तीतस 1:16 - नेवाः बाइबल

¹⁶ इमिसं परमेश्‍वरयात म्‍हस्‍यू धकाः धयाजुइ, इमिगु ज्‍यां धाःसा इमिसं परमेश्‍वरयात म्‍हमस्‍यू धकाः क्‍यनी। इपिं घच्‍चायापुपिं, धयागु खँ मन्‍यनीपिं व छुं नं भिंगु ज्‍या यायेत मल्‍वःपिं खः।

तीतस 1:16 ပူးပေါင်းရင်းမြစ်များ

अय्‍यूब 15:16

मनू ला गुलि जक यचुमजु गुम्‍ह घच्‍चाइपूम्‍ह व स्‍यंम्‍ह जुइ, गुम्‍हय्‌सिनं अधर्मयात लः थें त्‍वनी।

हितोपदेश 30:12

छथ्‍वः मनूत अशुद्ध जूसां थःपिन्‍त तसकं शुद्ध ताय्‌काजुइपिं दु।

यशैया 29:13

परमप्रभुं थथे धयादी, “थुपिं मनूत ख्‍वाः क्‍यनेत जिथाय् लिक्‍क वइ। अले थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापानाः च्‍वनी। थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ।

यशैया 48:1

“हे याकूबया घराना न्‍यँ! छिमित इस्राएलया नामं सःतूगु खः। अले छिपिं यहूदाया वंशपाखें वःगु खः। छिमिसं परमप्रभुया नामं पाफःगु दु, अले छिमिसं इस्राएलया परमेश्‍वरया नामं प्रार्थना याइ, तर सत्‍यता व धार्मिकतां मखु।

यशैया 58:2

छाय्‌धाःसा न्‍हियान्‍हिथं इमिसं जितः माली। अले इपिं जिगु लँ सीकेमास्‍ति वःपिं थें खने दु, अले इपिं छु पाय्‌छि जू व हे याइपिं व जिगु आज्ञा मानय् याइपिं थें खने दु। इमिसं जिके खःकथं क्‍वछीगु फ्‍वनाच्‍वनी, अले परमेश्‍वर इमिगु न्‍ह्यःने वयेमा धकाः इच्‍छा यानाच्‍वनी।

यशैया 59:13

परमप्रभुया विरोधय् विद्रोही जूगु व वय्‌कःपाखें फस्‍वयागु दु, झी परमेश्‍वरयात हेला यानाः क्‍वत्‍यलेगु व विद्रोहया जाः ग्‍वःगु दु, अले झीगु नुगलय् ब्‍वलनावःगु मखुगु खँ हे झीसं धयाच्‍वनागु दु।

यर्मिया 12:2

छिं इमित पिनादिल, इमिसं हा नं काःगु दु, इपिं थाहां वइ अले फल नं बी। इमिगु म्‍हुतुइ छिगु नां ला दु, तर इमिगु मन छिपाखें तापाः।

यर्मिया 5:2

अनच्‍वंपिं मनूतय्‌सं ‘धात्‍थें परमप्रभु म्‍वाःम्‍ह खः’ धया पाफःसां इमिसं मखुगु खँ ल्‍हानाच्‍वंगु दु।”

यर्मिया 6:30

इमित खतं नःगु वहः धाइ। छाय्‌धाःसा जि परमप्रभुं इमित त्‍वःतागु दु।”

इजकिएल 33:31

इमिसं न्‍ह्याबलें याःथें जिमि मनूत छन्‍थाय् वइ अले छंगु खँ ध्‍यान बियाः न्‍यनेत छंगु न्‍ह्यःने च्‍वनी। तर इमिसं छं धाःथें याइ मखु। इमिगु म्‍हुतुइ मिसाह्यः खँ जक दइ, तर इमिगु नुगलं ध्‍यबा जक माली।

गन्‍ती 24:16

परमेश्‍वरं धाःगु वचन न्‍यने फुम्‍ह दक्‍व शक्ति दुम्‍ह परमेश्‍वरपाखें वःगु वचन न्‍यने फुम्‍ह। दक्‍वसिबय् बल्‍लाःम्‍हपाखें दर्शन काये फुम्‍ह अले मिखा चाय्‌काः बँय् भ्‍वपुइम्‍ह मनूया अगमवाणी।

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।

एफिसी 5:6

छिमिसं सुयागुं बकंफुस्‍लु खँ न्‍यने मते। थुकिं छिमित स्‍यंकी। परमेश्‍वरयात विश्‍वास मयाइपिन्‍सं वय्‌कःयागु तं फयेमाली।

१ तिमोथी 1:9

व्‍यवस्‍था भिंपिं मनूतय्‌गु निंतिं दय्‌कातःगु मखु। थ्‍व ला मभिंपिं मनूतय्‌गु निंतिं दय्‌कातःगु खः। नियम मानय् मयाइपिं, परमेश्‍वरयात मानय् मयाइपिं, पापीत, पवित्र मजूपिं, परमेश्‍वरयात क्‍वह्यंकीपिं, मां बौयात स्‍याइपिं, मनू स्‍याइपिं,

१ तिमोथी 5:8

सुनां थःथितियागु, अज्‍ज ला थः हे जहानपिनिगु तकं सुसाःकुसाः याइ मखु, वयागु विश्‍वास सितिं वंगु ति ग्‍यनी। अज्‍याःपिं मनूत विश्‍वास मयाःपिं स्‍वयाः नं मभिंपिं जुइ।

२ तिमोथी 3:17

परमेश्‍वरया मनूतय्‌सं न्‍ह्याथें ज्‍याःगु भिंगु ज्‍याखँ नं याये फयेमा धकाः धर्मशास्‍त्र बियातःगु खः।

तीतस 3:1

सरकार व हाकिमतय्‌सं धाःथें च्‍वनाः इमिसं धाःगु खँ न्‍यनेमाः धकाः विश्‍वासीतय्‌त थुइकाब्‍यु। भिंगु न्‍ह्यागु ज्‍याय् नं न्‍ह्यच्‍यु।

तीतस 3:3

झीपिं नं छकः ला छुं मस्‍यूपिं, अतेरिपिं, लँ द्वंका च्‍वनापिं, मभिंगु मतिइ तया जुइपिं, मोजमज्‍जा जक याइपिं, नुगः मुइका जुइपिं व थःथवय् मयय्‌का जुइपिं जुइ धुन।

१ यूहन्‍ना 2:4

परमेश्‍वरयात बांलाक म्‍हस्‍यू धकाः धयाः वय्‌कःयागु आज्ञा मानय् याना मजूम्‍ह मनू फताहा खः। वयाके सत्‍य धयागु हे दइ मखु।

यहूदा 1:4

न्‍हापा हे दोषी ठहरय् जूपिं गुम्‍हं गुम्‍हं मनूत छिमिगु पुचलय् मसीक दुहां वःगु दु। इमिसं परमेश्‍वरयात मानय् मयाः। वय्‌कलं बियादीगु दया मायायात इमिसं मभिंगु ज्‍याय् छ्यलाच्‍वंगु दु। अले येशू ख्रीष्‍टयात छम्‍ह हे जक प्रभु व मालिक खः धकाः नं इमिसं मानय् मयाः।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”

१ शमूएल 15:22

तर शमूएलं धाल, “परमेश्‍वरं होमबलि व बलि छायेगु स्‍वयाः अप्‍वः परमप्रभु आज्ञा पालन याःगु हे यय्‌काः मदी ला? आज्ञा पालन बलि छायेगु स्‍वयाः भिं, अले वय्‌कया वचन पालन यायेगु फैया दा स्‍वयाः भिं।

१ शमूएल 15:24

शाऊलं शमूएलयात धाल, “जिं पापयात हँ! छु जिं परमप्रभुया आज्ञा व छिसं धाःगु खँ मन्‍यना ला। जि मनूतपाखें ग्‍याना, अले इमिगु खँ जिं न्‍यना।