श्रेष्‍ठगीत 7:2 - नेवाः बाइबल

² छंगु तेप्‍चा चाकलाःगु ख्‍वला थें च्‍वं, गुकी ल्‍वाकछ्यानां तःगु दाखमद्य गुबलें मगाः जुइ मखु। छंगु प्‍वाः लिली स्‍वां नं घेरय् यानातःगु छ्वया द्वँ थें खः।

श्रेष्‍ठगीत 7:2 ပူးပေါင်းရင်းမြစ်များ

भजनसंग्रहया सफू 45:16

छिकपिनि काय्‌पिन्‍सं छिकपिनि पुर्खातय्‌गु थाय् काइ, इमित छिं सारा संसारयापिं राजकुमार दय्‌कादी।

हितोपदेश 3:8

थ्‍व छंगु म्‍हयात वासः जुइ अले क्‍वँय्‌यात बल जुइ।

श्रेष्‍ठगीत 5:14

वयागु ल्‍हाः पुखराजया जलप तयातःगु लुँयागु कथि थें च्‍वं। वयागु प्‍वाः नीलमं समाः यानातःगु व तसकं थीकाः तःगु किसिया दं थें च्‍वं।

श्रेष्‍ठगीत 7:1

हे अजू चाइपुसे च्‍वंम्‍ह ल्‍यासेम्‍ह मिसा, लाकां न्‍ह्यानातःगु छंगु तुति गुलि बांलाः। छम्‍ह कारिगरं दय्‌कातःगु थें छंगु यइपुस्‍से च्‍वंगु तुति रत्‍न थें च्‍वं।

श्रेष्‍ठगीत 7:3

छंगु दुरूप्‍वःत निम्‍ह हरिण थें च्‍वं, चल्‍लाया निम्‍हनापं बूपिं मचात थें च्‍वं।

यशैया 46:3

परमप्रभुं धयादी, “हे याकूबया घराना न्‍यँ! इस्राएलया घरानाय् बचय्‌जूपिं सकसिनं न्‍हाय्‌पं ब्‍यु! छिपिं बूसांनिसें जिं छिमित सुसाःकुसाः यानागु दु।

यर्मिया 1:5

“जिं छन्‍त छिमि मांया प्‍वाथय् दय्‌के न्‍ह्यः हे म्‍हस्‍यू। छ बुइ न्‍ह्यः हे जिं छन्‍त अलग याना। जिं छन्‍त जाति जातितय्‌त अगमवाणी न्‍यंकेत ल्‍यया।”

रोमी 7:4

अथे हे छिपिं नं ख्रीष्‍टनापं सी धुंकूगुलिं आः व्‍यवस्‍थायागु अधीनय् च्‍वनेमाःगु मन्‍त। उकिं दाजुकिजापिं, झीसं परमेश्‍वरया निंतिं यक्‍व फल सय्‌केत सिनाः म्‍वाना झायादीम्‍ह ख्रीष्‍टनाप मिलय् जुयाच्‍वनेमाः।