श्रेष्‍ठगीत 2:16 - नेवाः बाइबल

¹⁶ जिमि यःम्‍ह प्रिय जिम्‍ह हे खः, जि वय्‌कःयाम्‍ह खः। व लिली स्‍वांया दथुइ चाचाःहिला जुइ।

श्रेष्‍ठगीत 2:16 ပူးပေါင်းရင်းမြစ်များ

श्रेष्‍ठगीत 6:3

जिमि यःम्‍ह प्रिय जिम्‍ह हे खः, जि वय्‌कःयाम्‍ह खः। व लिली स्‍वांया दथुइ चाः चाहुला जुइ।

श्रेष्‍ठगीत 7:10

जि जिम्‍ह यःम्‍ह प्रिययाम्‍ह खः, अले वयागु प्‍याःचाः जिगु हे निंतिं खः।

भजनसंग्रहया सफू 63:1

हे परमेश्‍वर, छि जिम्‍ह परमेश्‍वर खः। जिं छितः दुनुगलंनिसें मालाजुया। गंगु, झिजांमिझां दंगु व लः मदुगु बँ थें जिगु नुगः छि मदयाः प्‍याःचाः।

भजनसंग्रहया सफू 48:14

छाय्‌धाःसा परमेश्‍वर न्‍ह्याबलें झी परमेश्‍वर खः। वय्‌कलं झीत न्‍ह्याबलें लँ क्‍यनादी।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

श्रेष्‍ठगीत 7:13

दुरुस्‍वांनं नस्‍वाः वय्‌काच्‍वंगु दु, झीगु लुखाय् फुक्‍क कथंया सासाःगु फलत दु। न्‍हूगु पुलांगु फलत, हे जिमि यःम्‍ह प्रिय, जिं छंगु निंतिं ल्‍यंकातयागु दु।

श्रेष्‍ठगीत 4:5

छंगु दुरुप्‍वः निम्‍ह हरिण थें च्‍वं। लिली स्‍वांया दथुइ ज्‍वयातःपिंनापं बूपिं चल्‍लाया मचात थें च्‍वं।

श्रेष्‍ठगीत 2:1

जि शारोन मैदानया गंचास्‍वां व ब्‍यासिइ बुया वइगु लिली स्‍वां खः।

श्रेष्‍ठगीत 1:7

हे प्रिय, जितः धयाब्‍यु, थःगु फैच्‍वलय्‌या बथांत गन ज्‍वयेयंकीगु? अले न्‍हिनय् इमित गन तयेयंकीगु? छिकपिनि थः पासापिनि बथांया लिक्‍क जि छाय् थःगु छेनय् गाचां त्‍वपुयातःम्‍ह मिसा थें जुयेगु?

श्रेष्‍ठगीत 6:2

जिमि यःम्‍ह प्रिय नस्‍वाःगु मसलामा पिनातःगु क्‍यबय् वंगु दु, थःगु मन लय्‌ताय्‌केत अले लिली स्‍वां खायेत वनाच्‍वंगु दु।

श्रेष्‍ठगीत 7:11

हे जितः यःम्‍ह प्रिय, वा झीपिं बुँइ चाःह्यु वनेनु, अले चान्‍हय् गामय् बाय् च्‍वने।

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”