श्रेष्‍ठगीत 4:12 - नेवाः बाइबल

¹² हे जिमि तसकं यःम्‍ह मय्‌जु, जिमि भम्‍चा, छ बार तयातःगु बगैँचा थें, त्‍वःपुया तःगु बुँगाःचा थें, सुं मनूयागु निजी फोहोरा थें खः।

श्रेष्‍ठगीत 4:12 ပူးပေါင်းရင်းမြစ်များ

उत्‍पत्ति 29:3

फैत फुक्‍क अन मुंवयेधुंकाः फैजवाःतय्‌सं तुंया म्‍हुतुं ल्‍वहं चीकाः लः त्‍वंकीगु व अले हाकनं व ल्‍वहँतं तुंया म्‍हुतु तिनाबीगु जुयाच्‍वन।

श्रेष्‍ठगीत 4:9

छं जिगु मन लय्‌ताय्‌काः ब्‍यूगु दु, जिमि तसकं यःम्‍ह मय्‌जु, जिमि भम्‍चा छं जितः छक्‍वः जक स्‍वःगुलिं, अले छं क्‍वखायातःगु रत्‍नं जिगु मन लय्‌ताय्‌काः ब्‍यूगु दु।

श्रेष्‍ठगीत 6:11

बरांया सिमा दुगु क्‍यबपाखे जि मैदानया न्‍हूगु फल सःगु स्‍वयेत क्‍वहां वना, दाखक्‍यबय् मुखू ह्वयाच्‍वंगु दु ला कि मदु अले धालेमाय् स्‍वां ह्वयाच्‍वंगु दु ला कि मदु धकाः जि स्‍वयेत वना।

श्रेष्‍ठगीत 6:2

जिमि यःम्‍ह प्रिय नस्‍वाःगु मसलामा पिनातःगु क्‍यबय् वंगु दु, थःगु मन लय्‌ताय्‌केत अले लिली स्‍वां खायेत वनाच्‍वंगु दु।

यशैया 58:11

परमप्रभुं छिमित धुवांधु न्‍ह्यलुवाः जुयाः यंकादी, अले तसकं तांन्‍वःगु थासय् नं छिमित लुधंकादी, अले छिमिगु क्‍वँय्‌यात बल्‍लाकादी। छिपिं यक्‍व लखं प्‍याःगु क्‍यब थें व गुबलें सुइ मखुगु बुँगाःचा थें जुइ।

यर्मिया 31:12

इपिं वयाः सियोनया तज्‍जाःगु थासय् म्‍ये हाली। अले परमप्रभुया दयाया कारणं इपिं लय्‌ताइ। अन्‍न, न्‍हूगु दाखमद्य व चिकं, फैच्‍वलय्‌या मस्‍त व सा द्वहंया मस्‍तय्‌गु कारणं इपिं तसकं लय्‌ताइ। इमिगु जीवन लखं प्‍याःगु क्‍यब थें जुइ। इमित हाकनं गुबलें दुःख जुइ मखु।

होशे 6:3

वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

१ कोरिन्‍थी 6:13

सुनानं थथे नं धायेफु – “नयेगु प्‍वाःयागु लागि खः, अले प्‍वाः नयेगु लागि खः।” थ्‍व ला खः, अय्‌नं थ्‍व नितां परमेश्‍वरं मदय्‌का छ्वयादी। मनूयागु म्‍ह व्‍यभिचार याना जुइत मखु, बरु प्रभुयात तःधंकेत खः। उकिं म्‍हयात माःगु फुक्‍कं प्रभुं बियादी।

१ कोरिन्‍थी 7:34

अय्‌जूगुलिं थज्‍याःम्‍ह मनूयागु मन निखे लानाच्‍वनी। अथे हे ब्‍याहा मजूनिम्‍ह मिसां नं प्रभुयागु ज्‍या मन तयाः याइ, छाय्‌धाःसा वं थःगु म्‍हं व आत्‍मां नं पवित्र जुइगु कुतः याइ। अले ब्‍याहा जुइ धुंकूम्‍ह मिसां संसारयागु ज्‍याखँय् मन तयाच्‍वनी, छाय्‌धाःसा वं थः भाःतयात लय्‌ताय्‌केगु कुतः यानाच्‍वनी।

२ कोरिन्‍थी 1:22

झीपिं वय्‌कःया मनूत खः धकाः म्‍हसीकेत वय्‌कलं चिं थें झीगु नुगलय् पवित्र आत्‍मा बैनाकथं बियातयादीगु दु।

एफिसी 1:13

अथे हे छिमिसं नं थ्‍व मुक्ति बीगु सत्‍य व भिंगु खँ न्‍यनाः ख्रीष्‍टयात विश्‍वास यात। अले थःम्‍हं बाचा चिना तःकथं पवित्र आत्‍मा बैना बियाः परमेश्‍वरं छिमित थः मनू यानादिल।

एफिसी 4:30

थुलि जक मखु, पवित्र आत्‍मायात दुःख बी मते, छाय्‌धाःसा पवित्र आत्‍मा उद्धार बी खुन्‍हुयात धकाः झीत बियातःगु चिं खः।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।

प्रकाश 7:3

“झी परमेश्‍वरया दासतय्‌गु कपालय् छाप मततले सिमा, समुद्र, व पृथ्‍वीयात स्‍यंके मते।”