श्रेष्‍ठगीत 4:2 - नेवाः बाइबल

² छंगु वा, नकतिनि सँ चाकाः म्‍वःल्‍हुइका तःपिं फैतय्‌गु सँ थें तुइसे च्‍वं। उपिं फुक्‍कं ज्‍वः ला अले बांलाक मिलय् जू।

श्रेष्‍ठगीत 4:2 ပူးပေါင်းရင်းမြစ်များ

प्रस्‍थान 23:26

छिमिगु देशय् सु नं मचा क्‍वहां वइम्‍ह वा बाझः जुइ मखु। अले जिं छिमिगु आयु पूवंकाबी।

श्रेष्‍ठगीत 4:1

जिमि प्रिय, छ गुलि बांलाः! तसकं हिसि दु! गाचां त्‍वपुयाः तःगु छंगु मिखा सुकुभत्तुयागु थें च्‍वं। छंगु सँ गिलादया भिरय् च्‍वलय्‌या बथां तिंन्‍हुया क्‍वहां वः थें।

श्रेष्‍ठगीत 4:3

छंगु म्‍हुतुसि ह्याउँगु रिबन थें च्‍वं, छंगु म्‍हुतु तसकं बांलाः। गाचाय् दुने छंगु न्‍यता बागः थलातःगु धालेसि थें च्‍वं।

श्रेष्‍ठगीत 6:6

छंगु वा नकतिनि म्‍वःल्‍हुइका तःम्‍ह फैतय्‌गु सँ थें तुइसे च्‍वं। उपिं फुक्‍कं ज्‍वः ला अले बांलाक मिलय् जू। छपु नं वा छुतय् जूगु मदु।

यर्मिया 15:16

छिगु वचन वःबलय् जिं उपिं वचन नया। छिगु वचनं यानाः जितः न्‍ह्यइपुल, अले जिगु नुगलय् लसतां भय्‌बिल। हे दक्‍व शक्ति दुम्‍ह परमप्रभु परमेश्‍वर, मनूतय्‌सं जितः छिकपिनि मनू धाइगु।

यूहन्‍ना 15:7

छिपिं जिके च्‍वनाच्‍वन धाःसा व जिगु वचनयात नुगलय् तया तल धाःसा छिमिसं न्‍ह्यागु फ्‍वंसां छिमित बी।

१ थेसलोनिकी 2:13

जिमिसं परमेश्‍वरयागु वचन न्‍यंकाबलय् छिमिसं थुकियात मनूतय्‌गु वचन मखु, परमेश्‍वरयागु हे वचन खः धकाः न्‍यना काल। धात्‍थें हे थ्‍व परमेश्‍वरयागु वचन खः। अले थ्‍व हे वचनं छिमिगु नुगलय् हा कयाच्‍वंगु दु। उकिं जिमिसं परमेश्‍वरयात न्‍ह्याबलें सुभाय् बियाच्‍वनागु दु।