10 मनूतय्त ल्वाका जुइपिन्त छकः निकः न्वाना नं मजिल धाःसा व नाप जुइ मते।
यःपिं दाजुकिजापिं, छिमित स्यनागु शिक्षा नाप पाय्छि मजुइक अःखतं ल्वापु याकेत व मनूतय्गु विश्वास स्यंकेत स्वइपिं नाप होश यानाच्वँ। इपिंपाखें तापाक च्वँ।
भिंम्ह मनू म्हसीकेत ला थथे ल्वापु नं दयेमाः मखु ला?
निक्वः खुसि छिमिथाय् वयाबलय् थथे पाप यानाच्वंपिन्त जिं ख्याच्वः बियागु खः। थ्व हे खँ जिं छिमित हाकनं लुमंकेबी। मखुसा आः हानं वयेबलय् जिं इमित व मेपिं पापीतय्त नं त्वःते मखु।
छिमित स्यंकेत स्वःपिं मनूतय्सं म्हय् चिं तयेगु जक मखु म्ह भज्यंक हे स्यंकूसां ज्यू नि।
मूर्ति पुजा यायेगु, झाँक्री ज्या यायेगु, ल्वाना जुइगु, मेपिन्त मभिंकेगु, नुगः मुइकेगु, तंम्वयेगु, थःगु जक भिं स्वयेगु, मेपिन्त ल्वाका जुइगु, अले पुचः पुचः मुनाः बाया जुइगु,
आम्कन च्वंपिं सुनानं जिमिसं च्वयाहयागु खँ मन्यन धाःसा अज्याःपिन्त म्हसीकाः इपिं नाप तापाक हे च्वनेगु या। अले इपिं थथःम्हं मछाली।
दाजुकिजापिं, थाकु चायाः जुइपिं व जिमिसं धयागु खँ मन्यंपिं नाप जुइ मते धकाः प्रभुयागु नामं जिमिसं छिमित बिन्ति यानाच्वनागु दु।
पिनें परमेश्वरयात मानय् यानाजुइपिं, दुनुगलं धाःसा वय्कःयागु शक्तियात मानय् मयाइपिं जुइ। थुपिंलिसे जुइ मते।
न्हापा न्हापा नं मखुगु खँ स्यना जुइपिं अगमवक्तात दयावःगु खः। अथे हे छिमिगु पुचलय् नं मखुगु खँ स्यना जुइपिं मनूत दयावइतिनि। अज्याःपिं मनूतय्सं छिमित मखुगु खँ जक स्यनाबीगु कुतः याइ। इमित मुक्ति बियादीम्ह येशू ख्रीष्टयात हे इमिसं त्वःतावनी, अले याकनं हे स्यनावनी।
अय्जूगुलिं येशू ख्रीष्टं स्यनादीगु खँ नाप पाय्छि मजुइक मेकथं हे स्यना जुइपिं मनूत छिमिगु छेँय् वःसा इमित दुकाये मते। थज्याःपिं मनूतय्त ज्वजलपा नं याये मते।