श्रेष्‍ठगीत 7:4 - नेवाः बाइबल

⁴ छंगु ककु किसिया दंया धरहरा थें च्‍वं, छंगु मिखा बाथ-रब्‍बीमया ध्‍वाखा लिक्‍क च्‍वंगु हेश्‍बोनया पुखू थें च्‍वं। छंगु न्‍हाय् दमस्‍कसपाखे स्‍वःगु लेबनानया धरहरा थें च्‍वं।

श्रेष्‍ठगीत 7:4 ပူးပေါင်းရင်းမြစ်များ

उत्‍पत्ति 15:2

अब्रामं लिसः बिल, “हे परमप्रभु परमेश्‍वर, मचा हे मदय्‌क छिं जितः छु तःधंगु सिरपाः बियादी? जि सी धुंकाः जिगु फुक्‍क सम्‍पत्ति दमस्‍कसयाम्‍ह एलीएजरं काइ।

२ शमूएल 8:6

अले दाऊदं अरामया दमस्‍कस शहरय् प्‍यखें छाउनीत तल। अरामीतय्‌सं दाऊदया अधीनय् च्‍वनाः वयात कर पुल। थुकथं दाऊद न्‍ह्याथाय् वंसां परमप्रभुं वयात त्‍याकादिल।

१ राजा 10:18

अले जुजुं किसिया दं तयाः बांलाकातःगु छगू तःधंगु सिंहासन नं दय्‌काः उकियात भिंगु लुं भुनाबिल।

१ राजा 10:22

हीरामया जहाजतनापं समुद्रय् वनीगु वया ब्‍यापारी जहाज नं दु। वया जहाजं स्‍वदँ-स्‍वदँय् छकः लुँ, वहः, किसिया दं, माकः व म्‍हय्‌खा ज्‍वनाः वइगु।

१ राजा 22:39

आहाब जुजु जुयाच्‍वंबलय् जूगु फुक्‍क खँ, वं याःगु फुक्‍क ज्‍या, किसिया दं तयाः छाय्‌पिया तःगु वयागु दरबार व वं पखाः व ध्‍वाखा दय्‌काः बल्‍लाकूगु शहरतय्‌गु बारे इस्राएलया जुजुपिनिगु इतिहासया सफुलिइ च्‍वयातःगु दु।

१ राजा 7:2

वं पिइप्‍यंगू (४४) मिटर ताहाकःगु, निइनिगू (२२) मिटर तब्‍यागु, झिंस्‍वंगू व बागू (१३.५) मिटर तःजाःगु, प्‍यझ्‍वः देवदारुया थां दुगु, उकिया च्‍वय् देवदारुया हे धलिं दुगु “लेबनानया गुँ” धाःगु दरबार दय्‌कल।

१ राजा 9:19

अले थःगु फुक्‍क धुकू दुगु शहरत व थःगु रथत, सलत तयेत शहरत नं दय्‌कल। यरूशलेमय्, लेबनानय् व थःगु राज्‍यया फुक्‍क इलाकाय् थःम्‍हं छु छु दय्‌के मास्‍तिवय्‌कूगु खः वं फुक्‍क दय्‌कल।

२ इतिहास 8:6

अले सोलोमनं बालात व वयागु धुकू तइगु फुक्‍क शहरत अले थः रथ व सल तइगु फुक्‍क शहर दय्‌कल।

भजनसंग्रहया सफू 144:12

झी काय्‌पिं ल्‍याय्‌म्‍हबलय् सिमा तःमा जूगु थें जुइ, अले झी म्‍ह्याय्‌पिं दरबारया निंतिं बुत्ता कियातःगु कुन्‍चाया थां थें जुइ।

भजनसंग्रहया सफू 45:8

छिगु वसतं मूर्र व तेजपातयागु थें नस्‍वाः पिहां वः। किसिया धँवानं छायेपियातःगु लाय्‌कुलिइ बाजं थाइपिन्‍सं छितः लय्‌ताय्‌की।

श्रेष्‍ठगीत 1:10

न्‍हाय्‌पनय् तयेगु चाचां छंगु न्‍यताः व सिखलं समा यानातःगु छंगु गःपः गुलि बांलाः।

श्रेष्‍ठगीत 4:1

जिमि प्रिय, छ गुलि बांलाः! तसकं हिसि दु! गाचां त्‍वपुयाः तःगु छंगु मिखा सुकुभत्तुयागु थें च्‍वं। छंगु सँ गिलादया भिरय् च्‍वलय्‌या बथां तिंन्‍हुया क्‍वहां वः थें।

श्रेष्‍ठगीत 4:4

छंगु गपः दाऊदया तःधंगु धरहरा थें च्‍वं। उकी द्वःछि गः ढाल यख्‍खायातःगु दु। उपिं फुक्‍क सिपाइँतय्‌गु ढाल खः।

श्रेष्‍ठगीत 4:5

छंगु दुरुप्‍वः निम्‍ह हरिण थें च्‍वं। लिली स्‍वांया दथुइ ज्‍वयातःपिंनापं बूपिं चल्‍लाया मचात थें च्‍वं।

श्रेष्‍ठगीत 6:5

छंगु मिखा जिपाखें फहिकि, वं जितः हीमी चाय्‌कूगु दु। गिलाद डाँडां च्‍वलय्‌या बथां तिंतिंन्‍हुयाः क्‍वहां वयाच्‍वंगु थें छंगु सँ प्‍याखं हुलाच्‍वंगु दु।

यशैया 54:4

“ग्‍याये मते, छ लाजय् लाइ मखु। मेपिन्‍सं बेइज्‍जत याइ धकाः ग्‍याये मते। छन्‍त क्‍वह्यंके फइ मखु। छं थःगु ल्‍याय्‌म्‍हबलय्‌या लज्‍या ल्‍वःमंकी, अले छन्‍त भाःत मदुबलय्‌या याःगु हेला गुबलें लुमंकी मखु।

हिब्रू 5:14

दुधंगु नसा ला तःधिकःपिनिगु निंतिं खः। इमिसं थःगु अनुभवं भिंगु छु खः, मभिंगु छु खः धकाः बांलाक ल्‍यये फइ।