श्रेष्‍ठगीत 2:9 - नेवाः बाइबल

⁹ हे जिमि यःम्‍ह प्रिय, छ हरिण व नकतिनीम्‍ह चल्‍लाचा थें खः। थन स्‍वसा! व पःखाःया क्‍वसं दनाच्‍वंगु दु अले वं झ्‍यालं स्‍वयाहयाच्‍वनी, अले वं टिकि झ्‍यालं स्‍वया हइ।

श्रेष्‍ठगीत 2:9 ပူးပေါင်းရင်းမြစ်များ

२ शमूएल 2:18

सरूयाहया स्‍वम्‍ह काय्‌पिं, योआब, अबीशै व असाहेल अन हे दु। असाहेल ख्‍यलय् ब्‍वाँय् वनेगुलिं चल्‍ला थें हे ब्‍वाँय् वनेफुम्‍ह खः।

हितोपदेश 5:19

छिमि कलाः चल्‍ला थें बांलाः, अले हिसि दु। छं थः कलाःपाखे हे नुगः क्‍वसाय्‌काः च्‍वनेमाः। अले माया यानाः च्‍वनेमाः।

हितोपदेश 6:5

जालं झंगः पिहां वये थें, शिकारीया ल्‍हातिं चल्‍ला बिस्‍युं वने थें थःत जालं पिका।

हितोपदेश 7:6

छन्‍हु जि थःगु छेँया तिकिझ्‍यालं पिने स्‍वयाच्‍वनागु।

श्रेष्‍ठगीत 1:16

हे जितः यःम्‍ह प्रिय! छ तसकं हे बांलाःम्‍ह खः! छ धात्‍थें हे हिसि दुम्‍ह मिजं खः! अले झीगु लासा वाउँसे च्‍वंगु घाँय् थें च्‍वं।

श्रेष्‍ठगीत 2:17

तुयुजः वया सुथ मजुतले अले किचः तनामवंनिबलय्, लिहां वा, हे जिमि यःम्‍ह प्रिय, पर्वतया पाःचाय् च्‍वनीपिं चल्‍लाचा व मृग थें जुयाब्‍यु।

श्रेष्‍ठगीत 2:7

हे यरूशलेमया मिसापिं, जिं छिमित आज्ञा बी, ख्‍यःया हरिण व चल्‍लाया नामं पाफयाः धा, “पाय्‌छिगु ई मजुतले मतिनायात थने मते।”

श्रेष्‍ठगीत 3:5

हे यरूशलेमया मिसापिं, जिं छिमित आज्ञा बी, ख्‍यःया हरिण व चल्‍लाया नामं पाफयाः धा, “पाय्‌छिगु ई मजुतले मतिनायात थनेमते।”

श्रेष्‍ठगीत 8:14

हे जितः यःम्‍ह प्रिय पिहां वा, अले तसकं नस्‍वाःगु मसलां जाःगु पर्वतय् च्‍वनीम्‍ह चल्‍ला वा मचाम्‍ह हरिण थें जुयाब्‍यु।

लूका 24:35

अले इपिं निम्‍हय्‌सिनं नं लँय् जूगु खँ व मरि कुचा थःबलय् वय्‌कःयात म्‍हसीके फुगु खँ कन।

यूहन्‍ना 12:41

यशैयां येशू तसकं तःधं धकाः सीकाः वय्‌कःयागु खँ थुकथं धाःगु खः।

यूहन्‍ना 5:39

“अनन्‍त जीवन दइ धकाः छिमिसं धर्मशास्‍त्र ब्‍वना जुइ। व हे धर्मशास्‍त्रं जिगु साक्षी बी,

यूहन्‍ना 5:46

छिमिसं मोशायात धात्‍थें हे विश्‍वास यानाच्‍वंगु खःसा जितः नं विश्‍वास यायेमाःगु खः। छाय्‌धाःसा मोशां जिगु हे खँ च्‍वया थकूगु खः।

१ कोरिन्‍थी 13:12

आः ला झीसं न्‍हाय्‌कनय् थें जक बुल्‍लुक खनाच्‍वना। अबलय् धाःसा झीसं चूलाक हे स्‍वये दइतिनि। आः ला जिं पूवंक मस्‍यूनि। अबलय् धाःसा परमेश्‍वरं जिगु खँ पूवंक स्‍यू थें तुं जिं नं पूवंक सी।

कलस्‍सी 2:17

थ्‍व फुक्‍क लिपा जुइगु खँयागु किपालु जक खः। धात्‍थेंयागु ला ख्रीष्‍ट हे खः।

हिब्रू 10:1

व्‍यवस्‍था थः हे पूमवं, थ्‍व ला लिपा वइगु बांलाःगु खँया किपालु जक खः। अय्‌जूगुलिं दँय्‌दसं बलि बीवं मनूत परमेश्‍वरया न्‍ह्यःने शुद्ध जुइ फइ मखु।

प्रकाश 19:10

अथे धाःगुलिं वयात हनाबना यायेत जि वयागु तुतिइ भ्‍वपुला। अय्‌नं वं धाल – “छं थथे याये मते। येशूयागु वचन न्‍यनाकाःपिं छ व छिमि दाजुकिजापिं थें जि नं परमेश्‍वरया छम्‍ह दास खः। परमेश्‍वरयात आराधना या।” येशूयागु साक्षी अगमवक्तातय्‌गु आत्‍मा खः।

न्‍यायकर्ता 5:28

सीसराया मामं झ्‍यालं स्‍वयाच्‍वन, “छाय् सीसराया रथ वयेत लिबात?” तिकिझ्‍यालं वं न्‍यन, वया सलत वयेत छाय् थुलि लिबात?