श्रेष्‍ठगीत 4:3 - नेवाः बाइबल

³ छंगु म्‍हुतुसि ह्याउँगु रिबन थें च्‍वं, छंगु म्‍हुतु तसकं बांलाः। गाचाय् दुने छंगु न्‍यता बागः थलातःगु धालेसि थें च्‍वं।

श्रेष्‍ठगीत 4:3 ပူးပေါင်းရင်းမြစ်များ

उत्‍पत्ति 32:10

छिं थः दासयात क्‍यनादीगु दया माया व विश्‍वासया निंतिं जि मल्‍वः। छाय्‌धाःसा यर्दन खुसि छिनाबलय् जिके कथि छपु जक दुगु खः, आः जिके मनूतय्‌गु व पशुतय्‌गु निगू ततःधंगु पुचः दु।

एज्रा 9:6

थथे धकाः प्रार्थना याना – “हे जिमि परमेश्‍वर, जिगु ख्‍वाः छिपाखे स्‍वकेत जितः तसकं मछालापुसे च्‍वं, छाय्‌धाःसा हे जिमि परमेश्‍वर, जिमिगु पाप यक्‍व अप्‍वयावंगु दु अले जिमिगु दोष स्‍वर्ग तक थ्‍यंगु दु।

भजनसंग्रहया सफू 119:13

जिं थःगु म्‍हुतुसिं छिगु म्‍हुतुं पिहां वःगु फुक्‍क विधि कनागु दु।

भजनसंग्रहया सफू 37:30

भिंम्‍ह मनूया म्‍हुतुं न्‍ह्याबलें ज्ञानया खँ पिहां वइ, वयागु मेचं न्‍ह्याबलें सत्‍य नवाइ।

भजनसंग्रहया सफू 45:2

छि मनूत मध्‍ये दकले बांलाःम्‍ह खः। छिगु म्‍हुतुसिइ दया जाःगु दु। उकिं परमेश्‍वरं छितः न्‍ह्याबलेंया लागि आशिष बियादीगु दु।

हितोपदेश 10:13

बुद्धि दुपिं मनूतय्‌गु म्‍हुतुइ भिंगु खँ दइ, बुद्धि मदुपिन्‍त धाःसा कथिं दाइ।

हितोपदेश 31:26

वयागु खँ बुद्धिं जाः। वयागु म्‍हुतुइ न्‍ह्याबलें भिंगु सल्‍लाह दयाच्‍वनी।

श्रेष्‍ठगीत 1:5

जि हाकुसे च्‍वंम्‍ह खः अय्‌नं जि तसकं हिसि दु, हे यरूशलेमया मिसापिं, केदारया पालत थें जि हाकुसे च्‍वं, तर सोलोमनया देगःया पर्दा थें बांलाः।

श्रेष्‍ठगीत 4:11

छंगु म्‍हुतुसिं हाप्‍वःया कस्‍ति थें साःगु तिकितिकि वयाच्‍वनी। हे जिमि भम्‍चा, दुरु व कस्‍ति छंगु मेया क्‍वय् दु। छंगु वसःया नस्‍वाः लेबनानया देवदारुया नस्‍वाः थें च्‍वं।

श्रेष्‍ठगीत 5:13

वयागु न्‍यताः तसकं नस्‍वाःगु मसलां व वासलं जाःगु क्‍यब थें च्‍वं। वयागु म्‍हुतुसि मूर्रया रस वयाच्‍वनीगु लिली स्‍वां थें च्‍वं।

श्रेष्‍ठगीत 5:16

वयागु म्‍हुतु तसकं साःगुलिं जाः, व तसकं बांलाःम्‍ह खः। व जिमि यःम्‍ह प्रिय खः, जिमि पासा नं खः, हे यरूशलेमया मिसापिं, जिमि प्रिय थथे हे खः।

श्रेष्‍ठगीत 6:7

गाचां त्‍वःपुया तःगु छंगु न्‍यता बागः थलातःगु धालेग्‍वः थें च्‍वं।

श्रेष्‍ठगीत 7:9

अले छंगु म्‍हुतु तसकं भिंगु दाखमद्य थें जुइ। म्‍हुतुसि व वा जुया जिगु दाखमद्य बिस्‍तारं जिमि यःम्‍ह प्रिययाके थ्‍यनेमा।

इजकिएल 16:63

छं याःगु फुक्‍क ज्‍याया निंतिं जिं प्रायश्‍चित यायेबलय् छं व फुक्‍क लुमंकी अले छ लज्‍या चाइ, छं लज्‍यां गुबलें थःगु म्‍हुतु चाय्‌की मखु, परमप्रभु परमेश्‍वरं धयादी।’”

लेवी 14:4

पुजाहारीं निम्‍ह शुद्धपिं झंगः, थाकुराःमाया कचा, ह्याउँगु का व हिसपमा हयेत उजं बीमाः।

लेवी 14:6

अले वं मेम्‍ह झंगः, थाकुराःमाया कचा, ह्याउँगु का व हिसपमा कयाः ताजा लःया च्‍वय् स्‍याःम्‍ह झंगःया हिइ थुनेमाः।

गन्‍ती 19:6

अले पुजाहारीं देवदारुया सिँकचा, हिसपमा व ह्याउँगु का कयाः च्‍यानाच्‍वंम्‍ह साचाया च्‍वय् वांछ्वया बीमाः।

गन्‍ती 4:8

अले इमिसं उकी द्यःने ह्याउँगु कापः लायाः डल्‍फिन न्‍याया छेंगुलिं त्‍वपुयाः न्‍वःत थासय् तयाबीमाः।

मत्ती 12:35

भिंम्‍ह मनूया मतिइ भिंगु हे दइगुलिं वं भिंगु भिंगु हे याइ। अथे हे मभिंम्‍ह मनूया मतिइ मभिंगु हे दइगुलिं वं मभिंगु मभिंगु जक याइ।”

लूका 4:22

इपिं फुक्‍कसिनं वय्‌कःयात तारिफ यात। वय्‌कःयागु खँ न्‍यनाः इपिं अजू चाल। अले इमिसं थथे धाल – “थ्‍व मनू योसेफया काय् मखु ला?”

एफिसी 4:29

छिमिगु म्‍हुतुं बांमलाःगु खँ पिहां मवयेमा। माःगु, भिंगु व ज्‍यूगु जक खँ ल्‍हाना जु। अले न्‍यनीपिन्‍त नं न्‍ह्याइपुसे च्‍वनी।

कलस्‍सी 4:6

चिं सवा ब्‍यू थें खँ ल्‍हायेबलय् नाइक व यइपुसे च्‍वंक नवा। अले कथंहंक लिसः बीगु या।

हिब्रू 9:19

मोशां व्‍यवस्‍थाय् च्‍वयातःगु फुक्‍क आज्ञा ब्‍वना न्‍यंकूबलय् दुगुचा व द्वहंचायागु हि ल्‍वाकछ्यानातःगु लः, हिसप घाँय् व ह्याउँगु ऊनं व्‍यवस्‍थायागु सफुलिइ व मनूतय्‌त थथे धकाः हा यात –

यहोशू 2:18

तर छं थथे यायेमाः, जिपिं थ्‍व देशय् वयाबलय् गुगु झ्‍यालं छं जिमित क्‍वकाःगु खः व झ्‍यालय् थ्‍व ह्याउँगु खिपः छपु चिना तयेमाः। अले छिमि मां-बौ, दाजुकिजा व छिमि बौया फुक्‍क परिवारयात थ्‍व हे छेँय् मुंकातयेमाः।