श्रेष्‍ठगीत 2:8 - नेवाः बाइबल

⁸ न्‍यँ! जिमि यःम्‍ह प्रियया सः! बांलाक न्‍यँ! व वयेत्‍यंगु दु, पहाड पुलाः डाँडा डाँडाय् तिंतिंन्‍हुयाः जिथाय् ब्‍वाँय् वइ।

श्रेष्‍ठगीत 2:8 ပူးပေါင်းရင်းမြစ်များ

२ शमूएल 6:16

परमप्रभुया सनू दाऊदया शहरय् थ्‍यनाः शाऊलया म्‍ह्याय् मीकलं झ्‍यालं खंकल। दाऊद जुजुयात परमप्रभुया न्‍ह्यःने तिंतिंन्‍हुयाः प्‍याखं हुलाच्‍वंगु खन, वं मनं मनं दाऊदयात घच्‍चाय् कथं स्‍वल।

श्रेष्‍ठगीत 2:17

तुयुजः वया सुथ मजुतले अले किचः तनामवंनिबलय्, लिहां वा, हे जिमि यःम्‍ह प्रिय, पर्वतया पाःचाय् च्‍वनीपिं चल्‍लाचा व मृग थें जुयाब्‍यु।

श्रेष्‍ठगीत 4:16

हे उत्तरया फय्, न्‍ह्यलं चाय्‌की। हे दच्‍छिनया फय्, न्‍ह्यां वा, जिगु बगैँचा जुया न्‍ह्याना हुँ, थुकिया नस्‍वाः तापाक्‍क हे थ्‍यनेमा। जिमि यःम्‍ह प्रिय थःगु बगैँचाय् वा, अले उकिया भिंगु फल नया स्‍व।

श्रेष्‍ठगीत 5:2

जि द्यना, अय्‌नं जिगु नुगः न्‍ह्यलं हे चा, स्‍वःसा, जिमि यःम्‍ह प्रियनं लुखाय् घारघार यानाच्‍वंगु दु। “हे जिमि तसकं यःम्‍ह मय्‌जु, जिमि प्रिय, लुखा चाय्‌काब्‍यु, जिमि छुं नं दोष मदुम्‍ह सुकुभत्तु। सुति लखं जिगु छ्यं प्‍याःगु दु, जिगु सँ चान्‍हय्‌सियागु ख्‍वाउँगुलिं प्‍याःगु दु।”

यशैया 35:6

अले लंग्रापिं चल्‍ला थें तिंन्‍हुइ, खाखःत लय्‌तातां तसलं हाली। गंगु बं तज्‍यानाः लः पिहां वइ अले मरुभूमिइ खुसिबाः न्‍ह्याइ।

यशैया 44:23

हे आकाश, लसताया म्‍ये हा। परमप्रभुं थथे यानादीगु दु। हे क्‍वय्‌यागु पृथ्‍वी, तःसलं हा! हे पर्वतत, गुँ व अन च्‍वंगु फुक्‍क सिमात, तःसलं म्‍ये हा, छाय्‌धाःसा परमप्रभुं मू पुलाः याकूबयात त्‍वःतकादीगु दु। वय्‌कलं थःम्‍हं इस्राएलयात बचय् यानाः थःगु महिमा क्‍यनादी।

यशैया 52:7

डाँडात जुयाः सुसमाचार न्‍यंकःवनीपिनिगु तुति गुलि बांलाः, गुपिन्‍सं शान्‍तिया घोषणा याइ, गुपिन्‍सं भिंगु बुखँ हइ, अले उद्धारयात घोषणा याइ, गुपिन्‍सं सियोनयात थथे धाइ, “छिमि परमेश्‍वरं राज्‍य यानादी।”

यर्मिया 48:27

छं इस्राएलयापिं मनूतय्‌त हेस्‍यानागु मखु ला? वा वयात खुँतय्‌गु दथुइ ज्‍वंगु खः ला? छाय्‌धाःसा छं वयागु बारे न्‍ववाक्‍व पतिकं छं वयात हेस्‍यानाः थःगु छ्यं संकीगु।

लूका 6:23

छिपिं लय्‌ताया च्‍वँ, छाय्‌धाःसा स्‍वर्गय् छिमित तःधंगु सिरपाः तयातःगु दु। इमि तापाःबाज्‍यापिन्‍सं नं अगमवक्तातय्‌त थथे हे याना छ्वःगु खः।

यूहन्‍ना 10:27

जिम्‍ह फैतय्‌सं जिगु सः ताइ, जिं इमित म्‍हस्‍यू, अले इपिं नं जिगु ल्‍यूल्‍यू वइ।

यूहन्‍ना 3:29

भम्‍चायात ब्‍याहा याःम्‍ह हे भाःतम्‍ह जुइ। ब्‍याहा याःम्‍ह मिजंया पासा वयागु खँ न्‍यनाः तसकं लय्‌ताइ। अथे हे जि नं आः लय्‌ताय् खन।

प्रेरित 14:10

तःसलं थथे धाल – “दनादिसँ।” थुलि धायेवं हे व जुरुक्‍क दनाः न्‍यासि जुल।

प्रेरित 3:8

अले व जुरुक्‍क दनाः न्‍यासि वन। अले न्‍यासि चाचां तिंतिंन्‍हुयाः परमेश्‍वरयागु प्रशंसा यायां व इपिं नाप देगलय् दुहां वन।

प्रकाश 3:20

“स्‍व, जिं लुखाय् दनाः सःताच्‍वना। सुनानं जिगु सः तायाः खापा चाय्‌का ब्‍यूसा जि दुहां वनाः व नाप नयेत्‍वने याये। अले वं जि नाप नयेत्‍वने याइ।