तीतस 2:8 - नेवाः बाइबल

⁸ सुनानं छुं धाये मफय्‌क नवा। अथे जूसा विरोधीतय्‌सं नं छुं धाये मफयाः थः हे लज्‍या चाये माली।

तीतस 2:8 ပူးပေါင်းရင်းမြစ်များ

नहेम्‍याह 5:9

जिं हाकनं धया, “छिमिसं खःगु ज्‍या यानाच्‍वंगु मदु। मेगु जातियापिं झी शत्रुतय्‌सं हेबाय् चबाय् मयायेमा धकाः छिपिं झी परमेश्‍वरया भय कयाः च्‍वने म्‍वा ला?

यशैया 66:5

छिपिं मध्‍ये सुनां परमप्रभुया वचनया भय काइ, वय्‌कःया वचन न्‍यँ, “छिकपिनि थः मनूत, सुनां छिमित यय्‌की मखु, सुनां छिमित जिगु नांया निंतिं हेला याइ, इमिसं छिमित थथे धाइ, ‘परमप्रभुया महिमा जुइमा, अले जिमिसं छिमिगु आनन्‍द स्‍वये।’ अय्‌नं इपिं लाजय् लाइ।

मर्कूस 12:17

वय्‌कलं धयादिल – “अय्‌सा, कैसरयागु कैसरयात हे ब्‍यु, परमेश्‍वरयागु परमेश्‍वरयात हे ब्‍यु।” वय्‌कःयागु खँ न्‍यनाः इमि व धाये थ्‍व धाये मन्‍त।

मर्कूस 12:28

छम्‍ह शास्‍त्रीं वय्‌कःपिं अथे हालाच्‍वंगु न्‍यनाच्‍वंगु जुयाच्‍वन। वय्‌कलं इमित पाय्‌छि पाय्‌छि जुइक लिसः बियादीगु न्‍यनाः वं नं वय्‌कःयात थथे धकाः न्‍यन – “व्‍यवस्‍थाय् दकलय् तःधंगु आज्ञा छु खः?”

मर्कूस 12:32

अले व शास्‍त्रीं वय्‌कःयात धाल – “गुरुजु, छिं धयादीगु खँ ला धात्‍थें हे खः। परमेश्‍वर छम्‍ह हे जक दु। अले वय्‌कः बाहेक मेम्‍ह मदु धकाः ला छिं खःगु हे खँ धयादिल।

मर्कूस 12:34

वयागु थज्‍याःगु बुद्धिं जाःगु लिसः न्‍यनाः वय्‌कलं धयादिल – “छ परमेश्‍वरयागु राज्‍यं तापाः मजू।” उबलय्‌ निसें वय्‌कःयाके सुनानं छुं हे न्‍यं वये मछाल।

लूका 13:17

थथे धयादीगुलिं वय्‌कःया विरोधीत मछालाः सुम्‍क च्‍वन। अले अजू चायापुगु ततःधंगु ज्‍या यानादीगुलिं ग्‍वाः ग्‍वाः मनूत वय्‌कः खनाः लय्‌लय्‌ताल।

२ थेसलोनिकी 3:14

आम्‍कन च्‍वंपिं सुनानं जिमिसं च्‍वयाहयागु खँ मन्‍यन धाःसा अज्‍याःपिन्‍त म्‍हसीकाः इपिं नाप तापाक हे च्‍वनेगु या। अले इपिं थथःम्‍हं मछाली।

१ तिमोथी 5:14

अय्‌जूगुलिं भाःत मदय्‌ धुंकूपिं ल्‍यासेपिं मिसातय्‌सं ब्‍याहा यायेगु हे भिं जू। थुपिं मचाखाचा दय्‌काः छेँ बांलाक कःघाना च्‍वनीपिं जुइमाः। अथे जूसा झी शत्रुतय्‌सं नं धायेथाय् दइ मखु।

१ तिमोथी 6:3

सुनानं मेकथं स्‍यनेकने याना जुल, अले झी प्रभु येशू ख्रीष्‍टयागु सत्‍यगु वचन व झीसं परमेश्‍वरयात मानय् यायेमाःगु खँ मन्‍यन धाःसा

तीतस 3:14

झी मनूतय्‌सं मालीबलय् माःकथं भिंगु ज्‍या याये सय्‌केमाः। ई अथें सितिं छ्वये मज्‍यू।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

१ पत्रुस 2:15

छिमिसं थथे भिंगु ज्‍या याना हे छुं मस्‍यूपिं मूर्खतय्‌गु म्‍हुतुप्‍वाः तिके फयेमा धयागु परमेश्‍वरयागु इच्‍छा खः।

१ पत्रुस 3:16

थथे लिसः बीबलय् हनाबना तयाः, मिजासं नुगः यचुकाः नवा। थज्‍याःगु भिंगु चालचलनं यानाः छिमित बांमलाका व ब्‍वः बिया च्‍वंपिं मनूत थः हे लज्‍या चाये माली।