श्रेष्‍ठगीत 1:5 - नेवाः बाइबल

⁵ जि हाकुसे च्‍वंम्‍ह खः अय्‌नं जि तसकं हिसि दु, हे यरूशलेमया मिसापिं, केदारया पालत थें जि हाकुसे च्‍वं, तर सोलोमनया देगःया पर्दा थें बांलाः।

श्रेष्‍ठगीत 1:5 ပူးပေါင်းရင်းမြစ်များ

भजनसंग्रहया सफू 120:5

धिक्‍कार दु जितः, छाय्‌धाःसा जि मेशेकय् परदेशी जुयाः च्‍वनेमाली, अले केदारया पालतय्‌गु दथुइ च्‍वनेमाःगु दु।

भजनसंग्रहया सफू 149:4

परमप्रभु थः मनूत खनाः लय्‌ताः, वय्‌कलं क्‍वमिलुतय्‌त मुक्ति बियाः हनादी।

भजनसंग्रहया सफू 45:9

छिगु लाय्‌कुलिइ हनेबहःपिं मिस्‍तय्‌गु दथुइ जुजुपिनि म्‍ह्याय्‌पिं नं दु, छिगु जवपाखे ओपीरया लुँया तिसा तियातःम्‍ह भम्‍चा दु।

भजनसंग्रहया सफू 90:17

परमप्रभु, जिमि परमेश्‍वर, छिगु दया माया जिमिके दयेमा, जिमिसं यानागु फुक्‍क ज्‍याय् जिमित ताःलाकादिसँ।

श्रेष्‍ठगीत 2:14

छ पहाडया कापि व तग्‍वःगु ल्‍वहंया पाःचाय् च्‍वनीम्‍ह सुकुभत्तु थें च्‍वँ, छंगु ख्‍वाः जितः क्‍यं, छंगु सः न्‍यने दयेमा, छाय्‌धाःसा छंगु सः तसकं न्‍यने यइपुसे च्‍वं व छंगु ख्‍वाः तसकं बांलाः।

श्रेष्‍ठगीत 2:7

हे यरूशलेमया मिसापिं, जिं छिमित आज्ञा बी, ख्‍यःया हरिण व चल्‍लाया नामं पाफयाः धा, “पाय्‌छिगु ई मजुतले मतिनायात थने मते।”

श्रेष्‍ठगीत 3:10

वं थुकिया कथि वहःया, अले लिधंसा लुँया दय्‌कूगु खः। थुकिया फ्‍यतुइगु थाय् यरूशलेमया मिसापिन्‍सं मायां बुट्टा भरय् यानातःगु प्‍याजीगु रंगया कापतं भुनातःगु दु।

श्रेष्‍ठगीत 3:5

हे यरूशलेमया मिसापिं, जिं छिमित आज्ञा बी, ख्‍यःया हरिण व चल्‍लाया नामं पाफयाः धा, “पाय्‌छिगु ई मजुतले मतिनायात थनेमते।”

श्रेष्‍ठगीत 4:3

छंगु म्‍हुतुसि ह्याउँगु रिबन थें च्‍वं, छंगु म्‍हुतु तसकं बांलाः। गाचाय् दुने छंगु न्‍यता बागः थलातःगु धालेसि थें च्‍वं।

श्रेष्‍ठगीत 5:16

वयागु म्‍हुतु तसकं साःगुलिं जाः, व तसकं बांलाःम्‍ह खः। व जिमि यःम्‍ह प्रिय खः, जिमि पासा नं खः, हे यरूशलेमया मिसापिं, जिमि प्रिय थथे हे खः।

श्रेष्‍ठगीत 5:8

हे यरूशलेमया मिसापिं, जिं छिमित छगू आज्ञा बी, छं जिमि यःम्‍ह प्रिययात नापलात धाःसा छु धायेगु? वयात थथे धयाब्‍यु, जि वयागु मायाय् दुबय् जुयाच्‍वनागु दु।

श्रेष्‍ठगीत 6:4

हे जिमि प्रिय, छ तिर्सा थें हिसि दु अले यरूशलेम थें तसकं बांलाः। छ झण्‍डा ब्‍वय्‌का च्‍वनीपिं सेना थें प्रतापी खः।

श्रेष्‍ठगीत 8:4

हे यरूशलेमया मिसापिं, जिं छिमित आज्ञा बी, पाय्‌छिगु ई मजुतले मतिनायात थनेमते।

यशैया 21:16

परमप्रभुं जितः थथे धयादी, “दच्‍छि तक ज्‍यालां ज्‍या याइम्‍हं च्‍यःनं दँ ल्‍याःखाःथें, दच्‍छिं हे केदारया फुक्‍क महिमा अन्‍त जुइ।

यशैया 53:2

व ला वय्‌कःया न्‍ह्यःने क्‍यातूगु मा थें व गंगु बं पिहां वःगु हा थें तःमा जुयावल। वयात स्‍वयेत झःझः मधाः अले बांलाः नं मजू। वयागु ख्‍वालय् झीत यःगु छुं नं मदु।

यशैया 60:7

केदारया फुक्‍क फैच्‍वलय्‌तय् बथां छन्‍थाय् मूंवइ। नबायोतया फैतय्‌सं छंगु सेवा याइ। इपिं बलिकथं जिगु वेदीइ नालेबहः जुइ। अले महिमां जाःगु जिगु देगःयात जिं समाः याये।

यशैया 61:10

जि परमप्रभुया कारणं तसकं लय्‌ताये। जिगु प्राणं जिमि परमेश्‍वरयाके लय्‌ताइ। छाय्‌धाःसा वय्‌कलं जितः उद्धारया वसः पुंकादीगु दु, अले वय्‌कलं जितः धार्मिकताया वसतं त्‍वपुयादीगु दु। गथे ब्‍याहा याइम्‍ह मिजंनं थःगु छेनय् पुजाहारीं थें समाः याइ अले भम्‍चां थःत तसकं मू मू वंगु तिसां समाः याइ।

इजकिएल 16:14

छ बांलाःगुलिं छंगु नां जाति जातितय्‌गु दथुइ बय्‌बय् जुल, छाय्‌धाःसा जिं छन्‍त बियागु गौरवया कारणं छ तसकं बांलाःगु खः, परमप्रभु परमेश्‍वरं धयादी।

इजकिएल 27:21

“‘अरब व केदारयापिं फुक्‍क शासकत छंगु गाहाकि खः। इमिसं छलिसें चीधिकःपिं भ्‍याःचात, भ्‍याःचात व दुगुत हयाः व्‍यापार याइगु।

मत्ती 10:25

चेला थः गुरु थें जुइ दुगुलिं, अले च्‍यः थः मालिक थें जुइ दुगुलिं लुधनेमाः। छेँ थुवाःयात हे भूतया जुजु बालजिबुल धाल धाःसा वया जहानतय्‌त झन छु जक धाइगु जुइ?”

मत्ती 22:11

“अले जुजु भ्‍वय् वःपिन्‍त स्‍वः वल। जुजुं बांलाःगु वसतं पुना मतःम्‍ह छम्‍ह मनूयात खन।

लूका 13:34

“हे यरूशलेमय् च्‍वंपिं मनूत, छिमिसं अगमवक्तातय्‌त स्‍याना छ्वत, अले परमेश्‍वरं छ्वयाहयादीपिं दूततय्‌त ल्‍वहँतं कय्‌काः स्‍याना छ्वत। जिं छिमित माखां थः खाचातय्‌त त्‍वपुया तः थें गुलि बचय् यायेत स्‍वये धुन। अय्‌नं छिपिं मानय् मजू।

लूका 15:22

“तर अबुम्‍हय्‌सिनं च्‍यःतय्‌त सःताः थथे धाल – ‘याकनं हे दकलय् बांलाःगु वसः हयाः वयात पुंकि। वयागु पतिनय् अंगू नं न्‍ह्याकाः ब्‍यु। अले तुतिइ लाकां नं न्‍ह्याकाः ब्‍यु।

रोमी 13:14

थथे मयासें बरु न्‍ह्यागु याःसां प्रभु येशू ख्रीष्‍टयात यय्‌क जक याना च्‍वँ। थः यःथें जक याना जुइ मते।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

गलाती 4:26

सारा धाःसा परमेश्‍वरं चिनातःगु बाचा थें खः। सारा न्‍यानातःम्‍ह भ्‍वातिं मखु, व स्‍वर्गयागु यरूशलेम थें खः। अले झीपिं वया सन्‍तान जुल।

एफिसी 5:26

ख्रीष्‍ट येशूं मण्‍डलीयात शुद्ध यायेत थःगु वचनं व लखं सिलाः शुद्ध यानादिल।

१ यूहन्‍ना 3:1

स्‍व, परमेश्‍वर बाःनं झीत गुलि माया यानादीगु दु। उकिं हे झीत परमेश्‍वरया सन्‍तान धकाः धाःगु खः, धात्‍थें खः नं खः। अय्‌जूगुलिं हे थ्‍व संसारयापिं मनूतय्‌सं झीत म्‍हमस्‍यूगु, छाय्‌धाःसा इमिसं वय्‌कःयात म्‍हमस्‍यू।