श्रेष्‍ठगीत 4:16 - नेवाः बाइबल

¹⁶ हे उत्तरया फय्, न्‍ह्यलं चाय्‌की। हे दच्‍छिनया फय्, न्‍ह्यां वा, जिगु बगैँचा जुया न्‍ह्याना हुँ, थुकिया नस्‍वाः तापाक्‍क हे थ्‍यनेमा। जिमि यःम्‍ह प्रिय थःगु बगैँचाय् वा, अले उकिया भिंगु फल नया स्‍व।

श्रेष्‍ठगीत 4:16 ပူးပေါင်းရင်းမြစ်များ

उपदेशक 1:6

फय् दच्‍छिनपाखे न्‍ह्याइ, अले उत्तरपाखे लिहांवनी। व न्‍ह्याबलें थःगु हे चाःकलय् चाःहिलाच्‍वनी।

उपदेशक 2:5

जिं स्‍वांया क्‍यबत व फलफुलया क्‍यबत दय्‌का अले उकी थीथी कथंयागु फलफुलया सिमात पिना।

श्रेष्‍ठगीत 1:13

जिमि यःम्‍ह प्रिय, जिगु छातिइ यग्‍गायाच्‍वंगु मूर्रं जाःगु कापःया म्‍हिचा थें च्‍वं।

श्रेष्‍ठगीत 1:4

जितः छिनापं हे यंकादिसँ, झीपिं याकनं हे बिस्‍युं वनेनु! जुजुं जितः थः द्यनेगु कोथाय् यंकादीमा। जिपिं छिके लय्‌ताये अले खुशी जुये, अले दाखमद्य स्‍वयाः नं छिगु मायाया प्रशंसा याये। इमिसं छितः ल्‍वय्‌क माया याइ।

श्रेष्‍ठगीत 2:3

गुँया सिमात मध्‍ये स्‍याउया सिमा थें मिजंतय् दथुइ जिमि यःम्‍ह प्रिय तसकं बांलाः। जि वया किचलय् तसकं लय्‌तायाच्‍वने, अले उकिया फलया सवाः तसकं सा।

श्रेष्‍ठगीत 2:8

न्‍यँ! जिमि यःम्‍ह प्रियया सः! बांलाक न्‍यँ! व वयेत्‍यंगु दु, पहाड पुलाः डाँडा डाँडाय् तिंतिंन्‍हुयाः जिथाय् ब्‍वाँय् वइ।

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

श्रेष्‍ठगीत 6:2

जिमि यःम्‍ह प्रिय नस्‍वाःगु मसलामा पिनातःगु क्‍यबय् वंगु दु, थःगु मन लय्‌ताय्‌केत अले लिली स्‍वां खायेत वनाच्‍वंगु दु।

श्रेष्‍ठगीत 8:12

तर जिगु थःगु हे दाखक्‍यब मेपिन्‍त बीगु अधिकार जिगु हे खः। हे सोलोमन, व १,००० शेकेल छिगु हे निंतिं खः, अले २०० शेकेल उपिं फलफुल सय्‌कीपिनीगु निंतिं नं खः।

यशैया 64:1

छि आकाश चीकाः क्‍वहां झाःगु जूसा व पर्वतत छिगु न्‍ह्यःने थुरथुर खाःगु जूसा ज्‍यूगु।

इजकिएल 37:9

अले वय्‌कलं जितः धयादिल, “फय्‌यात अगमवाणी या, अय् सीमानिम्‍ह मनू, अगमवाणी यानाः थथे धा, ‘परमप्रभु परमेश्‍वरं थथे धयादी – अय् फय्, प्‍यखेरं वयाः थुपिं स्‍याःपिन्‍त सासः थनाब्‍यु, इपिं म्‍वायेमा।’”

मत्ती 26:10

इमिसं थथे धाःगु न्‍यनाः वय्‌कलं धयादिल – “छिमिसं थ्‍व मिसायात छाय् दुःख बियाच्‍वनागु? वं जितः बांलाःगु हे यात।

मत्ती 26:12

थथे चिकनं लुनाः वं जिगु म्‍हयात थुनेत ठीक याःगु खः।

यूहन्‍ना 3:8

फय् थः मंदुथाय् न्‍ह्याइ, छिं उकियागु सः जक ताइ, व गनं वल, अले गन वनी धकाः छिं सी मखु। आत्‍मां बूपिं मनूत नं अथे हे जुइ।”

यूहन्‍ना 5:8

वय्‌कलं धयादिल – “थःगु लासा ज्‍वनाः न्‍यासि हुँ।”

प्रेरित 4:31

प्रार्थना याये सिधये धुंकाः इपिं मुनाच्‍वंगु थाय् सन। अले इपिं फुक्‍कं पवित्र आत्‍मां जाल। अले इमिसं परमेश्‍वरयागु वचन मग्‍यासे नवाना जुल।

रोमी 15:16

जितः यहूदीमखुपिन्‍त परमेश्‍वरयागु भिंगु खँ कनेत ख्रीष्‍ट येशूयाम्‍ह च्‍यः यानादीगुलिं पुजाहारीं छाःथें जिं नं परमेश्‍वरयात यःगु पवित्र आत्‍मां शुद्ध यानातःपिं यहूदीमखुपिन्‍त छाये हयागु दु।

रोमी 15:28

थ्‍व ज्‍या सिधय्‌काः जिं कयाः हयागु भेटी लःल्‍हाना बीधुंकाः छिमित नाप लानाः जि स्‍पेनय् वने।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।