श्रेष्‍ठगीत 3:2 - नेवाः बाइबल

² जिं फुक्‍क शहर चाःहुलाः माला स्‍वये, उकिया लँय् व चुक चुकय् माले। जिं जिमि प्रिययात यय्‌के, जिं वयात माला स्‍वयाः अय्‌नं वयात लुइके मफु।

श्रेष्‍ठगीत 3:2 ပူးပေါင်းရင်းမြစ်များ

हितोपदेश 8:34

जिगु खँ न्‍यनीम्‍ह, जिगु छेँय् वइम्‍ह, अले जिगु ध्‍वाखाय् न्‍ह्याबलें वयाच्‍वनीम्‍ह लय्‌ताये खनी।

श्रेष्‍ठगीत 1:7

हे प्रिय, जितः धयाब्‍यु, थःगु फैच्‍वलय्‌या बथांत गन ज्‍वयेयंकीगु? अले न्‍हिनय् इमित गन तयेयंकीगु? छिकपिनि थः पासापिनि बथांया लिक्‍क जि छाय् थःगु छेनय् गाचां त्‍वपुयातःम्‍ह मिसा थें जुयेगु?

श्रेष्‍ठगीत 3:3

पिवाः च्‍वनीपिं सिपाइँत शहरय् चाहिला च्‍वंबलय् इमिसं जितः खन। जिं इमिके न्‍यना, “छु छिमिसं जिमि प्रिययात खनागु दु ला?”

श्रेष्‍ठगीत 5:5

अले जिमि यःम्‍ह प्रियया निंतिं लुखा चाय्‌केत जि दनाः, अले जिगु ल्‍हातं मूर्र ज्‍वयाः वयाच्‍वंगु खः अले जिं चुकुया चु ज्‍वनेवं मूर्र कुतुं वन।

यशैया 64:7

छिगु नां काइपिं छम्‍ह नं मदु, छितः ज्‍वनेगु सुनानं कुतः याइ मखु, छाय्‌धाःसा छिं थःगु ख्‍वाः जिपिंपाखें सुपिकादीगु दु, अले जिमित जिमिगु पापया शक्तिइ त्‍वःतादीगु दु।

यर्मिया 5:1

“यरूशलेमया लँय् लँय् थाहां क्‍वहां हुँ, प्‍यखेरं स्‍व अले बिचाः या! उकिया चुक चुकय् माला स्‍व, छं छम्‍ह जक नं विश्‍वास यायेबहः जुयाः ज्‍या याइम्‍ह व सत्‍य मालीम्‍ह मनू गनं लुइके फत धाःसा जिं व शहरयात क्षमा यानाबी।

यूहन्‍ना 1:6

अबलय् परमेश्‍वरं छ्वयाहःम्‍ह यूहन्‍ना धाःम्‍ह छम्‍ह मनू दु।

रोमी 13:11

छिमिसं थ्‍व संसारय् गज्‍याःगु ई वयाच्‍वंगु दु बांलाक बिचाः याना च्‍वँ, द्यनेगु त्‍वःताः दनेगु ई वये धुंकल। उद्धार कायेगु ई न्‍हापा झीसं विश्‍वास यानाबलय् स्‍वयाः नं न्‍ह्यःने थ्‍यने धुंकल।

१ कोरिन्‍थी 15:34

भिंगु ज्‍याखँ यायेत न्‍ह्यलं चाय्‌कि, अले पाप यायेगु त्‍वःति। छिमित मछालापुकेत जिं थथे धयाच्‍वनागु खः, छाय्‌धाःसा छिपिं गुम्‍हं गुम्‍हय्‌सिनं परमेश्‍वरयात म्‍हसीके मफुनि।

एफिसी 5:14

छाय्‌धाःसा जलय् वल कि जलं खइ। उकिं थथे नं च्‍वयातःगु दु – “अय् न्‍ह्यःगुलु दँ, सीपिं म्‍वाना वा। अले ख्रीष्‍ट येशूं छिमित जः बियादी।”