श्रेष्‍ठगीत 6:9 - नेवाः बाइबल

⁹ तर जिम्‍ह सुकुभत्तु ज्‍वः मदुम्‍ह खः अले फुक्‍क पूवंम्‍ह खः, व वया माया तसकं यःम्‍ह म्‍ह्याय् खः। फुक्‍क मिसातय्‌सं वयात धन्‍य धकाः धाइ, रानीतय्‌सं व जुजुया मथ्‍याःपिं कलाःपिन्‍सं नं वयागु प्रशंसा याइ।

श्रेष्‍ठगीत 6:9 ပူးပေါင်းရင်းမြစ်များ

उत्‍पत्ति 30:13

अले लेआं धाल, “जि गुलि सुखी। मिसातय्‌सं जितः सुखीम्‍ह धकाः धाइ।” उकिं वं वयागु नां आशेर तल।

१ राजा 11:3

सोलोमनया न्‍हय्‌सःम्‍ह जुजु खलःयापिं कलाःपिं दु। वया स्‍वसःम्‍ह मथ्‍याःपिं कलाःपिं नं दु। वया कलाःपिन्‍सं वयागु मनयात परमेश्‍वरपाखें तापाकाबिल।

भजनसंग्रहया सफू 126:2

जिपिं न्‍हिला अले जिमिसं लसताया म्‍ये हाला। मेमेगु जातिं जिमिगु बारे थथे धाल, “परमप्रभुं इमिगु निंतिं तःधंगु ज्‍या यानादीगु दु।”

भजनसंग्रहया सफू 45:9

छिगु लाय्‌कुलिइ हनेबहःपिं मिस्‍तय्‌गु दथुइ जुजुपिनि म्‍ह्याय्‌पिं नं दु, छिगु जवपाखे ओपीरया लुँया तिसा तियातःम्‍ह भम्‍चा दु।

श्रेष्‍ठगीत 2:14

छ पहाडया कापि व तग्‍वःगु ल्‍वहंया पाःचाय् च्‍वनीम्‍ह सुकुभत्तु थें च्‍वँ, छंगु ख्‍वाः जितः क्‍यं, छंगु सः न्‍यने दयेमा, छाय्‌धाःसा छंगु सः तसकं न्‍यने यइपुसे च्‍वं व छंगु ख्‍वाः तसकं बांलाः।

श्रेष्‍ठगीत 5:2

जि द्यना, अय्‌नं जिगु नुगः न्‍ह्यलं हे चा, स्‍वःसा, जिमि यःम्‍ह प्रियनं लुखाय् घारघार यानाच्‍वंगु दु। “हे जिमि तसकं यःम्‍ह मय्‌जु, जिमि प्रिय, लुखा चाय्‌काब्‍यु, जिमि छुं नं दोष मदुम्‍ह सुकुभत्तु। सुति लखं जिगु छ्यं प्‍याःगु दु, जिगु सँ चान्‍हय्‌सियागु ख्‍वाउँगुलिं प्‍याःगु दु।”

गन्‍ती 23:9

ततःग्‍वःगु ल्‍वहं च्‍वकां जिं इमित खना ततःजाःगु गुँच्‍वकां जिं इमित स्‍वया। इपिं ला अलग च्‍वनीगु जाति खः। इमिसं थःपिन्‍त मेपिं स्‍वयाः अलग स्‍वइगु।

गलाती 4:26

सारा धाःसा परमेश्‍वरं चिनातःगु बाचा थें खः। सारा न्‍यानातःम्‍ह भ्‍वातिं मखु, व स्‍वर्गयागु यरूशलेम थें खः। अले झीपिं वया सन्‍तान जुल।

व्‍यवस्‍था 33:29

इस्राएल, छिपिं धन्‍यपिं खः! छिमित थें मेपिं सुयात बचय् यानादीगु दु, छिपिं थें ज्‍याःपिं धन्‍य जाति मेपिं सु दु? परमप्रभु थः हे छिमित ग्‍वाहालि याइगु ढाल व त्‍याकीगु तरवार खः। छिमि शत्रुत छिमिगु न्‍ह्यःने ग्‍यानाः कय्‌कुनाच्‍वनी, अले छिमिसं इमित न्‍हुइ।”

२ थेसलोनिकी 1:10

उबलय् वय्‌कः थः मनूतय्‌पाखें महिमा कायेत व विश्‍वास याइपिं सकसितं अजू चाय्‌केत झाइ छाय्‌धाःसा छिमिसं जिमिगु साक्षीयात विश्‍वास यात।