तीतस 2:6 - नेवाः बाइबल

⁶ अथे हे ल्‍याय्‌म्‍हपिं मिजंतय्‌त नं थःत कःघाना च्‍वँ धकाः स्‍यनेकने या।

तीतस 2:6 ပူးပေါင်းရင်းမြစ်များ

अय्‍यूब 29:8

जि खनाः ल्‍याय्‌म्‍हपिं मनूतय्‌सं लँ त्‍वःताबीगु अले बुरापिं मनूत दनीगु।

भजनसंग्रहया सफू 148:12

ल्‍याय्‌म्‍हपिं व मिसामस्‍त, बुरापिं व मस्‍त, सकसिनं परमप्रभुया प्रशंसा या।

उपदेशक 11:9

हे ल्‍याय्‌म्‍हम्‍ह मनू, ल्‍याय्‌म्‍हबलय् हे लय्‌ताया च्‍वँ! छंगु नुगलय् थःगु ल्‍याय्‌म्‍हसूबलय् लय्‌तायाच्‍वने फयेमा। छंगु मिखां खंगुलिइ व छंगु नुगःया खँया ल्‍यूल्‍यू जु! तर बांलाक बिचाः या! परमेश्‍वरं थुपिं फुक्‍क खँया न्‍याय यानादी।

उपदेशक 12:1

दुःखया ई वये न्‍ह्यः, अले “थ्‍व ई वइगु जितः मयः” धकाः छं धाये न्‍ह्यः हे थःगु ल्‍याय्‌म्‍हया इलय् थःत दय्‌कादीम्‍हय्‌सित लुमंकेगु या!

योएल 2:28

“वया लिपा जिं जिगु आत्‍मां फुक्‍क मनूतय्‌त जाय्‌काबी। अले छिमि काय् म्‍ह्याय्‌पिन्‍सं अगमवाणी नवाइ। छिमि बुरापिं मनूतय्‌सं म्‍हगस खनी। अले छिमि ल्‍याय्‌म्‍ह मनूतय्‌सं दर्शन खनी।

१ थेसलोनिकी 5:6

अय्‌जूगुलिं झीपिं मेपिं थें न्‍ह्यलं ब्‍वाना च्‍वने मजिल, बरु होश यानाः न्‍ह्यलं चाय्‌का च्‍वनेमाः।

१ तिमोथी 5:1

थः स्‍वयाः थकालिपिन्‍त ब्‍वःबी मते। इमित छुं धाये माःसा थः बौयात थें धा। थः स्‍वयाः क्‍वकालिपिन्‍त किजापिन्‍त थें व्‍यवहार या।

१ पत्रुस 5:5

क्‍वकालिपिं मनूतय्‌सं थकालिपिं मनूतय्‌त मानय् यायेमाः। थथःम्‍हं तुं तःधं जुया जुइगु बांमलाः। अय्‌जूगुलिं ग्‍वाहालि याये माःपिन्‍त छिमिसं ग्‍वाहालि या। थ्‍व हे खँ धर्मशास्‍त्रय् नं थथे च्‍वयातःगु दु – “परमेश्‍वरं तःधंछुना जुइपिनिगु विरोध यानादी, क्‍वमिलुपिन्‍त धाःसा दया यानादी।”

१ यूहन्‍ना 2:13

जिं बौपिन्‍त नं थ्‍व खँ च्‍वयाच्‍वनागु खः, छाय्‌धाःसा छिमिसं न्‍हापांनिसें दीम्‍ह ख्रीष्‍टयात बांलाक म्‍हस्‍यू। शैतानयात त्‍याके धुंकूपिं ल्‍याय्‌म्‍ह व ल्‍यासेपिन्‍त नं जिं थ्‍व खँ च्‍वयाच्‍वना।