तीतस 1:6 - नेवाः बाइबल

⁶ थकालि जुइम्‍ह मनू दोष मदुम्‍ह, छम्‍ह हे जक मिसालिसे ब्‍याहा याःम्‍ह जुइमाः, हानं वया मस्‍त नं विश्‍वासीत व यःयःथें सना मजुइपिं जुइमाः।

तीतस 1:6 ပူးပေါင်းရင်းမြစ်များ

उत्‍पत्ति 18:19

जिं वयात ल्‍ययागुलिं वं थः मस्‍तय्‌त व सन्‍तानयात खःगु व भिंगु ज्‍या यानाः परमप्रभुया लँय् जुइत उजं बिइ। थुकिं हे परमप्रभुं अब्राहामलिसे चिनादीगु बाचा पूवंके फइ।”

हितोपदेश 28:7

सुनां परमेश्‍वरया व्‍यवस्‍था मानय् याइ, व बुद्धि दुम्‍ह काय् खः। नगुलुपिंलिसे जुइपिन्‍सं थः बौयात मछालापुकी।

इजकिएल 44:22

सुं नं पुजाहारीं भाःत मदये धुंकूम्‍ह वा भाःतं त्‍वःतूम्‍ह मिसालिसें ब्‍याहा याये मज्‍यू। इमिसं इस्राएलया वंशय् बूम्‍ह कुमारी मिसामचायात अथवा सुं पुजाहारीतय् भाःत मदये धुंकूम्‍ह मिसायात जक ब्‍याहा याये फइ।

लेवी 21:14

वं भाःत सी धुंकूम्‍ह, भाःत त्‍वःते धुंकूम्‍ह मिसा, स्‍यंम्‍ह मिसा व ल्‍यवःसिं मिसा ब्‍याहा मयायेमाः। वं थःगु हे कुलयाम्‍ह कुमारी मिसामचा ब्‍याहा यायेमाः।

लेवी 21:7

“‘इमिसं ल्‍यवःसिं मिसा, स्‍यनेधुंकूम्‍ह मिसा व भाःतं त्‍वःतूम्‍ह मिसा ब्‍याहा याये मज्‍यू। छाय्‌धाःसा इपिं पुजाहारीत थः परमेश्‍वरया निंतिं पवित्रपिं खः।

मलाकी 2:15

वय्‌कलं छ व छिमि कलाःयात छम्‍ह हे यानाः दय्‌कादीगु मखु ला? म्‍हय् व आत्‍माय् छिपिं वय्‌कःया हे खः। अले वय्‌कलं छु इच्‍छा यानादी? छिमिगुपाखें परमेश्‍वरयागु भय काइपिं सन्‍तान मालाच्‍वंगु दु। अथे जुयाः छिमिसं थःगु मनयात रक्षा या, अले थः ल्‍याय्‌म्‍हबलय्‌याम्‍ह कलाःयात ध्‍वंलाये मते।

लूका 1:5

यहूदियाय् हेरोद जुजु जुयाच्‍वंबलय् अबिया कुलयाम्‍ह जकरिया धाःम्‍ह छम्‍ह पुजाहारी दु। एलीशिबा धाःम्‍ह वया कलाः नं अथे हे हारून पुजाहारीया कुलयाम्‍ह खः।

एफिसी 5:18

अय्‌लाः थ्‍वँ काय्‌का जुइ मते, छाय्‌धाःसा थुकिं मनूतय्‌त बांमलाःगु ज्‍या याकी, बरु पवित्र आत्‍मां जाया च्‍वँ।

१ थेसलोनिकी 5:14

जिं छिमित हानं धाये – अल्‍छीतय्‌त ब्‍वःब्‍यु, नुगः क्‍वतुंपिन्‍त हःपा ब्‍यु, बमलाःपिन्‍त ग्‍वाहालि या, अले न्‍ह्याम्‍हय्‌सिनं न्‍ह्यागु धाःसां सह यानाच्‍वँ।

१ तिमोथी 1:9

व्‍यवस्‍था भिंपिं मनूतय्‌गु निंतिं दय्‌कातःगु मखु। थ्‍व ला मभिंपिं मनूतय्‌गु निंतिं दय्‌कातःगु खः। नियम मानय् मयाइपिं, परमेश्‍वरयात मानय् मयाइपिं, पापीत, पवित्र मजूपिं, परमेश्‍वरयात क्‍वह्यंकीपिं, मां बौयात स्‍याइपिं, मनू स्‍याइपिं,

१ तिमोथी 3:12

थथे ग्‍वाहालि याइम्‍ह नं छम्‍ह हे मिसालिसे ब्‍याहा याःम्‍ह जुइमाः। अले व नं थः मस्‍तय्‌त कजय् याये फुम्‍ह व छेँ कःघाये फुम्‍ह जुइमाः।

तीतस 1:10

छाय्‌धाःसा अप्‍वः धया थें मनूत धयागु खँ मन्‍यनीपिं, म्‍वाःमदुगु खँ ल्‍हानाजुइपिं, मखुगु खँ ल्‍हानाजुइपिं दु। थज्‍याःपिं अप्‍वः यानाः ला यहूदी विश्‍वासीत हे खः।

१ शमूएल 2:11

अले एल्‍काना थःगु छेँ रामाय् लिहां वन। मचाम्‍ह शमूएल धाःसा पुजाहारी एलीं धाःकथं परमप्रभुया सेवा यायेत अन हे च्‍वन।

१ शमूएल 2:22

आः ला एली तसकं बुरा जुइ धुंकल। थः काय्‌पिन्‍सं इस्राएलीतय्‌त याःगु व्‍यवहारया बारे व परमप्रभुया नापलायेगु पालया ध्‍वाखाय् सेवा याइपिं मिसात नापं द्यनिगु खँ तक नं एलीं सिल।