श्रेष्‍ठगीत 1:8 - नेवाः बाइबल

⁸ हे मिसात मध्‍ये तसकं हिसि दुम्‍ह, छं थःम्‍हं हे थ्‍व खँ मस्‍यूसा, फैच्‍वलय्‌या बथांतय् ल्‍यूल्‍यू हुँ अले छं दुगुचातय्‌त फैजवाःतयेगु पाल लिक्‍क ज्‍वय्‌केब्‍यु।

श्रेष्‍ठगीत 1:8 ပူးပေါင်းရင်းမြစ်များ

भजनसंग्रहया सफू 16:3

देशय्‌ दुपिं पवित्र मनूत फुक्‍कं तःधंके बहःपिं जू, इपिंलिसे च्‍वनेदयाः जि लय्‌ताः।

भजनसंग्रहया सफू 45:11

छंगु हिसि खनाः जुजु लय्‌तायादीगु दु। वय्‌कः छिमि मालिक खः, उकिं वय्‌कलं धाःथें या।

भजनसंग्रहया सफू 45:13

राजकुमारी लाय्‌कुलिइ दु, व गुलि बांलाः। वयागु वसः लुँयागु कां थानातःगु दु।

हितोपदेश 8:34

जिगु खँ न्‍यनीम्‍ह, जिगु छेँय् वइम्‍ह, अले जिगु ध्‍वाखाय् न्‍ह्याबलें वयाच्‍वनीम्‍ह लय्‌ताये खनी।

श्रेष्‍ठगीत 1:15

हे प्रिय, छ गुलि बांलाःम्‍ह खः! गुलि बांलाः! छंगु मिखा सुकुभत्तुया थें च्‍वं। खः धात्‍थें हे छ गुलि हिसि दु!

श्रेष्‍ठगीत 2:10

जिमि यःम्‍ह प्रियं जिलिसें खँ ल्‍हानाः थथे धाइ, “हे जिमि प्रिय दँ, अले जिनापं वा।

श्रेष्‍ठगीत 4:1

जिमि प्रिय, छ गुलि बांलाः! तसकं हिसि दु! गाचां त्‍वपुयाः तःगु छंगु मिखा सुकुभत्तुयागु थें च्‍वं। छंगु सँ गिलादया भिरय् च्‍वलय्‌या बथां तिंन्‍हुया क्‍वहां वः थें।

श्रेष्‍ठगीत 4:10

छंगु मतिना गुलि जक यइपुस्‍से च्‍वं, जिमि तसकं यःम्‍ह मय्‌जु, जिमि भम्‍चा, दाखमद्य स्‍वयाः नं छं याःगु माया तसकं बांलाः। अले मेमेगु छुं नं मसला स्‍वयाः छंगु अत्तर नस्‍वाः वः।

श्रेष्‍ठगीत 4:7

जिमि प्रिय, छ तसकं हिसि दु, छंके छुं नं ख्‍वं मदु।

श्रेष्‍ठगीत 5:9

हे मिसात मध्‍ये तसकं हिसि दुम्‍ह, छन्‍त तसकं यःम्‍ह गुकथं मेपिं स्‍वयाः बांला? छिमि प्रेमी गय् यानाः मेपिं प्रेमीत स्‍वयाः बांलाः? छाय् छं जिमित थज्‍याःगु आज्ञा बियागु?

श्रेष्‍ठगीत 6:1

हे मिसात मध्‍ये तसकं हिसि दुम्‍ह, छिमि प्रिय गन वन? व गन वनाच्‍वंगु दु? वयात मालेत जिमिसं छन्‍त ग्‍वाहालि याये।

यर्मिया 6:16

परमप्रभुं थथे धयादी, “प्‍यकालँय् दनाः स्‍व! पुलांगु लँ गन दु धकाः न्‍यँ! भिंगु लँयागु बारे न्‍यँ, व लँय् हुँ! अले छिमिगु मन याउँसे च्‍वनी। तर इमिसं धाल, ‘जिपिं व लँय् वने मखु।’

यूहन्‍ना 21:15

नयेनी धुंकाः येशूं सिमोन पत्रुसयात धयादिल – “यूहन्‍नाया काय् सिमोन, थुमिसं स्‍वयाः छं जितः अप्‍वः माया याना ला?” वं वय्‌कःयात धाल – “खः प्रभु, जिं छितः माया याः धकाः छिं स्‍यू।” अले वय्‌कलं धयादिल – “जिमि चीधिकःपिं भ्‍याःचातय्‌त ज्‍व।”

१ कोरिन्‍थी 11:1

ख्रीष्‍टं यानादी थें तुं जिं नं यानाच्‍वनागुलिं, जिं याना च्‍वंथें तुं छिमिसं नं याना च्‍वँ।

एफिसी 5:27

थःगु हे निंतिं धकाः वय्‌कलं थज्‍याःगु पवित्रगु, छुं हे दोष मदुगु, खू मदुगु, स्‍यमकूंगु व बांलाःगु मण्‍डली दय्‌कादिल।

हिब्रू 13:7

छिमित परमेश्‍वरयागु वचन स्‍यनीपिं गुरुतय्‌त लुमंकी। इपिं गुकथं म्‍वानाच्‍वन, व स्‍वयाः छिमिसं नं इमिसं थें हे विश्‍वास यायेगु या।

हिब्रू 6:12

छिपिं अल्‍छी जूगु जिमित मयः, बरु दुनुगलंनिसें परमेश्‍वरयात विश्‍वास याःपिं मनूतय्‌सं थें वय्‌कलं बी धयादीगु कायेत कुतः या।

याकूब 2:21

झी तापाःबाज्‍या अब्राहाम गथे जुयाः धर्मी जुल, छं स्‍यू ला? थःकाय् इसहाकयात वेदीइ छाये त्‍यंगुलिं हे मखु ला, व धर्मी जूगु?

याकूब 2:25

अथे हे राहाब धाःम्‍ह छम्‍ह मिसा वेश्‍या नं देशयागु फुक्‍क खँ सीकेत वःपिं यहूदी मनूतय्‌त बाय् बियाः बिसिके छ्वःगुलिं हे ला खः नि धर्मी जूगु।

याकूब 5:10

दाजुकिजापिं, वचन न्‍यंकेत प्रभुं छ्वयाहयादीपिं अगमवक्तातय्‌गु खँ लुमंकी। इमित गुलि दुःखकष्‍ट जुल, अय्‌नं इमिसं सह यानाच्‍वन।

१ पत्रुस 3:6

इपिं मध्‍ये सारा नं छम्‍ह खः। सारां थः भाःत अब्राहामयात हामा धकाः तसकं मानय् याइगु खः। छिपिं नं साराया सन्‍तान जूगुलिं छिमिसं भिंगु बांलाःगु याना जुइमाः। अले छिपिं नं ग्‍याये माली मखु।