तीतस 2:7 - नेवाः बाइबल

⁷ छं थःम्‍हं हे भिंगु ज्‍या यानाः इमिगु न्‍ह्यःने नमूना जुयाः क्‍यँ। स्‍यनेकने यायेबलय् खःगु, दुग्‍यंगु व

तीतस 2:7 ပူးပေါင်းရင်းမြစ်များ

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।

२ कोरिन्‍थी 8:8

छिमिसं थथे याये हे माः धकाः जिं छिमित उजं बियाच्‍वनागु मखु। मेपिन्‍सं लय्‌तायाः ग्‍वाहालि बिल धकाः खँ कनाः छिमिगु माया सत्‍य खः ला कि मखु धकाः स्‍वयेत्‍यनागु खः।

एफिसी 6:24

झी प्रभु येशू ख्रीष्‍टयात दुनुगलंनिसें माया याइपिं फुक्‍कसितं परमेश्‍वरयागु दया माया दयाच्‍वनेमा।

फिलिप्‍पी 1:10

थथे जूसा जक छिमिसं भिंगु भिंगु खँयात ल्‍यया काये फइ। अले ख्रीष्‍ट झाइबलय् छिपिं शुद्धपिं व दोष मदुपिं जुइ फइ।

२ थेसलोनिकी 3:9

जिमिसं छिमिगु नये मथ्‍याः धकाः थथे यानागु मखु, बरु छिमिसं नं अथे हे यायेमा धकाः क्‍यनेत अथे यानागु खः।

१ तिमोथी 4:12

सुनानं छंगु ल्‍याय्‌म्‍हसूयात हेबाय्‌चबाय् याये मफयेमा, बरु छं खं, चालचलनं, मायां, विश्‍वासं व शुद्ध जुयाः इमि न्‍ह्यःने नमूना जुयाः क्‍यँ।

१ तिमोथी 5:10

बांलाःगु ज्‍या यानाः नांजाःम्‍ह, मस्‍तय्‌त ब्‍वलंकूम्‍ह, पाहांतय्‌त दुनुगलंनिसें दुकाइम्‍ह, परमेश्‍वरया मनूतय्‌त तुति सिलाः सेवा याइम्‍ह, हाःनाः मदुपिन्‍त ग्‍वाहालि याइम्‍ह व भिंगु ज्‍याय् जक मन तयाः जुइम्‍ह जूसा वयात भाःत मदय्‌ धुंकूपिं मिसातय्‌गु नांया धलखय् दुथ्‍याकूसां ज्‍यू।

तीतस 3:8

थ्‍व खँ धात्‍थें खः। थ्‍व खँय् छं अप्‍वः मन बियाः स्‍यँ। थथे यात धाःसा परमेश्‍वरयात विश्‍वास याःपिन्‍सं भिंगु भिंगु ज्‍या यायेत कुतः याइ। थ्‍व फुक्‍क मनूतय्‌त ज्‍यालगय् जूगु भिंगु खँ खः।

१ पत्रुस 5:3

छिमिगु ल्‍हातय् त्‍वःता तःपिन्‍त क्‍वत्‍यलेगु स्‍वये मते, बरु इमिगु न्‍ह्यःने थः हे नमूना जुयाब्‍यु।