श्रेष्‍ठगीत 8:9 - नेवाः बाइबल

⁹ व पःखाः जूगु जूसा उकी वहःया धरहरा दय्‌कीगु जुइ। व लुखा जूगु जूसा जिमिसं वयात देवदारुया सिँनं बांलाकेगु।

श्रेष्‍ठगीत 8:9 ပူးပေါင်းရင်းမြစ်များ

१ राजा 6:15

वं देगःया अंगलय् दुनेपाखे देवदारुया सिँपौ बंनिसें कयाः धलिं तक हे तयाबिल। अले देगःया बँय् धाःसा थसिँया सिँपौत लायाबिल।

श्रेष्‍ठगीत 1:11

जिमिसं छंगु निंतिं वहलं स्‍वानातःगु लुँया चाचा दय्‌काबी।

श्रेष्‍ठगीत 2:9

हे जिमि यःम्‍ह प्रिय, छ हरिण व नकतिनीम्‍ह चल्‍लाचा थें खः। थन स्‍वसा! व पःखाःया क्‍वसं दनाच्‍वंगु दु अले वं झ्‍यालं स्‍वयाहयाच्‍वनी, अले वं टिकि झ्‍यालं स्‍वया हइ।

यशैया 58:12

छिमि मनूतय्‌सं दुनाच्‍वंगु छेँत हाकनं दय्‌की। यक्‍व पुलांगु जगत इमिसं ल्‍ह्वनी। छिमित ‘दुनाच्‍वंगु पःखाःत दय्‌कीपिं,’ अले ‘च्‍वनीगु छेँया निंतिं हाकनं न्‍हूगु लँपु दय्‌कीपिं’ धकाः धाइ।”

यशैया 60:17

कँय्‌या पलेसा लुँ अले नँया पलेसा वहः जिं हये। सिँया पलेसा कँय् अले ल्‍वहंया पलेसा नँ हये। शान्‍तियात छंगु राज्‍य व धार्मिकतायात छंगु शासक दय्‌काबी।

यशैया 61:4

इमिसं न्‍हापांनिसें नाश जुयाच्‍वंगु शहरत हाकनं दय्‌की। नाश जुयाच्‍वंगु थाय्‌त हाकनं दय्‌की, पुस्‍तौं पुस्‍तांनिसें दुनाच्‍वंगु छेँत दुगु शहरतय्‌त इमिसं हाकनं न्‍हूगु यानाः दय्‌की।

मत्ती 16:18

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

प्रेरित 14:27

एन्‍टिओखियाय् थ्‍यंकाः इमिसं मण्‍डलीइ च्‍वंपिं विश्‍वासीत मुंकाः परमेश्‍वरं इपिं नाप च्‍वनादियाः गुलि ज्‍या यानादिल, अले यहूदीमखुपिन्‍त नं विश्‍वास यायेगु लँ क्‍यनादिल धकाः फुक्‍क खँ कन।

प्रेरित 15:16

“‘अनंलि जि लिहां वने, अले दाऊदयागु दुना वंगु छेँ हानं दय्‌काबी। स्‍यंगु भिंका बी।

व्‍यवस्‍था 22:8

न्‍हूगु छेँ दय्‌कीबलय् कःसिइ प्‍यखेरं पखाः ग्‍व, अले अनं सुं मनू कुतुं वंसा मनू सीगु दोष छिमिगु छेँयात लाइ मखु।