तीतस 3:13 - नेवाः बाइबल

¹³ जेनास धाःम्‍ह वकील व अपोल्‍लोसयात छं फक्‍व ग्‍वाहालि बियाः याकनं छ्वयाहिँ। इमित छुं मगाः मजुइमा।

तीतस 3:13 ပူးပေါင်းရင်းမြစ်များ

मत्ती 22:35

इमिगु पुचलय् च्‍वंम्‍ह छम्‍ह शास्‍त्रीं वय्‌कःयात ज्‍वनेत थथे धकाः न्‍यन –

लूका 10:25

छन्‍हु छम्‍ह शास्‍त्रीं वयाः वय्‌कलं छु धाइ थें धकाः स्‍वयेत येशूयात थथे न्‍ह्यसः यात – “गुरुजु, भिंगु छु ज्‍या याःसा जितः अनन्‍त जीवन दइ?”

लूका 11:45

छम्‍ह शास्‍त्रीं वय्‌कःयात धाल – “गुरुजु छिं धयादीगु ला जिमित नं लात नि।”

लूका 11:52

“शास्‍त्रीत, छिमित धिक्‍कार दु, छाय्‌धाःसा छिमिसं ज्ञानयागु ताःचा कयाः सुचुका तल। छिपिं थःपिं नं दुहां मवं, दुहां वने धाःपिन्‍त नं दुमछ्वः।”

लूका 14:3

वय्‌कलं शास्‍त्रीत व फरिसीतय्‌त थथे धयादिल – “विश्रामबार खुन्‍हु सुयातं लाय्‌काबीगु ज्‍या याये ज्‍यू ला?”

लूका 7:30

फरिसीत व शास्‍त्रीतय्‌सं धाःसा परमेश्‍वरयागु खँ न्‍यँ हे मन्‍यं। इमिसं यूहन्‍नायागु बप्‍तिस्‍मा नं मकाः। थुकथं इमिसं परमेश्‍वरयागु खँयात वास्‍ता मयाः।

प्रेरित 15:3

एन्‍टिओखियाय् च्‍वंगु मण्‍डलीयापिन्‍सं इमित अनं बिदा बिल। अले इपिं फोनिके व सामरिया जुयाः वन। अन च्‍वंपिं विश्‍वासीतय्‌त इमिसं यहूदीमखुपिं मनूतय्‌सं नं विश्‍वास याःगु खँ कन। थ्‍व खँ न्‍यनाः इपिं तसकं लय्‌ताल।

प्रेरित 18:24

छन्‍हु अलेक्‍जेन्‍ड्रियाय् बूम्‍ह अपोल्‍लोस धाःम्‍ह छम्‍ह यहूदी एफिससय् वल। व तसकं ज्ञां दुम्‍ह व धर्मशास्‍त्रयागु खँ बांलाक स्‍यूम्‍ह खः।

प्रेरित 19:1

अपोल्‍लोस कोरिन्‍थय् हे दनिबलय् पावल थाय् थासय् जुयाः एफिससय् थ्‍यंकः वल। अन वं चेलातय्‌त नापलात।

प्रेरित 21:5

न्‍हय्‌न्‍हु तक च्‍वने धुंकाः अन च्‍वंपिं फुक्‍क विश्‍वासीत थः कलाः व मचाखाचातनापं ज्‍वनाः जिमित शहरं पिने तक तः वल। जिमिसं समुद्र सिथय् पुलिं चुयाः प्रार्थना याना।

प्रेरित 28:10

इमिसं जिमित तसकं हनाबना तयेगु यात। जिपिं वनेत जहाजय् च्‍वनाबलय् नं इमिसं जिमित मामाःगु नसात्‍वँसा तये हल।

रोमी 15:24

स्‍पेनय् वनेत वयेबलय् लँपु लाकाः छिमित नापलाः वये। छन्‍हु निन्‍हु जि छिमिथाय् हे च्‍वनेगु इच्‍छा दु, नापं स्‍पेनय् वनेत जितः छिमिसं छुं भचा ग्‍वाहालि बी धकाः जिं आशा यानागु दु।

१ कोरिन्‍थी 16:11

छिपिं सुनानं वयात हेपय् याये मते, बरु छिमिसं वयात जिथाय् वयेत ग्‍वाहालि या। मेपिं दाजुकिजापिं नाप जिं वयागु लँ स्‍वयाच्‍वना।

१ कोरिन्‍थी 16:12

किजा अपोल्‍लोसयात जिं मेपिं दाजुकिजापिं नाप आम्‍कन छ्वयाहयेत तःकः धायेधुन, अय्‌नं वं वये मंमदय्‌का च्‍वन। लिपा लात धाःसा व वइ।