श्रेष्‍ठगीत 4:5 - नेवाः बाइबल

⁵ छंगु दुरुप्‍वः निम्‍ह हरिण थें च्‍वं। लिली स्‍वांया दथुइ ज्‍वयातःपिंनापं बूपिं चल्‍लाया मचात थें च्‍वं।

श्रेष्‍ठगीत 4:5 ပူးပေါင်းရင်းမြစ်များ

हितोपदेश 5:19

छिमि कलाः चल्‍ला थें बांलाः, अले हिसि दु। छं थः कलाःपाखे हे नुगः क्‍वसाय्‌काः च्‍वनेमाः। अले माया यानाः च्‍वनेमाः।

श्रेष्‍ठगीत 1:13

जिमि यःम्‍ह प्रिय, जिगु छातिइ यग्‍गायाच्‍वंगु मूर्रं जाःगु कापःया म्‍हिचा थें च्‍वं।

श्रेष्‍ठगीत 2:16

जिमि यःम्‍ह प्रिय जिम्‍ह हे खः, जि वय्‌कःयाम्‍ह खः। व लिली स्‍वांया दथुइ चाचाःहिला जुइ।

श्रेष्‍ठगीत 6:2

जिमि यःम्‍ह प्रिय नस्‍वाःगु मसलामा पिनातःगु क्‍यबय् वंगु दु, थःगु मन लय्‌ताय्‌केत अले लिली स्‍वां खायेत वनाच्‍वंगु दु।

श्रेष्‍ठगीत 6:3

जिमि यःम्‍ह प्रिय जिम्‍ह हे खः, जि वय्‌कःयाम्‍ह खः। व लिली स्‍वांया दथुइ चाः चाहुला जुइ।

श्रेष्‍ठगीत 7:3

छंगु दुरूप्‍वःत निम्‍ह हरिण थें च्‍वं, चल्‍लाया निम्‍हनापं बूपिं मचात थें च्‍वं।

श्रेष्‍ठगीत 7:4

छंगु ककु किसिया दंया धरहरा थें च्‍वं, छंगु मिखा बाथ-रब्‍बीमया ध्‍वाखा लिक्‍क च्‍वंगु हेश्‍बोनया पुखू थें च्‍वं। छंगु न्‍हाय् दमस्‍कसपाखे स्‍वःगु लेबनानया धरहरा थें च्‍वं।

श्रेष्‍ठगीत 7:7

छंगु शरीर ताय्‌गः सिमा थें च्‍वं, अले छंगु दुरुप्‍वः फलया ज्‍वाँय् थें च्‍वं।

श्रेष्‍ठगीत 8:1

छ छम्‍ह हे मांया दुरु त्‍वनाः ब्‍वलंगु जूसा अले छ जिमि थः हे दाजु जूगु जूसा छन्‍त जिं लँय् नापलाइबलय् चुप्‍पा नयेगु जुइ। अले सुनानं जितः खँल्‍हाय्‌थाय् दइ मखु।

श्रेष्‍ठगीत 8:10

जि पःखाः खः, तर आः जिगु दुरुप्‍वः धरहरा थें च्‍वं! जिमि प्रियनं बांलाक स्‍यू कि जिं वयाके प्‍याःचाः व शान्‍ति काये दइ।

१ पत्रुस 2:2

नकतिनि बूम्‍ह मचां त्‍वनेगु शुद्ध आत्‍मिक दुरुया इच्‍छा याःथें छिमिसं नं परमेश्‍वरयागु वचन ब्‍वनेगु इच्‍छा या। अले तिनि छिपिं ब्‍वलनाः मुक्तिया निंतिं न्‍ह्यज्‍याये फइ।