श्रेष्‍ठगीत 7:5 - नेवाः बाइबल

⁵ छंगु छेनय् च्‍वंगु सँ कर्मेल डाँडा थें छन्‍त मुकुट पुइकातःगु दु। छंगु छेनय् च्‍वंगु सँ प्‍याजीगु रंगया पर्दा थें च्‍वं। छंगु सँ खना जुजु तसकं मक्‍ख जुइ।

श्रेष्‍ठगीत 7:5 ပူးပေါင်းရင်းမြစ်များ

उत्‍पत्ति 32:26

व मनुखं धाल, “सुथ जुइन, आः जितः वनेब्‍यु।” याकूबं धाल, “जितः आशिष मब्‍युतले जिं छितः छ्वये मखु।”

भजनसंग्रहया सफू 68:24

हे परमेश्‍वर, छिगु विजय यात्रा सकसिनं खंगु दु, परमेश्‍वर जिमि जुजुयागु पवित्र थासय् न्‍ह्याःगु विजय यात्रा।

भजनसंग्रहया सफू 87:2

इस्राएलया मेमेगु शहरयात स्‍वयाः वय्‌कलं यरूशलेम शहरयात अप्‍वः माया यानादी।

हितोपदेश 5:19

छिमि कलाः चल्‍ला थें बांलाः, अले हिसि दु। छं थः कलाःपाखे हे नुगः क्‍वसाय्‌काः च्‍वनेमाः। अले माया यानाः च्‍वनेमाः।

श्रेष्‍ठगीत 1:17

झीगु छेँया धलिं देवदारु सिमाया जुइ अले सल्‍लाया सिमाया प्‍वलः जुइ।

श्रेष्‍ठगीत 4:1

जिमि प्रिय, छ गुलि बांलाः! तसकं हिसि दु! गाचां त्‍वपुयाः तःगु छंगु मिखा सुकुभत्तुयागु थें च्‍वं। छंगु सँ गिलादया भिरय् च्‍वलय्‌या बथां तिंन्‍हुया क्‍वहां वः थें।

श्रेष्‍ठगीत 4:4

छंगु गपः दाऊदया तःधंगु धरहरा थें च्‍वं। उकी द्वःछि गः ढाल यख्‍खायातःगु दु। उपिं फुक्‍क सिपाइँतय्‌गु ढाल खः।

श्रेष्‍ठगीत 5:11

वयागु छ्यं मुक्‍कं लुँयागु खः, वयागु सँ कुलिकुलि चिंगु व क्‍वः थें हाकुस्‍य च्‍वं।

यशैया 35:2

व लिली स्‍वां थें चक्‍कना ह्वइ। व तसकं लय्‌ताइ अले तसलं म्‍ये हाली, अले वयात लेबनानया गौरव, कर्मेल व शारोनया एेश्‍वर्य बिइ। इमिसं परमप्रभुया महिमा व झी परमेश्‍वरया एेश्‍वर्य खनी।

मीका 7:14

हे परमप्रभु, छिं कथि ज्‍वनाः थः प्रजायात ज्‍वयादिसँ, नायुगु ख्‍यलय् व गुँइच्‍वनीपिं छिगु सर्बयया फैच्‍वलय्‌त ज्‍वयादिसँ। कर्मेल डाँडाया गुँइ याकःचा च्‍वंनाच्‍वंसां इपिं न्‍हापा थें हे बाशान व गिलादय् च्‍वंगु घाँय्‌ख्‍यलय् वनाः ज्‍वयेमा।

गन्‍ती 21:26

हेश्‍बोन धाःसा एमोरीतय् जुजु सीहोनयागु शहर खः। छुं ई न्‍ह्यः वं मोआबया जुजुनापं ल्‍वानाः अर्नोन तक वयागु फुक्‍क देश वयागु ल्‍हातं लाकाकाःगु खः।

मत्ती 18:20

गन जिगु नामय् निम्‍ह स्‍वम्‍ह मनू मुनी, अन जि इपिं नाप दइ।”

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

एफिसी 1:22

थुकथं दक्‍व फुक्‍कं परमेश्‍वरं ख्रीष्‍टयागु अधीनय् तयादिल। अले मण्‍डलीया थकालि नं यानादिल।

कलस्‍सी 1:18

मण्‍डली वय्‌कःयागु म्‍ह खः, अले वय्‌कः मण्‍डलीयागु छ्यं खः। वय्‌कः हे दकलय् न्‍हापा दुम्‍ह, अले दकलय् न्‍हापां सिनाः म्‍वानावःम्‍ह खः। वय्‌कःयात फुक्‍कसियां प्रभु यायेत थथे यानादीगु खः।

कलस्‍सी 2:19

थुमिसं ख्रीष्‍टयात क्‍वात्तुक ज्‍वनी मखु, गुम्‍ह मण्‍डलीया छ्यं खः। छेनं यानाः हे फुक्‍क म्‍हब्‍व मिलय् जुइ फइ, अले म्‍ह छम्‍हं स्‍वाना च्‍वने फइ। अले जक परमेश्‍वरया यःकथं म्‍ह थाहां वये फइ।

प्रकाश 1:14

वय्‌कःयागु छ्यं व सँ तुयुगु ऊन व च्‍वापु थें तुयु। वय्‌कःयागु मिखा च्‍यानाच्‍वंगु मि थें च्‍वं।