श्रेष्‍ठगीत 2:4 - नेवाः बाइबल

⁴ वय्‌कलं जितः भ्‍वय् नयेगु छेँय् यंकादिल, जिके दुगु झण्‍डा वय्‌कःया मतिना खः।

श्रेष्‍ठगीत 2:4 ပူးပေါင်းရင်းမြစ်များ

एस्‍तर 7:7

उकिं जुजु तसकं तंम्‍वयाः दाखमद्य त्‍वनाच्‍वंगु त्‍वःताः जुरुक्‍क दनाः दरबारया तःधंगु क्‍यबय् वन। तर हामानं आः ला जितः सजाँय बीत जुजुया मनय् पक्‍का याये धुंकल धकाः थुइकल। अथे जुयाः थःगु प्राणया रक्षाया निंतिं इनाप यायेत एस्‍तर रानीया न्‍ह्यःने दनाच्‍वन।

अय्‍यूब 1:10

छु छिं वयात, वया छेँयापिन्‍त व वयाके दुगु फुक्‍कयात बार तयाः रक्षा यानादियागु मदु ला? छिं वयागु फुक्‍क ज्‍याय् आशिष बियादीगु दु, अले देशन्‍यंक वयागु धन-सम्‍पत्ति अप्‍वयावंगु दु।

भजनसंग्रहया सफू 20:5

छि त्‍याःगुलिं जिमिसं ततःसलं लय्‌तायाः भजन हाले अले झी परमेश्‍वरया नामय् ध्‍वाँय् ब्‍वय्‌के। परमेश्‍वरं छंगु फुक्‍क प्रार्थना न्‍यनादीमा।

भजनसंग्रहया सफू 60:4

छिं छिगु भय काइपिन्‍त ख्‍याच्‍वः बियाः नाश जुइपाखें बचय् यानादिल। सेला

भजनसंग्रहया सफू 84:10

हे परमेश्‍वर, छन्‍हु छिगु चुकय् च्‍वनेगु मेथाय् द्वःछिन्‍हु स्‍वयाः भिं। दुष्‍टतय्‌गु पालय् च्‍वनेगु स्‍वयाः जिमि परमेश्‍वरया देगःया ध्‍वाखा पिवाः जुइगु यः।

श्रेष्‍ठगीत 1:1

सोलोमनया दक्‍वसिबय् बांलाःगु म्‍येत थुपिं हे खः।

श्रेष्‍ठगीत 1:4

जितः छिनापं हे यंकादिसँ, झीपिं याकनं हे बिस्‍युं वनेनु! जुजुं जितः थः द्यनेगु कोथाय् यंकादीमा। जिपिं छिके लय्‌ताये अले खुशी जुये, अले दाखमद्य स्‍वयाः नं छिगु मायाया प्रशंसा याये। इमिसं छितः ल्‍वय्‌क माया याइ।

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

श्रेष्‍ठगीत 6:4

हे जिमि प्रिय, छ तिर्सा थें हिसि दु अले यरूशलेम थें तसकं बांलाः। छ झण्‍डा ब्‍वय्‌का च्‍वनीपिं सेना थें प्रतापी खः।

यशैया 11:10

अले उखुन्‍हु मनूतय्‌गु निंतिं यिशैया हाया सन्‍तान छम्‍ह झण्‍डा थें दनी। जाति जातित फुक्‍क वय्‌कःयाथाय् मूंवइ, अले वय्‌कः छम्‍ह महिमां जाःगु आराम कायेगु थाय् जुइ।

प्रकाश 3:20

“स्‍व, जिं लुखाय् दनाः सःताच्‍वना। सुनानं जिगु सः तायाः खापा चाय्‌का ब्‍यूसा जि दुहां वनाः व नाप नयेत्‍वने याये। अले वं जि नाप नयेत्‍वने याइ।