तीतस 1:10 - नेवाः बाइबल

¹⁰ छाय्‌धाःसा अप्‍वः धया थें मनूत धयागु खँ मन्‍यनीपिं, म्‍वाःमदुगु खँ ल्‍हानाजुइपिं, मखुगु खँ ल्‍हानाजुइपिं दु। थज्‍याःपिं अप्‍वः यानाः ला यहूदी विश्‍वासीत हे खः।

तीतस 1:10 ပူးပေါင်းရင်းမြစ်များ

मत्ती 23:14

शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं भाःत मदुपिं मिसातय्‌गु छेँ लुतय् यानाच्‍वंगु दु। अय्‌नं छिमिसं मनूतय्‌त क्‍यनेत ताःहाकय्‌क प्रार्थना याना जुइ। उकिं छिमित मेपिन्‍त स्‍वयाः अप्‍वः सजाँय बी।

प्रेरित 11:2

पत्रुस यरूशलेमय् लिहां वंबलय् इमिसं वयात थथे धकाः ब्‍वःबिल –

प्रेरित 15:1

अबलय् यहूदियां सुं विश्‍वासीतय्‌सं एन्‍टिओखियाय् वयाः मण्‍डलीइ च्‍वंपिन्‍त थथे धकाः स्‍यन – “मोशां ब्‍यूगु व्‍यवस्‍थाय् च्‍वया तः थें म्‍हय् चिं मतय्‌कूसा छिमिगु उद्धार जुइ फइ मखु।”

प्रेरित 15:24

“जिमिगु पुचलं पिहांवःपिं सुं मनूतय्‌सं छिकपिन्‍त म्‍वाःमदुगु खँ ल्‍हानाः दुःख बियाः मन स्‍यंकेत स्‍वल धकाः जिमिसं न्‍यना। इमित जिमिसं छ्वयाहयागु मखु।

प्रेरित 20:29

जिं स्‍यू, जि वने धुंकाः थन मण्‍डलीयात स्‍यंकीपिं गुँखिचात वइ।

गलाती 2:4

जिमिसं ख्रीष्‍टपाखें कयागु छुत्‍कारायागु खँ सीकेत जिमिगु चिवा कायेत फताहा विश्‍वासी जुयाः अन वःपिं छम्‍ह निम्‍हय्‌सिनं धाःसा थ्‍व खँ पितहल। इमिसं जिमित दासयात थें व्‍यवस्‍थां धाःथें हे यायेमाः धकाः कर यात।

गलाती 3:1

अय् मूर्ख गलातीत, छिमित सुनां स्‍यंकल? येशू ख्रीष्‍टयात क्रूसय् यख्‍खानाः स्‍याःगु खँ छिमिगु हे न्‍ह्यःने ध्‍वाथुइक कनागु मखु ला?

एफिसी 4:14

अले झीपिं मखुगु खँ स्‍यना जुइपिं मनूतय्‌गु फय्‌गं खँय् जुइपिं मस्‍त जुइ मखु। इमिगु खं मनूतय्‌त मखुगु लँय् यंकी।

१ तिमोथी 1:4

जिं धया थें इमित मनय् वः थें बाखं कनेगु व तापाःबाज्‍यापिनिगु धक्‍कु त्‍वःतेगु ज्‍या याके मते। थुकिं विश्‍वास यानाः जक थुइगु परमेश्‍वरयागु ग्‍वसाःयात स्‍वयाः अप्‍वः जवाःसवाः यायेगुयात तिबः बी।

१ तिमोथी 1:6

गुलिखय् मनूत ला थज्‍याःगुपाखे लिचिलाः म्‍वाःमदुगु खँय् जुयाच्‍वंगु नं दु।

१ तिमोथी 1:9

व्‍यवस्‍था भिंपिं मनूतय्‌गु निंतिं दय्‌कातःगु मखु। थ्‍व ला मभिंपिं मनूतय्‌गु निंतिं दय्‌कातःगु खः। नियम मानय् मयाइपिं, परमेश्‍वरयात मानय् मयाइपिं, पापीत, पवित्र मजूपिं, परमेश्‍वरयात क्‍वह्यंकीपिं, मां बौयात स्‍याइपिं, मनू स्‍याइपिं,

२ तिमोथी 3:13

मभिंपिं व थगाहा मनूतय्‌सं कर्पिन्‍त थगय् यायां थःत हे थगय् याका च्‍वनेमाली। अले थुपिं झन झन स्‍यनावनी।

२ तिमोथी 4:4

इमिसं सत्‍य खँ न्‍यनी मखु। मनय् वः थें कनीगु बाखं जक न्‍यने यय्‌की।

तीतस 1:6

थकालि जुइम्‍ह मनू दोष मदुम्‍ह, छम्‍ह हे जक मिसालिसे ब्‍याहा याःम्‍ह जुइमाः, हानं वया मस्‍त नं विश्‍वासीत व यःयःथें सना मजुइपिं जुइमाः।

याकूब 1:26

धर्मीम्‍ह धकाः धया जुइम्‍ह मनुखं न्‍ह्यःने लाः थें नवाना जुइ मज्‍यू। न्‍ह्यःने लाः थें नवाना जुइम्‍ह मनुखं परमेश्‍वरयात मानय् याना जूगु सितिं वनी। अले हानं थुकथं याना जूम्‍ह मनुखं थःम्‍हं थःत थगय् याइ।

१ यूहन्‍ना 2:18

अय् जि यःपिं मस्‍त, थ्‍व संसार याकनं हे फुना वनिन। ख्रीष्‍टया शत्रु वइतिनि धकाः छिमिसं न्‍यनातःगु दु। ख्रीष्‍टया शत्रुत खने दयावये धुंकल। अय्‌जूगुलिं थ्‍व संसार याकनं हे फुना वनिन धकाः झीसं सीके फु।

१ यूहन्‍ना 2:4

परमेश्‍वरयात बांलाक म्‍हस्‍यू धकाः धयाः वय्‌कःयागु आज्ञा मानय् याना मजूम्‍ह मनू फताहा खः। वयाके सत्‍य धयागु हे दइ मखु।

१ यूहन्‍ना 4:1

यःपिं दाजुकिजापिं, आत्‍मा दु धकाः धयाजुइपिं न्‍ह्याम्‍हय्‌सित नं विश्‍वास याये मते। न्‍हापां परमेश्‍वरयागु आत्‍मा खः मखु धकाः निं जाँचय् याना स्‍व, छाय्‌धाःसा यक्‍व हे फताहा अगमवक्तात खने दया वयाच्‍वंगु दु।

प्रकाश 2:14

“अय्‌नं जिं छिमित ब्‍वःबी माःगु छुं खँ दु। इस्राएलीतय्‌त स्‍यंकेत जुजु बालाकयात खँ स्‍यंम्‍ह बालामयागु बिचाः गथे खः अथे हे याना जूपिं छिमिथाय् नं सुं दु। वं इस्राएलीतय्‌त मूर्तियागु प्रसाद नयेगु व व्‍यभिचार यायेगु खँ स्‍यनाः स्‍यंकेत स्‍वल।

प्रकाश 2:6

अय्‌नं निकोलाइटसतय्‌गु ज्‍याखँ छिमिगु दुनुगलंनिसें हे मयःगु ला बां हे लाः। जितः नं इपिं मयः।