, छिं वयागु हे भाला वयागु छेनय् सुयादिल।

जकरिया 1:18

जिं च्‍वय् थस्‍वयाबलय् प्‍यपु नेकू खना।

जकरिया 1:21

जिं न्‍यना, “थुपिं छु यायेत वयाच्‍वंगु खः?” वय्‌कलं लिसः बियादिल, “नेकूतय्‌सं ला छम्‍ह हे मनुखं छ्यं धस्‍वाके मफय्‌क यहूदाया मनूतय्‌त छ्यालब्‍याल यात। थुपिं कारिगरत धाःसा इमित ख्‍यायेत व यहूदा देशया विरोधय् वयाः मनूतय्‌त छ्यालब्‍याल याःगु जातितय् नेकूतय्‌त वांछ्वयेत वःगु खः।”

जकरिया 1:9

जिं वयात न्‍यना, “प्रभु, थ्‍व सलया अर्थ छु खः?” जिलिसें खँ ल्‍हाना च्‍वंम्‍ह स्‍वर्गदूतं लिसः बिल, “थुपिं छु खः धकाः जिं छन्‍त क्‍यने।”

जकरिया 2:2

अले जिं न्‍यना, “छि गन झायादी त्‍यनागु?” वं जितः लिसः बिल, “यरूशलेमया ब्‍या व हाकः गुलि दु धकाः दानास्‍वयेत वनेत्‍यनागु।”

जकरिया 8:14

दक्‍व शक्ति दुम्‍ह परमप्रभुं धयादी, “गथे छिमि पुर्खातय्‌सं जितः तंचाय्‌कूबलय् जिं इमिथाय् विपत्ति हयेगु क्‍वःछिना अले भतिचा नं माया मक्‍यना।”