तीतस 2:11 - नेवाः बाइबल

¹¹ परमेश्‍वरं फुक्‍कसितं मुक्ति बीत दया माया यानादीगु खः। थ्‍व हे खँ फुक्‍कसितं सीके ब्‍यूगु दु।

तीतस 2:11 ပူးပေါင်းရင်းမြစ်များ

भजनसंग्रहया सफू 67:2

छिगु लँपुइ पृथ्‍वीइ च्‍वंपिं फुक्‍कं जुइफयेमा। छिगु उद्धारया शक्ति फुक्‍क जातियापिन्‍सं सीमा।

भजनसंग्रहया सफू 84:11

परमप्रभु परमेश्‍वर सूर्य व ढाल खः, परमप्रभुं दया माया यानादी अले इज्‍जत बियादी। भिंगु ज्‍या याइपिन्‍त वय्‌कलं फुक्‍क भिंगु बियादी।

भजनसंग्रहया सफू 96:10

फुक्‍क जातितय्‌त धा, “परमप्रभु जुजु खः,” संसार धिसिलाक्‍क च्‍वंगु दु उकियात संके फइ मखु। वय्‌कलं न्‍यायकथं मनूतय्‌गु इन्‍साफ यानादी।

यशैया 45:22

“जिपाखे फःहिला वा, अले बचय् जु, हे पृथ्‍वीया कुन्‍चाय् थ्‍यंक च्‍वंपिं फुक्‍क मनूत, छाय्‌धाःसा जि हे परमेश्‍वर खः, जि बाहेक मेपिं सुं नं मदु।

यशैया 49:6

वय्‌कलं थथे धयादी, “याकूबया मनूतय्‌त हाकनं थापं यायेत व इस्राएलयापिं ल्‍यंदुपिं फुक्‍क लित हयेत छ जिमि दास जुइगु खँ चिचाधंगु खँ खः ला? पृथ्‍वीयागु कुन्‍चाय् कुन्‍चाय् तक जिं जिगु उद्धार थ्‍यनेमा धकाः यहूदीमखुपिनिगु निंतिं जिं छन्‍त जः नं दय्‌काबी।”

यशैया 52:10

फुक्‍क जातितय्‌त परमप्रभुं थःगु पवित्र ल्‍हाःया शक्ति क्‍यनादीगु दु। पृथ्‍वीया कुंकुलामय् च्‍वंपिन्‍सं नं झी परमेश्‍वरया उद्धार खनी।

जकरिया 12:10

“दाऊदया घराना व यरूशलेमयापिं मनूतय्‌त दया व प्रार्थनाया आत्‍मां जाय्‌काबी। इमिसं थःपिन्‍सं सुयाब्‍यूम्‍ह मनू, जितः स्‍वइ। अले मनूत याक काय्‌या निंतिं शोक याःगु थें वयागु निंतिं इपिं दुखं च्‍वनी। दकलय् न्‍हापा बूम्‍ह काय्‌या निंतिं थें दुखं च्‍वनी।

जकरिया 4:7

“हे तःधंगु पर्वत, छ छु खः? यरूबाबेलया न्‍ह्यःने छ मैदान जुइतिनि। वं देगःया च्‍वय् फुसय् तइगु ल्‍वहंयात लिकयाः उकिया थासय् तइ, अले मनूत थथे धकाः ततःसलं हाली, ‘परमेश्‍वरं आशिष बियादीमा! थुकियात परमेश्‍वरं आशिष बियादीमा!’”

मत्ती 28:19

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु।

मर्कूस 16:15

अले इमित धयादिल – “सारा संसारय् वनाः छिमिसं फुक्‍क मनूतय्‌त भिंगु खँ न्‍यंकि।

लूका 24:47

अले ख्रीष्‍टयागु हे नामं पश्‍चाताप यानाः पाप क्षमा जुइगु खँ यरूशलेमंनिसें फुक्‍क संसारय् न्‍यंकेमाः।

लूका 3:6

अले तिनि दक्‍व मनूतय्‌सं परमेश्‍वरयागु मुक्ति खनी।’”

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 1:9

फुक्‍क मनूतय्‌गु नुगलय् थीगु धात्‍थेंयागु जः ला संसारय् झायाच्‍वंगु दु।

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

प्रेरित 13:43

सभा क्‍वचाय् धुंकाः यक्‍व हे यहूदीत व यहूदी जूपिं मनूत इपिं नाप वन। पावल व बारनाबासं परमेश्‍वरं धयादी थें याना च्‍वँ धकाः इमित बःबियाः धाल।

प्रेरित 13:47

छाय्‌धाःसा थथे या धकाः प्रभुं हे जिमित धयादीगु दु – “‘जिं छिमित यहूदीमखुपिन्‍थाय् जः ह्वलेत, अले संसारयात मुक्तियागु लँ क्‍यनेत छ्वयाच्‍वना।’”

प्रेरित 17:30

“अय्‌जूगुलिं वय्‌कःयात म्‍हमस्‍यूनीबलय् याःगु ज्‍याखँयात परमेश्‍वरं च्‍यूताः तयामदी। आः धाःसा परमेश्‍वरं झीत थज्‍याःगु बांमलाःगु ज्‍यां लिचिलाः पश्‍चाताप यायेत उजं बियादीगु दु।

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

रोमी 10:18

अय्‌नं जिं न्‍ह्यसः याये – छु इमित त्‍वहः तयेगु लँ दु ला? छु इमिसं गुबलें हे मन्‍यंनि ला? “धात्‍थें धायेगु खःसा इमिगु सुचं संसार न्‍यंक न्‍यनाच्‍वंगु दु। अले संसारया कुंकुलामय् थ्‍यंक ताये दयाच्‍वंगु दु।”

रोमी 5:15

परमेश्‍वरं सितिं बियातःगु वरदान व आदमयात बियादीगु सजाँय यक्‍व हे पाः। छम्‍ह मनुखं याःगु पापं यक्‍व मनूत सित धाःसा छम्‍ह हे मनू येशू ख्रीष्‍टं यानाः दुगु परमेश्‍वरयागु दया माया व सितिं बियादीगु वरदानं यक्‍व मनूतय्‌त बचय् यात।

रोमी 5:2

वय्‌कलं झीत विश्‍वासपाखें परमेश्‍वरया दया मायाय् हयादीगु दु। थौं झीपिं व हे क्षमा बीगु दया मायाय् दु। तःधंम्‍ह परमेश्‍वरया महिमाय् झीपिं नं च्‍वने दइतिनि धकाः झीसं स्‍यूगुलिं झीगु मन लय्‌ताः।

२ कोरिन्‍थी 6:1

परमेश्‍वर नाप जिमिसं थथे ज्‍या यानाच्‍वनागुलिं वय्‌कःयागु दया माया छिमिसं सितिं छ्वयेगु स्‍वये मते धकाः जिमिसं इनाप यानाच्‍वनागु खः।

गलाती 2:21

परमेश्‍वरयागु दया माया जिं सितिं छ्वये मखु। व्‍यवस्‍था मानय् यानाः मनूत धर्मी ठहरय् जुइगु जूसा ख्रीष्‍ट सिनादीगु सितिं वन।

एफिसी 2:5

झीपिं सीपिं मनूत थें पापी जुया च्‍वंसां ख्रीष्‍टं झीगु पाप क्षमा यानादिल। परमेश्‍वरयागु तःधंगु दया मायां छिमित थथे मुक्ति बियादीगु खः।

एफिसी 2:8

परमेश्‍वरयात छिमिसं विश्‍वास याःगुलिं छिमित वय्‌कलं दया माया यानाः मुक्ति बियादीगु खः। छिमिगु थःगु हे कुतलं थ्‍व मुक्ति दुगु मखु। थ्‍व ला परमेश्‍वरयागु वरदान खः।

कलस्‍सी 1:23

उकिं छिमिसं भिंगु खँयागु आशा मत्‍वःतुसे दुनुगलंनिसें क्‍वात्तुक विश्‍वास याना च्‍वँ। थ्‍व हे भिंगु खँ संसारय् च्‍वंपिं फुक्‍कसितं न्‍यंकूगु दु। थ्‍व ज्‍याय् प्रभुं जि पावलयात च्‍यः यानादीगु खः।

कलस्‍सी 1:6

गथे छिमिसं सत्‍य वचन व परमेश्‍वरयागु धात्‍थेंयागु दया मायायात बांलाक थुइका काल, अथे हे थ्‍व भिंगु खँ फुक्‍कभनं न्‍यनावनाच्‍वंगु दु। अले थुकिं इमिगु नुगलय् बांलाक ज्‍या यानाच्‍वंगु दु।

२ थेसलोनिकी 2:16

प्रभु येशू ख्रीष्‍टं हे व झीत माया यानादीम्‍ह व दया माया याना गुबलें सिना मवनीगु साहस व भिंगु आशा बियादीम्‍ह परमेश्‍वर बाःनं

१ तिमोथी 1:14

ख्रीष्‍ट येशूयात यानागु विश्‍वास व मायां यानाः वय्‌कलं जितः तसकं दया यानादिल।

१ तिमोथी 2:4

फुक्‍क मनूतय्‌सं मुक्ति काये फयेमा व सत्‍यगु खँयात बांलाक सीकाकाये फयेमा धयागु वय्‌कःया इच्‍छा खः।

२ तिमोथी 1:10

झीत मुक्ति बियादीम्‍ह ख्रीष्‍ट येशू झायादी धुंकाः तिनि थ्‍व बांलाक सीदत। वय्‌कलं मृत्‍युयात त्‍याकाः भिंगु खँ न्‍यंक्‍वसित अनन्‍त जीवन बियादिल।

२ तिमोथी 4:17

उबलय् प्रभुं हे जि नाप झायाः जितः बांलाक भिंगु खँ न्‍यंकेत शक्ति बियादिल। अय्‌जूगुलिं जिं यहूदीमखुपिन्‍त भिंगु खँ न्‍यंके फत। थुकथं वय्‌कलं जितः सिंहयागु म्‍हुतुं बचय् यानादिल।

हिब्रू 12:15

होश या, सुनानं परमेश्‍वरयागु दया माया काये मखंकाः च्‍वने म्‍वाःलेमा। मखुसा, बिख मां नुगलय् हा कयाः छिमित स्‍यंकाबी।

हिब्रू 2:9

अथेसां झीसं वय्‌कःयात थुकथं हे खनाच्‍वना, गुम्‍हय्‌सित छुं ईया लागि स्‍वर्गदूतत स्‍वयाः भचा चिधं यानादीगु खः। अले परमेश्‍वरयागु दया मायां यानाः वय्‌कः फुक्‍क मनूतय्‌गु निंतिं सिनादिल। थथे सिनादीगुलिं वय्‌कःयात तःधंकाः च्‍वय् तयादिल।