श्रेष्‍ठगीत 4:1 - नेवाः बाइबल

¹ जिमि प्रिय, छ गुलि बांलाः! तसकं हिसि दु! गाचां त्‍वपुयाः तःगु छंगु मिखा सुकुभत्तुयागु थें च्‍वं। छंगु सँ गिलादया भिरय् च्‍वलय्‌या बथां तिंन्‍हुया क्‍वहां वः थें।

श्रेष्‍ठगीत 4:1 ပူးပေါင်းရင်းမြစ်များ

भजनसंग्रहया सफू 45:11

छंगु हिसि खनाः जुजु लय्‌तायादीगु दु। वय्‌कः छिमि मालिक खः, उकिं वय्‌कलं धाःथें या।

श्रेष्‍ठगीत 1:15

हे प्रिय, छ गुलि बांलाःम्‍ह खः! गुलि बांलाः! छंगु मिखा सुकुभत्तुया थें च्‍वं। खः धात्‍थें हे छ गुलि हिसि दु!

श्रेष्‍ठगीत 2:10

जिमि यःम्‍ह प्रियं जिलिसें खँ ल्‍हानाः थथे धाइ, “हे जिमि प्रिय दँ, अले जिनापं वा।

श्रेष्‍ठगीत 2:14

छ पहाडया कापि व तग्‍वःगु ल्‍वहंया पाःचाय् च्‍वनीम्‍ह सुकुभत्तु थें च्‍वँ, छंगु ख्‍वाः जितः क्‍यं, छंगु सः न्‍यने दयेमा, छाय्‌धाःसा छंगु सः तसकं न्‍यने यइपुसे च्‍वं व छंगु ख्‍वाः तसकं बांलाः।

श्रेष्‍ठगीत 6:5

छंगु मिखा जिपाखें फहिकि, वं जितः हीमी चाय्‌कूगु दु। गिलाद डाँडां च्‍वलय्‌या बथां तिंतिंन्‍हुयाः क्‍वहां वयाच्‍वंगु थें छंगु सँ प्‍याखं हुलाच्‍वंगु दु।

श्रेष्‍ठगीत 6:7

गाचां त्‍वःपुया तःगु छंगु न्‍यता बागः थलातःगु धालेग्‍वः थें च्‍वं।

श्रेष्‍ठगीत 7:5

छंगु छेनय् च्‍वंगु सँ कर्मेल डाँडा थें छन्‍त मुकुट पुइकातःगु दु। छंगु छेनय् च्‍वंगु सँ प्‍याजीगु रंगया पर्दा थें च्‍वं। छंगु सँ खना जुजु तसकं मक्‍ख जुइ।

यर्मिया 22:6

यहूदाया जुजुया दरबारया बारे परमप्रभुं थथे धयादी, “छ जिगु लागि गिलाद देश व लेबनानया गुँया च्‍वका थें तसकं बांला। अय्‌नं जिं धात्‍थें हे छन्‍त मरुभूमि व मनू मदुगु शहर यानाबी।

इजकिएल 16:14

छ बांलाःगुलिं छंगु नां जाति जातितय्‌गु दथुइ बय्‌बय् जुल, छाय्‌धाःसा जिं छन्‍त बियागु गौरवया कारणं छ तसकं बांलाःगु खः, परमप्रभु परमेश्‍वरं धयादी।

मीका 7:14

हे परमप्रभु, छिं कथि ज्‍वनाः थः प्रजायात ज्‍वयादिसँ, नायुगु ख्‍यलय् व गुँइच्‍वनीपिं छिगु सर्बयया फैच्‍वलय्‌त ज्‍वयादिसँ। कर्मेल डाँडाया गुँइ याकःचा च्‍वंनाच्‍वंसां इपिं न्‍हापा थें हे बाशान व गिलादय् च्‍वंगु घाँय्‌ख्‍यलय् वनाः ज्‍वयेमा।

गन्‍ती 32:1

रूबेन व गाद कुलयापिन्‍के यक्‍व हे पशुत दु। इमिसं याजेर व गिलाद देश खंबलय् व थाय् पशु लहित ज्‍यूगु खन।

गन्‍ती 32:40

अथे जुयाः मोशां मनश्‍शेया काय् माकीरया सन्‍तानतय्‌त गिलाद बिल अले इपिं अन हे च्‍वन।

मत्ती 11:29

जिगु जुवा छिमिसं क्‍वब्‍यु, अले जिके स्‍यना का, छाय्‌धाःसा जि स्‍वजाम्‍ह व क्‍वमिलुम्‍ह खः। अले छिमिसं दुनुगलंनिसें आराम कायेखनी।

२ कोरिन्‍थी 3:18

थुकथं झीगु ख्‍वाः उलातःगुलिं प्रभुयागु जलं झल झल थिनाच्‍वंगु दु। प्रभुयागु जलं झीपिं नं न्‍हियान्‍हिथं प्रभु थें जुइत छगू जलं मेगु जलय् हिला वनाच्‍वनागु दु।