श्रेष्‍ठगीत 7:13 - नेवाः बाइबल

¹³ दुरुस्‍वांनं नस्‍वाः वय्‌काच्‍वंगु दु, झीगु लुखाय् फुक्‍क कथंया सासाःगु फलत दु। न्‍हूगु पुलांगु फलत, हे जिमि यःम्‍ह प्रिय, जिं छंगु निंतिं ल्‍यंकातयागु दु।

श्रेष्‍ठगीत 7:13 ပူးပေါင်းရင်းမြစ်များ

उत्‍पत्ति 30:14

छ्व लयेगु इलय् छन्‍हु रूबेन बुँइ वन। वं अन विशाखमूल लुइकाः थः मां लेआयाथाय् हल। राहेलं लेआयात धाल, “जितः नं छिमि काय्‌नं हःगु विशाखमूल भचा ब्‍यु लय्?”

मत्ती 13:52

वय्‌कलं हानं धयादिल – “व्‍यवस्‍था स्‍यनीपिं व थुइकीपिं शास्‍त्रीत स्‍वर्गयागु राज्‍यय् चेला जूवल धाःसा इपिं छेँ थुवाः थें जुइ। छेँ थुवालं थःगु धुकुतिं न्‍हूगु व पुलांगु न्‍ह्यागुं लिकाये फइ।”

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।

कलस्‍सी 3:17

छिमिसं न्‍ह्यागु याःसां, न्‍ह्यागु धाःसां प्रभु येशूयागु नामं या, अले वय्‌कःया नामं परमेश्‍वर बाःयात सुभाय् ब्‍यु।

फिलिप्‍पी 1:11

अले परमेश्‍वरया महिमा व प्रशंसाया निंतिं येशू ख्रीष्‍टपाखें वइगु धार्मिकताया फलं छिपिं जाइ।

एफिसी 5:9

थथे प्रभुया जलय् च्‍वंपिन्‍सं भिंगु, परमेश्‍वरयात यःगु व खः खःगु जक याना जुइ।

१ कोरिन्‍थी 16:2

छिमिसं थःम्‍हं कमय् यानागुलिं लिकयाः गुलि बी फु उलि आइतबार पतिकं बियाः मुंका ति। थथे याःसा जि आम्‍कन वयेबलय् भेटी कयाच्‍वने माली मखु।

१ कोरिन्‍थी 2:9

धर्मशास्‍त्रय् थथे च्‍वयातःगु दु – “मनुखं मखंगु, मन्‍यंगु, व मतिइ मतःगु खँ परमेश्‍वरं थःत माया याना च्‍वंपिनिगु निंतिं तयार यानादिल।”

यूहन्‍ना 15:8

छिमिसं यक्‍व फल सय्‌कल धाःसा उकिं हे जिमि बाः तःधनी। अले छिपिं जिमि चेलात जुइ।

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

यशैया 23:18

अय्‌नं वयागु लबः व वं कमय् याःगु परमप्रभुया निंतिं अलग तइ। वं कमय् याःगु धन मुंकेगु याइ मखु। वयागु ब्‍यापारं वःगु लबः परमप्रभुया मनूतय्‌गु निंतिं माक्‍वः नयेगु नसा व पुनेत बांबांलाःगु वसःया निंतिं जुइ।

श्रेष्‍ठगीत 4:16

हे उत्तरया फय्, न्‍ह्यलं चाय्‌की। हे दच्‍छिनया फय्, न्‍ह्यां वा, जिगु बगैँचा जुया न्‍ह्याना हुँ, थुकिया नस्‍वाः तापाक्‍क हे थ्‍यनेमा। जिमि यःम्‍ह प्रिय थःगु बगैँचाय् वा, अले उकिया भिंगु फल नया स्‍व।

श्रेष्‍ठगीत 4:13

छंगु माचात धालेसिया बगैँचा थें खः, भिंगु फलं जाःगु बगैँचा मेहदी व जटामसी,

श्रेष्‍ठगीत 2:3

गुँया सिमात मध्‍ये स्‍याउया सिमा थें मिजंतय् दथुइ जिमि यःम्‍ह प्रिय तसकं बांलाः। जि वया किचलय् तसकं लय्‌तायाच्‍वने, अले उकिया फलया सवाः तसकं सा।

श्रेष्‍ठगीत 8:1

छ छम्‍ह हे मांया दुरु त्‍वनाः ब्‍वलंगु जूसा अले छ जिमि थः हे दाजु जूगु जूसा छन्‍त जिं लँय् नापलाइबलय् चुप्‍पा नयेगु जुइ। अले सुनानं जितः खँल्‍हाय्‌थाय् दइ मखु।

श्रेष्‍ठगीत 6:11

बरांया सिमा दुगु क्‍यबपाखे जि मैदानया न्‍हूगु फल सःगु स्‍वयेत क्‍वहां वना, दाखक्‍यबय् मुखू ह्वयाच्‍वंगु दु ला कि मदु अले धालेमाय् स्‍वां ह्वयाच्‍वंगु दु ला कि मदु धकाः जि स्‍वयेत वना।